সখরিয় 1:11 - Chakma Bible

¹¹ লগেপ্রভুর যে দূদ্‌তো গুলমেঁদি গাজ্‌চুনোর সংমোধ্যে থিয়্যেই এলঅ তারে ঘোড়াবলাগুনে কলাক্, “আমি গোদা পিত্‌‌‌থীগান গুরিনে চেলং যে, পুরো দুনিয়েগান ন-দোরেয়্যেগুরি আর গমেডালে আঘে।”

সখরিয় 1:11 Iomraidhean Croise

ইয়োব 1:7

সেক্কে লগেপ্রভু শদানরে কলঅ, “তুই কুত্তুন্‌ এচ্ছোস্‌?” জোবত্‌ শদান্নো লগেপ্রভুরে কলঅ, “পিত্‌‌থিমীর্‌ ভিদিরেদি ইন্দি-উন্দি গুরিনে এলুঙ্‌।”

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

যিশাইয় 14:7

ইক্কিনে বেক্ পিত্‌থিমীগানে রেহাই আর শান্তি পেইয়্যে; সেনত্তে তারা হুজিয়ে গান গাদন্।‌

দানিয়েল 10:20

সেক্কে তে কলঅ, তুই কি হবর্ পাজ্ মুই কিত্তে তইদু এচ্চ্যং? সত্য বোইবোত্ যিয়েনি লেগা আঘে সিয়েনি তরে জানেবাত্তে মুই এচ্চ্যং। পারস্যের আজল্লো বিরুদ্ধে যুদ্ধো গুরিবাত্তে মুই যাদিমাদি ফিরি যেইম্ আর মুই যানার্ পরেদি গ্রীসর আজল্লোয়ো যুদ্ধো গুরিবাত্তে এবঅ। তঅ মানুচ্চুনোর আজল্ সেই মীখায়েল বাদে আর কনজনে তারা বিরুদ্ধে মরে সাহায্য ন-গত্তন্।

সখরিয় 1:10

যিবে গুলমেঁদি গাজ্‌‌‌চুনো সংমোধ্যে থিয়্যেই এলঅ তে মরে কোইয়্যেদে, “গোদা পিত্‌থিমীগান ঘুরিনে রিনি চেবাত্তে লগেপ্রভু ইগুনোরে পাদেয়্যে‌‌‌।”

সখরিয় 1:15

মুই নিচিদে থেইয়্যে সেই বেক জাদ্‌‌‌‌‌তুনো উগুরে অমকদ বেজার্ ওইয়োং, কিত্যে মুই যেক্কে মঅ মানুচ্চুনো উগুরে বানা এক্কানাগুরি বেজার্ ওইয়োং সেক্কে সেই বেক জাদ্‌তুনে মঅ মানুচ্চুনোর দুদ্দশা সমারে আরঅ দুদ্দশা দুয়োন্।‌‌‌‌

সখরিয় 1:8

রেদোত্ মুই সখরিয় এক্কান দর্শন পেলুং। মুই দেগিলুং, মান্‌জ্য ধোক্ক্যেন রিনি চাদে এক্কো স্বর্গদূত রাঙা ঘোড়া উগুরে চড়িনে এজের্। ঘোড়াবো গাদ ভিদিরে গুলমেঁদি গাজ্‌‌চুনো সংমোধ্যে থিয়্যেই আঘে। মানুচ্চো পিজেদি আগেদে রাঙা, মাদি রঙর্ আর ধুব্ রংয়র কয়েক্কো ঘোড়া।

সখরিয় 6:7

বোলী ঘোড়াগুন নিগিলিনে পুরো পিত্‌‌‌থিমীগান ঘুরি চেবাত্তে ছোট্‌পোত্যে ওই উঠ্যন্। সেক্কে সেই স্বর্গদূত্‌তো কলঅ, “পিত্‌থিমীর বেক্ জাগায়ান ঘুরি চাহ্‌‌‌।” সেনত্তে তারা পিত্‌থিমীর বেক্ জাগায়ান ঘুরিবাত্তে গেলাক্। ‌‌

মথি লেখ্যে গম্ হবর্ 13:41

যিগুনে অন্যগুনোরে পাপ গরান্ আর যিগুনে নিজে পাপ গরন্ তারারে বেক্কুনোরে সেই স্বর্গদূত্‌তুনে মান্‌জ্যপুয়োবোর্ রেজ্যত্তুন্ একলগে এগত্তর্ গুরিবাক্ আর জ্বোল্‌জোল্যে আগুনো ভিদিরে ফেলে দিবাক্।

মথি লেখ্যে গম্ হবর্ 13:49

যুগোর্ থুম্ সময়োত্ এবাবোত্যে অবঅ। স্বর্গদূত্‌তুনে এইনে গোজেনভক্ত মানুচ্চুনো ভিদিরেত্তুন্ পাজিগুনোরে যুদো গুরিবো আর জ্বোল্‌জোল্যে আগুনো ভিদিরে তারারে ফেলে দিবো।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

২ থিষলনীকীয় 1:7

আর তুমি যিগুনে দুঘ্ পর্ তে আমা সমারে তমারেয়ো রেহাই দিবো। যেক্কে প্রভু যীশু তার্ খেমতাবলা স্বর্গদূত্‌তুনোরে নিইনে জ্বোল্‌জোল্যে আগুনো ভিদিরে স্বর্গত্তুন ফগদাং অবঅ সেক্কেনে ইয়েনি বেক্কানি অবঅ। যিগুনে গোজেনরে ন-জানন্ আর যিগুনে প্রভু যীশু পৌইদ্যেনে গম হবরর্ কধানি ন-মানন্ তারারে তে সেক্কে সাজা দিবো।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।