তীত 3:1 - Chakma Bible

¹ গোজেনর্ মানুচ্চুনোরে মনত্ তুলি দে যেন তারা শাসনগুরিয়্যে আর যিগুনোর্ আঢত্ খেমতা আঘে তারার্ অধিনোত্ থান, বাধ্য অন্ আর মানুচ্চুনোরে যে কনঅ উপকার গুরিবাত্যে যুক্কোল্ থান্।

তীত 3:1 Iomraidhean Croise

গম্ উপদেজ্ 24:21

মঅ পুয়োবো, লগেপ্রভু আর রাজারে ভোক্তি গর্, আর উল্লোমি গুনো সমারে ন-মিজেয়ো;

উপদেশক 10:4

শাজন্‌গুরিয়্যেবো যুনি তঅ উগুরে রাগ্ গরে তো তুই তঅ পোজিশনান্ ন-ছাড়িচ্; শান্তভাব থেলে দাঙর্ দাঙর্ অন্যেয়অ খেমা গরা যায়।

যিশাইয় 43:26

তঅ বেপারান্ মরে ইদোত্ তুলি দে; এজঅ, আমি সিয়েন্দোই তর্কাতর্কি গুরিই। তুই নিজো তপ্পেদি কধা কঅ যেন তরে নিদ্দুযি বিলিনে পরমান্ গরা যায়।

যিরমিয় 27:17

তারা কধানি ন-শুন্ন্য। তুমি বাবিলোর রাজারে সেবা গরঅ, সেক্কে বাঁজিবা। এ শঅরান ভস্ত অবঅ কিত্তে?

মথি লেখ্যে গম্ হবর্ 22:21

তারা কলাক্, “রোম-সম্রাটর্।” যীশু তারারে কলঅ, “সালে যিবে সম্রাটর্ সিবে সম্রাটরে দুয়ো, আর যিবে গোজেনর্ সিবে গোজেনরে দুয়ো।”

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

দ্বি’লম্বর বিররণ 17:12

যুনি কনঅ মান্‌জ্যে বাড়্ গরানার্ কারনে সেই বিচেরক্কোর কধানি বা তমা গোজেন লগেপ্রভুর সেবাগুরিয়্যে সেই ধর্মগুরুবোর কধানি শুনিবাত্তে রাজী ন অন্‌ সালে তারে হামাক্কায় মারে ফেলা পুরিবো। তুমি ইস্রায়েলীয়গুনো ভিদিরেত্তুন্‌ এ ধোক্ক্যেন ভান্ন্যেইয়ানি শেজ্ গুরি ফেলেবা।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

১ তীমথিয় 2:2

এবাবোত্যেগুরি রাজাগুনোত্যে আর যিগুনো আঢত্ খেমতা আঘে তারার্ বেক্কুনোত্যে তবনা গরা পড়িবো, যেনে গোজেন উগুরে ভোক্তি দেগেইনে আর গমেডালে চলিনে আমি থির্ আর সুগে-শান্দিয়্যে জিংকানি কাদে পারিই।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।

২ তীমথিয় 1:6

ইয়েনত্যে মুই তরে আরঅ এ কধাগান কবাত্যে চাং-তঅ উগুরে মঅ আঢ্‌তান দিইনে গোজেনে তরে যে বিশেষ দান দিয়্যে সিয়েন আরঅ জাগেই তুল্।

২ তীমথিয় 2:14

এই বেক্‌ কধানি মানুচ্চুনোরে ইদোত্ গুরি দেনাত্ থাগ। গোজেন মুজুঙোত্ তারারে উজিয়ার গুরি দে যেন তারা বাজে কধালোই তর্কাতর্কি ন-গরন। ইয়েনর কনঅ দাম নেই, বরং যিগুনে সিয়েনি শুনোন্ তারারে সিয়েনে সর্বনাশ গরে।

২ তীমথিয় 2:21

যিগুনে এবাবোত্যে নিচু কামর বাজোন ধোক্ক্যেন, তারাত্তুন্ সুরি এইনে যুনি কেঅ নিজোরে সিজি গরে সালে তে এমন্‌ বাজোন ধোক্ক্যেন অবঅ যিবেরে সর্মানর কামত্ বেবহার গরা অয়। পবিত্র উদ্দেচ্যে তারে যুদো গুরি থুয়ো অবঅ, তে প্রভুর কামত্ লাগিবো আর নানান্ বাবোত্যে গম কাম গুরিবাত্যে তে যুক্কোল্ থেবঅ।

তীত 1:16

মুয়োদি তারা কন্দে তারা গোজনরে জানন্, মাত্তর্ তারার্ কামানিলোই তারা তারে অস্বীগের্ গরন্। তারা ঈচ্‌গরা খেইয়্যে আর অবাধ্য; তারা কনঅ গম কামর্ যগাজ্জ্যে নয়।

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।

তীত 3:14

অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

২ পিতর 1:12

ইয়েনত্যে মুই আমিযে এ বেপারানি তমারে ইদোত্ গুরি দুয়োঙর্। খালিক্ তুমি দঅ ইয়েনি কোই পারঅ আর যে সত্যগান তমা রিবেঙত্ আঘে সিয়েন্দোই থির্-অ আঘঅ।

যিহূদা 1:5

তুমি খালিক্ এ বেপারানি গমেডালে কোই পারঅ; তো মুই তমারে এ কধাগান ইদোত্ তুলি দিবাত্যে চাং, মিসর দেজত্তুন্ ইস্রায়েলীয়গুনোরে উদ্ধোর্ গুরি আনিবার পরেদি যিগুনে বিশ্বেজ্ ন-গরন প্রভু তারারে ভস্ত গোজ্জ্যে।