সখরিয় 1:6 - Chakma Bible

⁶ মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

সখরিয় 1:6 Iomraidhean Croise

২ রাজাবলী 15:12

লগেপ্রভু যেহূরে যিয়েনি কোইয়্যে, “তঅ বংশত্তুন চের্‌ আজু সং ইস্রায়েলর সিংহাসনত্‌ বুজিবাক্‌,” সিয়েন্‌ পূরোণ অলঅ।

ইয়োব 6:29

তুমি নরম্‌ অ, অন্যেয় ন-গোজ্য; আরঅ ভাবি চঅ, কিত্তেই মুই এজঅ সং গম্‌ আগং।

যিশাইয় 21:17

কেদরর ধনুবলা যোদ্ধোগুনো ভিদিরে কয়েক্কো মান্‌জ্যে বাঁজি থেবাক্। ইস্রায়েলর গোজেন লগেপ্রভু এ কধাগান কোইয়্যে।”

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিশাইয় 55:11

ঠিগ্ সেধোক্ক্যেন গুরি মঅ মুয়োত্তুন্ নিগিলি এচ্চ্যে কধানি নিষ্ফল ওইনে মইদু ফিরি ন-এবঅ, বরং সিয়েনি মঅ আওজ্ মজিম্ কাম গুরিবো আর যে আজায় মুই পাদেয়োং সিয়েন সফল অবঅ।

যিরমিয় 23:20

মঅ রাগ্‌‌‌কান মঅ মনান নাঙে ভর্‌পুনং ন-অনা সং ফিরি ন-যেবঅ। তুমি আগামীদি সিয়েন গমেডালে বুঝি পারিবে।‌

যিরমিয় 26:15

মাত্তর্ ইয়েন ঘেচ্চেকগুরি হবর্ পেবাদে যে, তুমি যুনি মরে মারে ফেল সালে নিদ্দুজিবোর্ লো ঝরানার অন্যেয়ান তুমি নিজো উগুরে আর এ শঅরান উগুরে আর যিগুনে ইধু বজত্তি গরন তারা উগুরে আনিবো; কিত্তে এই বেক কধানি তমারে শুনেবাত্তে ঘেচ্চেকগুরি লগেপ্রভু মরে পাদেয়্যে।”

যিরমিয় 28:17

সে বজরর্ সাত্ মাজত্ ভাববাদী হনানিয় মুরি গেলঅ।

যিরমিয় 32:24

শঅরান্ নিবাত্তে কেধোক্ক্যেন গুরি দেবাল সমারে বাস্যেগুরি কুড়্ বানা অর্ সিয়েন তুই চাহ্। যুদ্ধো, ভাদরাত্ আর ভানা ভিদিরেদি শঅরান্ আক্রমণ গুরিয়্যে বাবিলীয়গুনো আঢত্ যেবঅ। তুই দঅ দেগর্, তুই যিয়েন কোইয়োচ্ সিয়েনই ওইয়্যে,

যিরমিয় 36:28

“যিহূদার রাজা যিহোয়াকীমে যে বোইবো পুড়ি দিয়্যে সে পত্তম বোইবোত যিয়েনি লেগা এলঅ সিয়েনি বেক্কানি তুই আর এক্কো ভাজ্ গুরি থোইয়্যে বোই নিইনে সিয়েনত্ লেগ্।

যিরমিয় 39:16

“কূশীয় এবদ-মেলক ইধু যেইনে কঅ, ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, ‘ভালেদিলোই নয় বরং অমংগল দিইনে মুই এ শঅর বিরুদ্ধে মর্ কধানি ফোলেবাত্তে যাঙর্। সে অক্তত্ তঅ চোগো মুজুঙোত্ সিয়েন পূরেই দিম,

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

যিরমিয় 44:2

মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই যিরূশালেম আর যিহূদার বেক্ আদামানি আর শঅর উগুরে যে অমকদ দজা আন্যং সিয়েনি তুমি দেখ্য। সিয়েনি এচ্চ্যে ভস্ত ওইনে পড়ি আঘে; সিয়েনিত্ কনজনে বজত্তি ন-গরন্।

যিরমিয় 44:28

যিগুনে যুদ্ধোর্ আঢত্তুন্ রেহাই পেইনে মিসরত্তুন্ যিহূদা দেজত্ ফিরি এবাক্ তারা জনেদি অবাক্ খুবই কম। সে পরেদি যিহূদার বাদবাগি যিদুক্কুন মানুচ্ মিসরত্ বজত্তি গুরিবাত্তে এচ্চ্যন্ তারা হবর্ পেবাক্ কা কধা ঠিগ্ থেবঅ-মর্ না-তারার।

যিরমিয় 44:29

মুই লগেপ্রভু তমাত্তে এক্কান চিহ্নো দিম্, এ জাগানত্ তমারে সাজা দিম্ যেনে তুমি হবর্ পঅ তমা বিরুদ্ধে মুই যে অমংগলর্ দর্ দেগেয়োং সিয়েন ঠিগ্ থেবঅ। সে চিহ্নোগান অলঅ ইয়েন-

যিরমিয় 44:6

সেনত্তে মর্ অমকদ রাগ্‌‍‌কান ঢালি দিয়্যে ওইয়্যে; সিয়েন যিহূদার শঅরত্ শঅরত্ আর যিরূশালেমর পধে পধে জুলি উঠ্যে আর সেনত্তে এচ্চ্যে সিয়েনি মানুচ্ নেইয়্যে আর ভস্ত ওই পড়ি আঘে।

যিরমিয় 5:14

সেনত্তে বেগত্তুন্ খেমতাবলা গোজেন লগেপ্রভু এ কধাগান কোইয়্যেদে, “মানুচ্চুনে এ কধানি কদন্ বিলিনে তঅ মুয়োদি মঅ কধানি আগুনো ধোক্ক্যেন গুরিম আর এ মানুচ্চুনোরে গুরিম তক্তা ধোক্ক্যেন; সে আগুনানে সিয়েনরে পুড়ি ফেলেব।”

আবিলেচ্ 1:18

তে কত্তে, “লগেপ্রভু ন্যায়বলা, মুই দঅ তা উগুমো বিরুদ্ধে উল্লোমী গোজ্যং। বেক্ জাদ্‌‌তুনে শুনো, মঅ দুঘ্‌‌কান চঅ; মর্ গাবুজ্যে-গাবুরীগুনে বন্দী ওইনে দূরোত্ যেইয়োন।

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

আবিলেচ্ 3:42

“আমি পাপ গোজ্যেই, উল্লোমি গোজ্যেই; তুই খেমা ন-গরচ্।

যিহিষ্কেল 20:43

সিদু তমার আগ আচার-বেবহারর কধা আর যেদক্কানি কামত্তে তুমি নিজোরে অসিজি গোজ্য সিয়েনি ইদোত্ রাগেবা আর তমা বেক্ ভান্ন্যেই কামানিত্তে নিজোরে নিজে ঈচ্ গুরিবা।

যিহিষ্কেল 37:11

সে পরেদি তে মরে কলঅ, “ও মান্‌‌‌‌‌‌জ্যর পুয়োবো, এই আড়ুন্ অলাক্ গোদা ইস্রায়েল জাত্তো। তারা কদন্, আমা আড়ুন শুগেই যেইয়োন আর আমা আজায়ো যেয়্যেগোই; আমি মুরি যেইয়্যেই।

দানিয়েল 4:28

ইয়েনি রাজা নবূখদ্‌নিৎসর উগুরে ঘুদিলো। বার মাস পরেদি তে যেক্কে বাবিলর রাজঘর ছাদ উগুরে বেড়ার্ সেক্কে কোইয়্যেদে, “মর্ খেমতালোই আর মর্ সয়-সাগোজ্যে বাঈনী গুরিবাত্তে রাজধানী ইজেবে যিয়েন মুই বানেয়োং ইয়েন কি সেই মহান বাবিল নয়?”

হোশেয় 5:9

সাজা দিবার দিনোত্ ইফ্রয়িম মানুচ্ নেইয়্যে ওইনে পড়ি থেবঅ। যিয়েন অবঅ ওক্ সিয়েন মুই ইস্রায়েলর গুট্টিগুনো ভিদিরে ফগদাং গরঙর্।

হোশেয় 9:15

লগেপ্রভু কত্তে, “গিল্‌গলে তারা তারার্ পাজিগানি আরাম্ভ গোজ্যন, আর সিদু মুই তারারে ঈচ্ গরা ধুরিলুং। তারার্ পাপত্তে মঅ মানুচ্চুনো ভিদিরেত্তুন্ মুই তারারে ধাবেইনে নিগিলে দিম। মুই তারারে আর কোচ্‌‌ ন-পেইম্; তারার্ নেতাগুন বেক্কুন্ উল্লোমী।

আমোষ 9:10

মর্ বেক পাপী মানুচ্চুনো ভিদিরে যিগুনে কন্, ‘অমংগলে আমারে লাগত্ ন-পেবঅ বা আমা ইধু ন-এবঅ,’ তারা বেক্কুনে যুদ্ধোত্ মুরিবাক্।”

সখরিয় 1:7

দারিয়াবসর রাজাগিরির দ্বিবজরর্ এগার মাজত্, অত্তাৎ শবাট মাসর চোব্বিশ দিনোত্ বেরিখিয়র পুয়ো ভাববাদী সখরিয় ইধু লগেপ্রভুর কধা ফগদাং অলঅ।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

গণাণা 32:23

মাত্তর্‌ যুনি তুমি সিয়েন্‌ ন-গরঅ সালে লগেপ্রভুর বিরুদ্ধে তুমি পাপ গুরিবা। তুমি ইয়েন্‌ জানি রাগেয়ো, তমার পাপ তমারে রেহাই ন-দিবো।

গণাণা 33:56

সেক্কে মুই তমা উগুরে সিয়েনোই গুরিম যিয়েনি মুই তারা উগুরে গুরিম বিলিনে ঠিগ্ গুরি রাগেয়োং।”

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

দ্বি’লম্বর বিররণ 28:15

মাত্তর্‌ তুমি যুনি তমার গোজেন লগেপ্রভুর কধালোই কান্‌ ন-পাদঅ আর এচ্চ্যে দিয়্যে মর্‌ এদক্কানি উগুম আর সুদোম গমেডালে ন-পালঅ, সালে এই বেক্‌ অভিশাব্‌পানি তমা উগুরে লামি এবঅ আর তমা লগে থেবঅ:

দ্বি’লম্বর বিররণ 28:2

তুমি যুনি তমার গোজেন লগেপ্রভুর বাধ্য অ সালে এই বেক্‌ আশিদ্‌বাদতানি তুমি পেবা আর সিয়েনি তমার লগে থেবঅ:

দ্বি’লম্বর বিররণ 28:20

ভান্ন্যেই কামানি গুরিনে লগেপ্রভুরে ফেলে যেবার অপরাধে তমার বেক্‌ কামানিত্‌ তে তমারে অভিশাব্ দিবো, যাগুলুগোত্‌ ফেলেব আর ঘিনেব, যিয়েনর কারনে তুমি ক্ষয় যাদে যাদে কম্‌ সময়ো ভিদিরে শেজ্‌ ওই যেবা।

দ্বি’লম্বর বিররণ 28:45

এদক্কানি অভিশাব্ তমা উগুরে লামি এবঅ। তুমি তমার গোজেন লগেপ্রভুর বাধ্য ন-অনার কারনে আর তে যেদক্কানি উগুম আর সুদোম দিয়্যে সিয়েনি ন-পালানার কারনে এদক্কানি অভিশাব তমার পিজেন্দি লোড়ে লোড়েই এবঅ আর তমারে ধুরি ফেলেব আহ্‌ যেরেন্দি তুমি শেজ্‌ ওই যেবা।

১ থিষলনীকীয় 5:4

মাত্তর্ ভেইলগ, তুমি দঅ আন্ধারত্ বজত্তি ন-গরর্ যে, সে দিন্নো চুরো ধোক্ক্যেন তমা উগুরে এইনে লুমিবো। তুমি দঅ বেক্কুনে পহ্‌রর্ আর দিনোর্ মানুচ্‌। আমি রেদোর্ বা আন্ধারর মানুচ্‌ নয়।