সখরিয় 1:10 - Chakma Bible

¹⁰ যিবে গুলমেঁদি গাজ্‌‌‌চুনো সংমোধ্যে থিয়্যেই এলঅ তে মরে কোইয়্যেদে, “গোদা পিত্‌থিমীগান ঘুরিনে রিনি চেবাত্তে লগেপ্রভু ইগুনোরে পাদেয়্যে‌‌‌।”

সখরিয় 1:10 Iomraidhean Croise

ইয়োব 1:7

সেক্কে লগেপ্রভু শদানরে কলঅ, “তুই কুত্তুন্‌ এচ্ছোস্‌?” জোবত্‌ শদান্নো লগেপ্রভুরে কলঅ, “পিত্‌‌থিমীর্‌ ভিদিরেদি ইন্দি-উন্দি গুরিনে এলুঙ্‌।”

সখরিয় 1:11

লগেপ্রভুর যে দূদ্‌তো গুলমেঁদি গাজ্‌চুনোর সংমোধ্যে থিয়্যেই এলঅ তারে ঘোড়াবলাগুনে কলাক্, “আমি গোদা পিত্‌‌‌থীগান গুরিনে চেলং যে, পুরো দুনিয়েগান ন-দোরেয়্যেগুরি আর গমেডালে আঘে।”

সখরিয় 1:8

রেদোত্ মুই সখরিয় এক্কান দর্শন পেলুং। মুই দেগিলুং, মান্‌জ্য ধোক্ক্যেন রিনি চাদে এক্কো স্বর্গদূত রাঙা ঘোড়া উগুরে চড়িনে এজের্। ঘোড়াবো গাদ ভিদিরে গুলমেঁদি গাজ্‌‌চুনো সংমোধ্যে থিয়্যেই আঘে। মানুচ্চো পিজেদি আগেদে রাঙা, মাদি রঙর্ আর ধুব্ রংয়র কয়েক্কো ঘোড়া।

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

সখরিয় 4:10

এদকদিন যে সামান্য কাম্ ওইয়্যে সিয়েন মান্‌‌‌জ্যে তুচ্ছো মনে গোজ্যন্। মাত্তর্ সরুব্বাবিল আঢত্ ওলনদড়িগান দেগিনে মানুচ্চুনে ফুত্তি গুরিবাক্।” সে পরেদি মুই শুনিলুং, “এই সাত্‌‌‌‌তো বাত্তি অলঅ লগেপ্রভুর চোগ্ যিগুনে পুরো দুনিয়েগান দেগন্।”

সখরিয় 5:7

সে পরেদি সেই পিলেবোর সীসের্ ঢাগনিগান তুলিলে পরেদি দেগা গেলঅ এক্কো মিলে তা ভিদিরে বৈই আঘে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।