তীত 3:2 - Chakma Bible

² তারা যেন কারঅ নিন্দে ন-গরন্ বা কোল্‌-কোজ্জ্যে ন-গরন্, বরং তারা যেন শান্ত খাচ্চ্যদর্ অন্ আর বেক্কুনো সমারে ভারী চিদে বেবহার গরন্।

তীত 3:2 Iomraidhean Croise

২ শমূয়েল 22:36

ও লগেপ্রভু, তঅ রোক্ষ্যেগুরিয়্যে ঢালান তুই মরে দুয়োচ্‌; তঅ যত্তন্‌দোই তুই মরে দাঙর্‌ বানেয়োচ্‌।

গীতসংহিতা 140:11

ইংসে-নিন্দে গুরিয়্যেগুনে যেনে দেশ ভিদিরে অধিকার ন-পান; অত্যেচার্ গুরিয়্যেগুনোর্ পিজে পিজে দজাগান্ আমিঝে থেবঅ।

গম্ উপদেজ্ 19:19

অমকদ রাগি মান্‌জ্যত্তুন্ সাজা পাহ্ পুরিবো; তারে একপল্লা রোক্ষ্যে গুরিলে বার্ বার্ গরা পুরিবো।

গম্ উপদেজ্ 25:24

কোজ্যে বাজেয়্যে মিলে সমারে ঘর ভিদিরে বজত্তি গরানাত্তুন্ বরং ছাল উগুরে এক কনাত্ গায় গায় বজত্তি গরানা গম্।

গম্ উপদেজ্ 6:19

মিজে কধা কোইয়্যে মিজে সাক্ষি, আর ভেইয়্যে ভেইয়্যে যাগুলুক্ বাজেয়্যে মানুচ্।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।

প্রেরিত্‌ 23:5

সেক্কে পৌলে কলঅ, “ভেইলগ্, মুই হবর্ ন-পেদুং, ইবে দাঙর্ ধর্মগুরু। যুনি হবর্ পেদুং সে কধাগান্ ন-কদুং, কিয়া পবিত্র বোইবোত্ লেগা আঘে, ‘তর্ জাদর্ নেতাবোরে অসর্মান ন-গোজ্জ্য।’ ”

১ করিন্হীয় 6:10

যিগুনে চুর্, লুভী, মাত্তল্, যিগুনে পররে বদ্‌নাঙ্ গরন্ আর যিগুনে জোচ্চোর সিগুনে গোজেন রেজ্যর্ অধিকারী ন-অবাক্।

১ করিন্হীয় 9:19

যুনিয়ো মুই কারঅ চাগর্ নয় তো মুই নিজোরে বেক্কুনোর্ চাগর্ বানেয়োং, যেন ভালোক্ জনরে খ্রীষ্টত্যে জিদি পারং।

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 12:20

মত্তুন্ দর্ লাগের্, মুই যেক্কে তমা ইধু এম্ সেক্কে মুই তমারে যেধোক্ক্যেন দেগিবাত্যে চাং অয়ত সেধোক্ক্যেন্ ন-দেগিম্, আর তুমিয়ো মরে যেধোক্ক্যেন্ দেগিবাত্যে চঅ সেধোক্ক্যেন ন-দেগিবা। মত্তুন্ দর্ লাগেত্তে, তমা ভিদিরে কোল্-কোজ্যে, ইংসে, মেজাজ দেগানা, দলাদুলি, নিন্দে, পর কধালোই তেম্মাং, বাড়্ গরানা আর ঝাগুলুগ্ থেবঅ।

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

গালাতীয় 6:1

ভেইলগ্, তমাত্তুন্ যুনি কেঅ অঢাদত্ কনঅ পাপত্ পড়ে, সালে তুমি যিগুনে পবিত্র আত্মার্ অধীনোত্ আঢাউদো গরর্ তুমি তারে তুলি আন্ন্য। মাত্তর্ ভারী নরম মনভাব্‌পোই তুমি এ কামান্ গোজ্জ্য আর নিজো পৌইদ্যেনে উজিয়ার্ থেয়ো, যেন তুমিয়ো পাপত্ ন-পড়।

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

ইফিষীয় 4:2

তমার খাচ্চ্যদ্‌তানি যেন পুরোপুরি গুরি নম্র আর নরম অয়। ধৈজ্জ্য ধরঅ আর কোচ্‌পানার মনভাব্‌পোই একজন আরেকজনরে সোজ্জ্য গরঅ।

ইফিষীয় 4:31

নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।

ফিলিপীয় 4:5

তমার নরম খাচ্চ্যদ্‌তানি যেন বেক্কুনে দেগন্। প্রভু যাদিমাদি এজের্।

১ থিষলনীকীয় 2:7

মাত্তর্ সিয়েনর্ বদলে মাবো যেধোক্ক্যেন তা নিজোর পুয়ো-ছাগুনোরে আদর-যত্তন্ গরে, তমা ইধু থেবার অক্তত্ আমিয়ো তমা লগে সেবাবোত্যে নরম বেবহার গোজ্জ্যেই।

১ তীমথিয় 3:11

ঠিগ্ সেবাবোত্যেগুরি তারার্ মোগ্‌কুনেয়ো যেন সর্মানর্ যগাজ্জ্যে অন্। তারা যেন অন্যরে বদ্‌নাঙ্ গুরিনে ন-বেড়ান্ আর নিজোরে দোঙেই রাগান্। বেক্কানি পৌইদ্যেনে যেন তারারে বিশ্বেজ্ গরা যায়।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

যাকোব 4:11

ভেইলগ্, তুমি একজন আরেকজনরে নিন্দে ন-গোজ্জ্য। যে কেঅ ভেইয়ো বিরুদ্ধে কধা কয় বা ভেইয়ো দুষ্ তগায় তে রীদি-সুদোম বিরুদ্ধে কধা কয় আর রীদি-সুদোমর্ দুষ্ তোগেইনে বেড়ায়। যুনি তুই রীদি-সুদোমর্ দুষ্ তোগেইনে বেড়াচ্ সালে দঅ তুই সিয়েন ন-পালর্ বরং সিয়েনর বিচের গরর্।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

১ পিতর 3:10

পবিত্র বোইবোত্ লেগা আঘে, যে সুগী জিংকানি কাদেবার্ চায় আর সুদিন চেবার্ আজা গরে, ভান্ন্যেই কধাত্তুন্ তা জিলানরে, ছলনার্ কধাত্তুন্ তা ঠুদ্‌তোরে তে সামোলোক্।

১ পিতর 3:8

শেজদি কং, তমার বেক্কুনো মনানি যেন একবাবোত্যে অয়। তুমি একজন আরেকজনর্ দুঘে দুঘ্ পঅ, ভেইয়ো ধোক্ক্যেন কোচ্‌‌পানার মনভাব রাগঅ আর দোয়্যেলু আহ্ চিদে অ।

১ পিতর 4:4

মাত্তর্ ইক্কিনে সেই মানুচ্চুনে দেগিনে আমক্ অন্ যে, তুমি তারার্ সেই জঘন্য কজবরলত্ আর ন-মিযোর্, আর সেনত্যে তারা তমা বিরুদ্ধে নিন্দের্ কধা কন্।

যিহূদা 1:10

মাত্তর্ এই ভন্ড মাষ্টরুনে যিয়েন ন-বুঝোন সে পৌইদ্যেনে ভান্ন্যেই কধা কন্ আর বুদ্ধিনেইয়্যে এ্যামানুনো ধোক্ক্যেন নিজোত্তুন্ যিয়েন বুঝোন সিয়েন্দোই ভস্ত অন্।

যিহূদা 1:8

তো এই ফক্কর্ মাষ্টরুনে সেধোক্ক্যেন গুরিনে ভান্ন্যেই স্ববন্দোই নিজোর কিয়্যেগানরে অসিজি গোজ্জ্যন, স্বর্গদূদ্‌তুনোর্‌ শাসন এলাফেলা গোজ্জ্যন আর সেই বাঈনী গরা হেইয়্যে মানুচ্চুনো বিরুদ্ধে অগমানর্ কধা কোইয়োন।