তীত 3:9 - Chakma Bible

⁹ অঘা ধোক্ক্যেন তর্কাতর্কি, বংশর-নাঙানি, কোল্-কোজ্জ্যে আর রীতি-সুদোমর্ কধা সলাসুলিত্তুন্ তুই দূরোত্ থাগ, কিয়া ইয়েনি গুরিনে কনঅ লাভ নেই; ইয়েনি বেক্কানি অত্ত-নেইয়্যে।

তীত 3:9 Iomraidhean Croise

ইয়োব 15:3

তে কি দগ্‌ন্যেই কধালোই তাদাতাদি গুরিবো না কি দাম্‌নেইয়্যে কধা কবঅ?

১ করিন্হীয় 13:2

যুনি ভাববাদী ইজেবে কধা কবার্ খেমতা মত্তুন্ থায়, যুনি মুই বেক্‌ গুমুরো সত্যর্ পৌইদ্যেনে বুঝি পারং, আর যুনি মর্ নানান্ বাবোত্যে জ্ঞান থায়, এন্‌ কি, মুড়োগুনোরে এক জাগাত্তুন্ অন্য জাগাত্ সোরেই দিবার পুরো বিশ্বেজ্‌‌চান থায়, মাত্তর্ মত্তুন কোচ্‌পানা ন-থায়, সালে মর্ কনঅ-ই দাম্ নেই।

১ করিন্হীয় 8:1

এবার্ মুই মূত্তি ইধু উৎসর্ব-গোজ্জ্যে হানা পৌইদ্যেনে কঙর্। আমি কোই পারিই, আমার্ বেক্কুনোর জ্ঞান আঘে। জ্ঞান মান্‌জ্যরে দেমাগ্ গরে, মাত্তর্ কোচ্‌পানা মান্‌জ্যরে গড়েই তুলে।

১ তীমথিয় 4:7

গোজেন উগুরে ভোক্তি-নেইয়্যে হিত্যে-কধাত্তুন্ দূরোত্ থাগঅ; ইয়েনি দঅ বুড়ীগুনোর্ বানেয়্যে হিত্যে ধোক্ক্যেন। সিয়েনিত্তুন্ বরং গোজেন ভক্তির অভ্যেস্ গরঅ।

২ তীমথিয় 2:14

এই বেক্‌ কধানি মানুচ্চুনোরে ইদোত্ গুরি দেনাত্ থাগ। গোজেন মুজুঙোত্ তারারে উজিয়ার গুরি দে যেন তারা বাজে কধালোই তর্কাতর্কি ন-গরন। ইয়েনর কনঅ দাম নেই, বরং যিগুনে সিয়েনি শুনোন্ তারারে সিয়েনে সর্বনাশ গরে।

২ তীমথিয় 2:16

গোজেন উগুরে ভোক্তি-নেইয়্যে আর বাজে কধাবাত্তাত্তুন্ দূরোত্ থাগঅ, কিয়া এবাবোত্যে কধা বাত্তাত্যে মানুচ্চুনো মনত্ গোজেন উগুরে ভোক্তির্ মনভাব্‌পান কুমি যানাত্ থেবঅ।

২ তীমথিয় 2:23

বাজে, অঘা তর্কাতর্কিত্ ন-মিজেয়ো, কিয়া তুই দঅ কোই পারচ্ সিয়েনিয়ে যেরেদি কোল্-কোজ্জ্যে বাজেই দে।

তীত 1:14

আর যিহূদীগুনোর্ হিত্যে-কধালোই আর যিগুনে গোজেনর্ সত্যত্তুন্ ফিরি যেইয়োন তারার্ উগুমে কান ন-পাদন্।

যাকোব 4:1

তমা ভিদিরে কোল্-কোজ্যে আর মারামারি কুত্তুন্ এজে? যেদক্কানি কামনা-বাসনা তমা কিয়্যে ভিদিরে যুদ্ধো গরে সে ভিদিরেত্তুন্ কি সিয়েনি নিগিলি ন-এজে?