সখরিয় 1:4 - Chakma Bible

⁴ তুমি তমা পূরোণি মানুচ্চুনো ধোক্ক্যেন ন-ওইয়ো। তারা ইধু আগ ভাববাদিগুনে মর্ এ কধাগান ফগদাং গোজ্যন্দে যে, তারা যেন তারার ভান্ন্যেই পথ আর ভান্ন্যেই অভ্যেসত্তুন্ ফিরোন্। মাত্তর্ তারা সিয়েন ন-শুনোন্ আর মঅ কধাগান মনযোগঅ ন-দুয়োন।

সখরিয় 1:4 Iomraidhean Croise

২ বংশধর 30:6

রাজার উগুমে রাজা আর তার্‌ কামগুরিয়্যেগুনো ইত্তুন্‌ চিদি নেযেইনে মানুচ্চুনে ইস্রায়েল আর যিহূদার বেক্‌ জাগানিত্‌ যেইনে এ কধাগান ফগদাঙ্‌ গুরিলাক্‌, ও ইস্রায়েলীয়গুন, তুমি অব্রাহাম, ইসহাক আর ইস্রায়েলর গোজেন লগেপ্রভু ইদু ফিরি এজঅ, সেক্কে যিগুনে আসিরিয়ার রাজা আঢত্তুন্‌ রোক্ষ্যে পেইয়োন্‌ তারা ইদু, অত্তাৎ তমা ইদু তেয়ো ফিরি এবঅ।

২ বংশধর 30:7

তুমি তমা পূরোণি মানুচ্‌ আর ইস্রায়েলীয় ভেইয়ুনো ধোক্ক্যেন ন-অবা। তারা তারার্‌ পূরোণি মানুচ্চুনোর্‌ গোজেন লগেপ্রভু উগুরে অবিশ্বেজি ওইয়োন্‌ বিলিনে তে তারারে অমকদ সাজা দিলো। তুমি দঅ সিয়েনি দেগর্‌।

২ বংশধর 34:21

“যে বোইবো পাহ্ যেইয়্যে সিবে ভিদিরে কি লেগা আঘে সিবে তুমি যেইনে মর্‌ আর ইস্রায়েল আর যিহূদার বাদবাগি মানুচ্চুনোত্তে লগেপ্রভুরে পুযোর্‌ গর্‌। আমা পুরোণি মানুচ্চুনে লগেপ্রভুর কধানি ন-পালান্‌ আর এ বোইবোত্‌ যিয়েনি লেগা আঘে সেই মজিম কাম্‌ ন-গরে বিলিনে তার্‌ জদবদে রাগ্‌কান আমা উগুরে পোজ্যে।”

ইষ্রা 9:7

আমা পূরোণিমানুচ্চুনোর্ সময়োত্তুন্ ধুরি আরাম্ভ গুরিনে এচ্চ্যে সং আমি বোউত্ পাপ গোজ্যেই। আমা পাপত্যেই আমার আর আমা রাজাগুনোর্ আহ্ আমা ধর্মগুরুগুনোর অন্য রাজাগুনোর্ আঢত্ মোজ্যন্, বন্দীদযা, লুদো খানা আর অসর্মান ওইয়োন, আর এজঅ সেই অবস্থাগান রোইয়্যে।

নহিমিয় 9:16

তো আমা পূরোণিমানুচ্চুনোর বেবহার্‌ এলদে বার্‌বোলোই ভরা; তারা একগেয়েমি ওইয়োন্‌ আর তর্‌ উগুমান্‌ ন-পালান্‌।

নহিমিয় 9:26

মাত্তর্‌ তো তারা অবাধ্য ওইনে তঅ বিরুদ্ধে উল্লোমি গোজ্যন্‌; তর্‌ রীদি-সুুদোম তারা ছাড়ি যেইয়োন। তর্‌ যে ভাববাদীগুনে তারারে উজিয়ার্‌ গুরিদাক্‌ যেনে তারা তইন্দি ফিরি এজন্‌ সে ভাববাদীগুনোরে তারা মারে ফেল্যন; তারা তরে অমকদ অগমান গোজ্যন।

নহিমিয় 9:30

মাত্তর্‌ তো ভালোক্‌ বজর্‌ ধুরিনে তুই তারার্‌ উগুরে ধৈয্য ধোজ্যস্‌। তর্‌ ভাববাদীগুনোর্‌ মাধ্যমে তঅ আত্মালোই তু্‌ই তারারে উজিয়ার্‌ গোজ্যস্‌, মাত্তর্‌ সেক্কেয়ো তারা কান ন-পাদন্‌। সেনত্তেই নানান্‌ জাদর্‌ আঢত্‌ তুই তারারে তুলি দুয়োচ্‌।

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

যিশাইয় 31:6

ও ইস্রায়েলীয়গুন্, তুমি যিবের্ বিরুদ্ধে এদক্ উল্লোমী গোজ্য তাইদু ফিরি এজঅ,

যিরমিয় 18:11

“সেনত্তে ইক্কিনে তুই যিহূদার মানুচ্চুনোরে আর যিরূশালেমর আদাম্মেগুনোরে কঅ, লগেপ্রভু কোইয়্যেদে, ‘চঅ, মুই তমাত্তে দজা আনিবার বেবস্থা গোজ্যং আর তমা বিরুদ্ধে এক্কান পরিকল্পনা গোজ্যং। সেনত্তে তুমি বেক্কুনে তমা ভান্ন্যেই পধত্তুন ফিরো আর তমার আদাউদো আর কামানি গম্ গর।’

যিরমিয় 23:22

মাত্তর্ তারা যুনি মঅ মুজুঙোত্ থিয়্যেদাক, সালে মঅ মানুচ্চুনো ইধু তারা মঅ কধানি ফগদাং গুরিদাক্ আর ভান্ন্যেই পথ আর ভান্ন্যেই কামত্তুন্ তারারে ফিরেদাক্।”

যিরমিয় 25:8

“সেনত্তে বেগত্তুন্ খেমতাবলা লগেপ্রভু কোইয়্যেদে, ‘তুমি মঅ কধা ন-শুনো।

যিরমিয় 26:5

ইয়েনি বাদেয়ো মুই বার্ বার্ মর্ যে চাগরুনোরে, অত্তাৎ ভাববাদীগুনোরে তমা ইধু পাদেয়োং তারা কধায়ো ন-শুনো।

যিরমিয় 3:12

তুই যেইনে এ হবরানি উত্তোরেদি মু গুরিনে ফগদাং গর্: মুই লগেপ্রভু কঙর্, ও ভান্ন্যেই পধেদি যেইয়্যে ইস্রায়েল, ফিরি আয়। মুই আর তঅ ইন্দি রাগ্ গুরিনে ন-থেম্; মুই দোয়্যেবলা, সেনত্তে জিংকানিবর্ রাগ্ মনত্ ন-রাগেম।

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিরমিয় 35:15

মুই মর্ বেক চাগরুনোরে, অত্তাৎ ভাববাদীগুনোরে বারে বারে তমা ইধু পাদেয়োং। তারা কোইয়োন্দে, তুমি পত্তিজনে ভান্ন্যেই পধিত্তুন ফিরো আর তমা চালচলনানি গম্ গরঅ; দেব-দেবেদাগুনোরে সেবা গুরিবাত্তে তারা পিজেদি ন-যেয়ো। সালে যে দেজ্‌চান মুই তমারে আর তমা পুরোণি মানুচ্চুনোরে দুয়োং সিয়েনত্ তুমি বজত্তি গুরি পারিবা। মাত্তর্ তুমি মঅ কধালোই মনযোগ ন-দুয়ো আর ন-শুনো। ‌‍

যিরমিয় 4:1

লগেপ্রভু কোইয়্যেদে, “ও ইস্রায়েল, তুই যুনি ফিরি এবাত্তে চাজ্ সালে মইধু ফিরি আয়। যুনি তুই মঅ চোগো মুজুঙোত্তুন তর্ জঘন্য মূত্তিগুনোরে সোরেই দুয়োচ্ আর ভান্ন্যেই পধেদি ন-যাচ্,

যিরমিয় 44:16

“তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

যিহিষ্কেল 14:6

সেনত্তে তুই তারারে কঅ, প্রভু লগেপ্রভু কোইয়্যেদে, তুমি মন ফিরো। তমা মূত্তিগুনোত্তুন্ ফিরো আর বেক্ জঘন্য কামানি ছাড়।

যিহিষ্কেল 20:18

সিদু তারার্ পুয়ো-ঝিগুনোরে মুই কলুং, তারা যেন তারার্ পুরোণি মানুচ্চুনো ধোক্ক্যেন কাম্ ন-গরন, তারার আচার-বেবহার মজিম্ ন-চলন আর তারার্ মূত্তিগুন দিইনে নিজোরে অসিজি ন-গরন।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

যিহিষ্কেল 33:4

সেক্কে যুনি কনজনে তূরীর রঅ শুনিনেয়ো উজিয়ার ন-অয় আর সৈন্যগুনে এইনে তারে মারে ফেলান্ সালে তার মরণত্তে তে নিজেই দায়ী থেবঅ।

দানিয়েল 9:6

আমা রাজাগুনোর, নেতাগুনোর, পূরোণি মানুচ্চুনোর আর দেজর্ বেক মানুচ্চুনো ইধু তর্ চাগর ভাববাদীগুনে তর্ দিয়্যে যে কধানি কোইয়্যে সিয়েনি আমি ন-শুনিই।

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

আমোষ 5:24

তাত্তুন্ বরং ন্যায়বিচের্ গাঙ ধোক্ক্যেন আর সততা উমরর্ বেঈ যেইয়্যে গঙার্ পানি ধোক্ক্যেন বেঈ যোক্।

মীখা 2:6

তমা ভাববাদীগুনে আমারে কন্, “ইয়েনি ন-কোইয়ো, ইয়েনি পৌইদ্যেনে কনঅ কধা ন-কোইয়ো, কিত্যে আমা উগুরে অসর্মানান্ ন-এবঅ।”

সখরিয় 1:3

সেনত্তে তুই মানুচ্চুনোরে কঅ, মুই বেগত্তুন্ খেমতাবলা লগেপ্রভু কঙর্, ‘তুমি মইন্দি ফিরো, সেক্কে মুইয়ো তমা ইন্দি ফিরিম।

সখরিয় 7:7

যেক্কে যিরূশালেম আর তার কায়কুরে শঅরানিত্ মানুচ্ বজত্তি গত্তন্ আর সিয়েনির অবস্থাগান্ ভালেদি অর্ আর নেগেভ আহ্ পোজিমেদি তলে মুড়ো চাগালাত্ মানুচ্চুনোর্ বজত্তি এলঅ সেক্কেয়ো লগেপ্রভু এই বেক্ কধানি পুরোণি ভাববাদীগুনোর মাধ্যমে কোইয়্যে।’ ”

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;