তীত 2:8 - Chakma Bible

⁸ কেঅ যেনে তঅ দুষ্‌চান ধুরি ন-পারন্ সেবাবোত্যে সত্য শিক্ষ্যে দিস্, যেন তমার বিপক্ষ মানুচ্চুনে লাজান্, কিয়া আমা পৌইদ্যেনে ভান্ন্যেই কধা কবার্ দঅ কিচ্চু ন-থেবঅ।

তীত 2:8 Iomraidhean Croise

নহিমিয় 5:9

মুই আরঅ্‌ কলুঙ্‌, “তুমি যিয়েনি গোজ্য সিয়েনি ঠিগ্‌ নয়। অযিহূদী শত্রুগুনে যেনে আমারে ঘিনেই ন-পারন্‌ সেনত্তেই আমাত্তুন্‌ গোজেনরে দোরেইনে চলানা কি আমার্‌ উজিত্‌ নয়?

যিশাইয় 66:5

তুমি যিগুনে লগেপ্রভুর কধালোই গির্‌‌‌‌গিরো তুমি তা কধা শুনো। তে কত্তে, তমা ভেইয়ুনে তমারে ঈচ্ গরন আর মত্তে তমারে বাদ্ দুয়োন। তারা ঠাট্টা গুরিনে কন্, লগেপ্রভুর বাঈনী ওক্, আমি যেন তমার হুজিগান দেগিই। মাত্তর্ তারা নিজে লাজত্ পড়িবাক্।

মার্ক 12:17

যীশু তারারে কলঅ, “যিবে সম্রাটর সিবে সম্রাটরে দুয়ো, আর যিবে গোজেনর্ সিবে গোজেনরে দুয়ো।” যীশুর এ কধাগান্দোই তারা আমক্ ওই গেলাক্।

মার্ক 12:28

এক্কো ধর্ম-মাষ্টরে সিয়েনত্ এলঅ যিবে তারার্ কধাবাত্তানি শুনিলো। তে দেগিলোদে যে সুদ্দুকিবোরে যীশু দোল্ জোব্ দিলো সেনত্যে তে এইনে তারে পুযোর্ গুরিলো, “কন্ উগুমান বেক্কুনোত্যে বেগত্তুন্ দরকারী উগুম্?”

মার্ক 12:32

সেক্কে সেই ধর্ম-মাষ্টর্‌‌বো কলঅ, “মাষ্টরবাবু, বেশ্ দোল্ কধা। তুই সত্য কধা কোইয়োচ্, গোজেন এক্কো আর তে বাদে আর কনঅ গোজেন নেই।

মার্ক 12:34

যীশু যেক্কে দেগিলো সেই ধর্ম-মাষ্টরবো জোব্‌‍পান জ্ঞানী ধোক্ক্যেন সেক্কে তে তারে কলঅ, “গোজেন রেজ্যত্তুন্ তুই বেশ্ দূরোত্ নয়।” সেক্কেত্তুন্ ধুরি যীশুরে আর কনঅ প্রশ্ন পুযোর্ গুরিবাত্তে কারঅ সাহস ন-অলঅ।

লূকে লেখ্যে গম্ হবর্ 13:17

তে এ কধাগান্ কনার্ পরেদি যিগুনে তা বিরুদ্ধে এলাক্ তারা বেক্কুনে লাজেলাক্। মাত্তর্ অন্য মানুচ্চুনে তার্ এই বেক্‌ দাঙর্ কামানি দেগিনে হুজি অলাক্।

২ থিষলনীকীয় 3:14

এ চিধিগান ভিদিরে লেগা আমা কধানি যুনি কেঅ ন-মানন্ সালে সেই মানুচ্চোরে চিনি রাগঅ। তা সমারে ন-মিল্ল্য যাতে তে লাজ্ পায়।

১ তীমথিয় 5:14

সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

১ তীমথিয় 6:3

কেঅ যুনি অন্য বাবোত্যে শিক্ষ্যে দে আর সত্য উপদেচ্‌, অত্তাৎ আমা প্রভু যীশু খ্রীষ্টর্ শিক্ষ্যে আর গোজেন-ভোক্তির্ শিক্ষ্যে মানি ন-লয় সালে তে দেমাগী।

তীত 3:14

অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

১ পিতর 2:15

গোজেনর্ আওজ্‌ ইয়েন, তুমি যেন গম কাম গুরিনে অঘা মানুচ্চুনোর বুদ্ধি-নেইয়্যে কধাবাত্তা বন্ধ গুরি দুয়ো।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।