সখরিয় 1:2 - Chakma Bible

² লগপ্রভু সখরিয়রে কলঅ, “তমা পুরোণি মানুচ্চুনো উগুরে মুই অমকদ বেজার্ ওইয়োং।

সখরিয় 1:2 Iomraidhean Croise

২ রাজাবলী 23:26

তো মনঃশি যে কামানি গুরিনে লগেপ্রভুরে অহুজি গোজ্যে সেনত্তে যিহূদার বিরুদ্ধে যে দর্‌গরেপারা রাগে লগেপ্রভু জুলি উঠ্যে সিয়েনত্তুন্‌ তে নঅ-ফিরিলো।

ইষ্রা 9:13

“আমা ভান্ন্যেই কাম আর আমা দাঙর্ পাপত্যে আমা উগুরে ইয়েনি ঘদের্, মাত্তর্ তো ও আমার্ গোজেন, আমা পাপর পাওনা মজিম তুই আমারে কম্ সাজা দুয়োচ্ আর আমার কিজু মান্‌‌জ্যরে বাঁজি থাগদে দুয়োচ্।

গীতসংহিতা 60:1

ও গোজেন, তুই আমারে এলাফেলা গোজ্যস্, আমারে গুড়ি গোজ্যস্; তুই অমকদ বেজার্ ওইয়োচ্, মাত্তর্ এবেরা তুই আমারে আগ অবস্‌তাদ্ ফিরেই আন।

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিরমিয় 44:6

সেনত্তে মর্ অমকদ রাগ্‌‍‌কান ঢালি দিয়্যে ওইয়্যে; সিয়েন যিহূদার শঅরত্ শঅরত্ আর যিরূশালেমর পধে পধে জুলি উঠ্যে আর সেনত্তে এচ্চ্যে সিয়েনি মানুচ্ নেইয়্যে আর ভস্ত ওই পড়ি আঘে।

আবিলেচ্ 5:7

আমা পুরোণি মানুচ্চুনে পাপ গোজ্যন্; তারা ইক্কিনে আর নেই, মাত্তর্ আমি তারার্ সাজানি বুয়োই নেযের্।

যিহিষ্কেল 22:31

সেনত্তে মঅ রাগ্‌‌‌‌‌‌‌‌‌‌‌‌‌‌‌কান মুই তারা উগুরে ঢালি দিম আর তারার আচার-বেবহারর ফল তারা মাঢা উগুরে লামেই দিইনে মর্ জোল্‌‌‌‌‌‌‌‌‌‌‌‌‌‌‌জোল্যে রাগে মুই তারারে পুড়ি ফেলেম। মুই প্রভু লগেপ্রভু এ কধাগান কঙর্।”

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

সখরিয় 1:15

মুই নিচিদে থেইয়্যে সেই বেক জাদ্‌‌‌‌‌তুনো উগুরে অমকদ বেজার্ ওইয়োং, কিত্যে মুই যেক্কে মঅ মানুচ্চুনো উগুরে বানা এক্কানাগুরি বেজার্ ওইয়োং সেক্কে সেই বেক জাদ্‌তুনে মঅ মানুচ্চুনোর দুদ্দশা সমারে আরঅ দুদ্দশা দুয়োন্।‌‌‌‌

সখরিয় 7:12

তারা তারার্ মনানি পাত্তর ধোক্ক্যেন দরমর গোজ্যন্ আর রীদি-সুদোম ন-মানন্। মুই বেগত্তুন্ খেমতাবলা লগেপ্রভু মঅ আত্মাগান্দোই পুরোণি ভাববাদীগুনোর মাধ্যমে যে কধানি পাদেয়োং সিয়েনিয়ো তারা ন-শুনোন্। সেনত্তে মর্ অমকদ রাগ্‌‌কান জুলি উঠ্যে।

সখরিয় 8:14

“মুই বেগত্তুন্ খেমতাবলা লগেপ্রভু কঙর্, তমা পূরোণি মানুচ্চুনে যেক্কে মরে অহুজি গোজ্যন্ সেক্কে মুই তারা উগুরে দযা আনিম্ বিলি ঠিগ্ গোজ্যং আর সিয়েন ঘোদেয়োংঅ।

প্রেরিত্‌ 7:52

এমন্‌ কনঅ ভাববাদী আঘে কি, যিবেরে তমা পূরোণি মানুচ্চুনে অত্যেচার্ ন-গরন্? এমন্‌ কি, যিগুনে সেই গম্ মান্‌‌জ্যর্, অত্তাৎ খ্রীষ্ট এবার্ কধাগান আগে কোইয়োন তারারেয়ো তারা মারে ফেল্ল্যন্। আর ইক্কিনে তুমি যীশুরে শত্রুগুনো আঢত্ ধুরি দিইনে তারে খুন্ গোরেইয়ো।