সখরিয় 1:17 - Chakma Bible

¹⁷ মুই বেগত্তুন খেমতাবলা লগেপ্রভু এ এগেমান্ গরঙর্, মর্ শঅরানিত্ আরঅ ভালেদি উগুরি পড়িবো আর মুই আরঅ সিয়োনানরে সান্ত্বনা দিম আহ্ আরঅ যিরূশালেমানরে বেঈ নেযেম।’ ”

সখরিয় 1:17 Iomraidhean Croise

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

নহিমিয় 11:20

ইস্রায়েলীয়গুনোর বাদবাগি মানুচ্চুনে, ধর্মগুরুগুনে আর লেবীয়গুনে যিহূদার পুরো শঅর্‌ আর আদামর ভিদিরে পত্তিজনে যে যার্‌ পূরোণিমানুচ্চুনোর্‌-ভূইয়োত্‌ বজত্তি গুরিদাক্‌।

নহিমিয় 11:3

বোউত্‌ ইস্রায়েলীয়, ধর্মগুরু, লেবীয়, উবোসনা-ঘরর্‌ সেবাগুরিয়্যে আর শলোমনর্ চাগরুনোর্‌ বংশধরুনোরে যিহূদা দেজর্‌ নানান্‌ আদামত্‌ নিজোর্‌ নিজোর্‌ ভূইয়োত্‌ বজত্তি গুরিদাক্‌। ইয়েনিবাদেয়ো যিহূদা আর বিন্যামীন-গুট্টির কয়েক্কো মান্‌জ্যে যিরূশালেমত্‌ বজত্তি গুরিদাক্‌। দেজর্‌ যিদুক্কুন্‌ নেতায় যিরূশালেমত্‌ বজত্তি গুরিদাক্‌ তারা অলাক্‌: যিহূদার বংশধরুনো ভিদিরেত্তুন্‌ উষিয়োর পূঅ অথায় আর বারূকোর পূঅ মাসেয়। উষিয়োর পূরোণিমানুচ্চুন্‌ অলাক্‌ সখরিয়, অমরিয়, শফটিয়, মহললেল আর পেরস। বারূকোর পূরোণিমানুচ্চুন্‌ অলাক্‌ কল্‌হোষি, হসায়, অদায়া, যোয়ারীব, সখরিয় আর শীলোনীয়।

গীতসংহিতা 69:35

কিত্তেই গোজেনে সিয়োনানরে উদ্ধোর্ গুরিবো, যিহুদার শঅরানরে আরঅ বানেব; সেক্কেনে তা মানুচ্চুনে সিদু বজত্তি গুরিবাক্ আর সিয়েনর অধিকারি অবাক্।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

যিশাইয় 44:26

মাত্তর্ মুই মঅ চাগরুনোর কধানি সফল্ অবাত্তে দুয়োং আর মঅ দূত্‌তুনোর কধা পূরোণ গরং। মুই যিরূশালেম পৌইদ্যেনে কঙর্, ‘সিয়েনত্ মানুচ্চুনে বজত্তি গুরিবাক্,’ আর যিহূদার্ শঅরানি পৌইদ্যেনে কঙর্, ‘সিয়েনি আরঅ বানা অবঅ।’ মুই দেজর্ ভস্তর্ জাগায়ানি আরঅ বানেম্।

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 51:12

লগেপ্রভু কত্তে,“আমি, মুয়ই তমারে সান্তনা দুয়োং। তুমি কিত্তে মান্‌জ্যরে দরর্? তারা দঅ মুরি যেবাক্। মান্‌জ্যর্ পুয়োগুনে ঘাস ধোক্ক্যেন কানক্কন্যে।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 52:9

ও যিরূশালেমর ভস্তর্ জাগায়ানি, তুমি একসমারে রঅ ছাড়ি ছাড়ি হুজির্-গীদ্ গঅ, কিত্তে লগেপ্রভু তা মানুচ্চুনোরে বুঝেয়্যে আর যিরূশালেমানরে উদ্ধোর্ গোজ্যে।

যিশাইয় 54:8

রাগে কানক্কনত্তে তত্তুন্ মুই মুয়োন ফিরেয়োং, মাত্তর্ উমর কোচ্‌পানালোই মুই তঅ উগুরে মেয়্যে গুরিম। মুই তর্ উদ্ধোর গুরিয়্যে লগেপ্রভু এ কধাগান কঙর্। ‍

যিশাইয় 66:13

মাবো যেবাবোত্যেগুরি তা পুয়ো-ছাগুনোরে বুঝোয় সেবাবোত্যেগুরি মুই তমারে বুঝেম্; আর তুমি যিরূশালেমত্ বুঝ্ পেবা।”

যিরমিয় 31:13

গাবুজ্যে মিলেগুনে নাজিবাক্ আর ফুত্তি গুরিবাক্, গাবুজ্যে আর বুড়ো মানুচ্চুনেয়ো বাদ ন-যেবাক্। মুই তারার মনত্ দুঘ্‌কান হুজি ইজেবে বুদুলি দিম‍; দুঘোর্ বদলে মুই তারারে দিম মনসুখ্ আর হুজি।

যিরমিয় 33:13

অজল্ আর নিজো মুড়োমুড়ি চাগালার বেক্ আদাম আর শঅরত্, বিন্যামীন চাগালাত, যিরূশালেমর চেরোকিত্তে চাগালাত্ আর যিহূদার আর নেগেভর বেক্ আদামানি আর শঅরত্ যিগুনে ভেড়াগুনোর সংখ্যেগুন গুণোন তারার আঢ তলেদি আরঅ ভেড়া পালুন যানা-এযানা গুরিবাক্। মুই লগেপ্রভু এ কধাগান কঙর্।”

যিরমিয় 33:9

সেক্কে এ শঅরানে পিত্‌‌থিমীর বেক জাদ্‌তুনো মুজুঙোত্ মরে হুজি আর সর্মান গুরিবো আর বাঈনী দান গুরিবো। মুই তার যেদক্কানি ভালেদি গুরিম সে জাদ্‌তুনে সিয়েন শুনিবাক্, আর তারে দিয়্যে অমকদ ভালেদি আর সুগ্ শান্দি দেগিনে দরে গির্‌‌গিরেবাক্।

যিহিষ্কেল 36:33

“‘মুই প্রভু লগেপ্রভু কঙর্, যেদিন্যে মুই বেক্ পাপত্তুন্ তমারে সাব্ গুরিম সেদিন্যে মুই শঅরানিত্ মানুচ্চুনোরে বজত্তি গোরেম্ আর ভস্ত ওইয়্যে জাগানি আরঅ বানা অবঅ।

আমোষ 9:14

বন্দীদজাত্ থেইয়্যে মঅ মানুচ্ ইস্রায়েলীয়গুনোরে মুই ফিরেই আনিম; তারা ভস্ত ওই যেইয়্যে শঅরানি আরঅ বানেবাক্ আর সিয়েনিত্ বজত্তি গুরিবাক্। তারা আংগুর খেত্ গুরিনে আংগুর-রস হেবাক্; তারা বাগান গুরিনে সিয়েনর্ ফলুন হেবাক্।

ওবদিয় 1:20

বন্দীদজাত্ থেইয়্যে ইস্রায়েলীয়গুনোর্ দল্লো এইনে সারিফৎ সং কনানীয়গুনোর্ দেজ্‌‌‌চান গজক্ গুরি নিবাক্; বন্দীদজাত্ থেইয়্যে যিরূশালেমর যে মানুচ্চুনে সফারদত্ আগন্ তারা এইনে নেগেভর আদামানি গজক্ গুরিবাক।

সখরিয় 1:14

সেনত্তে সেই স্বর্গদূত্‌‌‌‌তো মরে কলঅ, “তুই এই কধাগান ফগদাং গর্ যে, বেগত্তুন খেমতাবলা লগেপ্রভু কোইয়্যেদে, ‘যিরূশালেমত্তে, অত্তাৎ সিয়োনত্তে মর্ মনত্ অমকদ জ্বলের্।

সখরিয় 1:18

সে পরেদি মুই রিনি চেইনে চের্‌‌বো শিং দেগিলুং।

সখরিয় 2:12

সুদ্ধো-সাংগ দেজত্ তার সোম্বোত্তি ইজেবে লগেপ্রভু যিহূদা দেজ্‌‌‌চান গজক্ গুরিবো আর যিরূশালেমানরে আরঅ বেঈ নেযেব।

সখরিয় 2:4

তে তারে কলঅ, “তুই ধাবা যেইনে সেই গাবুজ্যে পুয়োবোরে কঅ, ‘যিরূশালেমর্ ভিদিরে মানুচ্ আর য়েমান বেশ্ অনার কারনে সিয়েনত্ কনঅ দেবাল ন-থেবঅ।

সখরিয় 3:2

লগেপ্রভু শদান্নোরে কলঅ, “শদান, লগেপ্রভু তরে মানা গোরোক্। যিরূশালেমানরে যিবে বেঈ নেযেয়্যে তে তরে মানা গোরোক্। এই মানুচ্চো কি আগুনোত্তুন্ নিগিলেই আন্যে তক্তা নয়?”

ইফিষীয় 1:4

আমি যেনে গোজেন চোগেদি পবিত্র আর গম্ ওই পারিই সেনত্যে গোজেনে জগদ্‌‌‌তান বানেবার্ আগেদি খ্রীষ্টর্ মাধ্যমে আমারে বেঈ লোইয়্যে। তার্ কোচ্‌পানাত্যে তে হুজী ওইনে নিজোর্ আয়োজে আগে ধুরি ঠিগ গোজ্জ্যেদে, যীশু খ্রীষ্টর্ মাধ্যমে তার্ পুয়ো ইজেবে তে আমারে মানি লবঅ।