সখরিয় 1:21 - Chakma Bible

²¹ মুই পুযোর্ গুরিলুং, “ইগুনে কি গুরিবাত্তে এচ্চোন্?” জোবত্ তে কলঅ, “সেই শিঙুন্ অলাক্ সেই বেক্ জাদ্‌তুনোর খেমতা‌‌‌ যিগুনে যিহূদার মানুচ্চুনোরে এমনভাবে ছিদি দুয়োন যে, তারা কনজনে মাঢা তুলি ন-পারন। সেই বেক্ জাদ্‌‌‌‌তুনোরে দর্ দেগেবাত্তে আর তারার্ খেমতাগানরে ভস্ত গুরিবাত্তে এ কালিগরুনে এচ্চোন্।”

সখরিয় 1:21 Iomraidhean Croise

গীতসংহিতা 75:10

মুই পাজিগুনোর বেক শিঙুন কাবি ফেলেই দিম, মাত্তর্ গোজেন ভক্তগুনোর্ শিঙুন অজলত্ তুলো অবঅ।

গীতসংহিতা 83:2

চাহ্, কেজান্ গুরি তর্ শত্রুগুনে রঅ ছাড়দন্ আর যিগুনে তরে ঘিনান্ তারা বার্‌বো গুরিনে মাদাগুন উজু গোজ্যন্।

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

সখরিয় 1:19

যে স্বর্গদুত্‌‌তো মঅ লগে কধা কোইয়্যে মুই তারে পুযোর্ গুরিলুং, “ইগুন কি?” জোবত্ তে মরে কলঅ, “ইগুন সেই শিং যিগুন যিহূদা, ইস্রায়েল আর যিরূশালেমর মানুচ্চুনোরে নানান্ জাগাত্ ছিদি দিয়্যে।”