তীত 2:2 - Chakma Bible

² যিগুনে বুড়ো, তারারে কবে যেন তারা বেক্কানি পৌইদ্যেনে নিজোরে দোঙেই রাগান; তারা যেন সর্মান পেবার যগাজ্জ্যে অন্; তারার্ যেন গম বিচেরবুদ্ধি, সত্য বিশ্বেজ্, কোচ্‌পানা আর ধৈজ্জ্যগুণ থায়।

তীত 2:2 Iomraidhean Croise

ইয়োব 12:12

তুমি কোই থাগঅ, বুড়ো মানুচ্চুনো ইদু জ্ঞান পাহ্ যায় আর ভালোক্‌ দিন সং বুদ্ধি পায়।

গীতসংহিতা 92:14

শেজ্ বয়জত্‌অ তারা ফল দিবাক্; তারা রসিক্ আর ফোত্‌পোত্যে অবাক্।

গম্ উপদেজ্ 16:31

পাগানা চুল অলদে দোল্ অনার মুকুট; গোজেন উগুরে ভোক্তিবলা জিংকানি কাদেইনে সিয়েন পাহ্ যায়।

যিশাইয় 65:20

সিদু কনঅ চিগোন্ গুরো মুরি ন-যেবাক্, বা কনঅ বুড়ো মানুচ্ আয়ু থুম্ ন-অলে ন-মুরিবাক্। কনজনে একশঅ বজর্ বয়জত্ মুরি গেলেয়ো তারে গাবুজ্যে কুয়ো অবঅ; যে একশঅ বজর্ ন-বাঁজিবো তারে অভিশাব্ পেইয়্যে কুয়ো অবঅ।

লেবীয় 19:32

যিগুনে বুড়ো তারা কায়কুরে এলে উদিনে থিয়্যেবা আর তারারে সর্মান গরা পুরিবো। তুমি তমার গোজেনরে ভোক্তি গুরিনে দোরেবা। মুই লগেপ্রভু।

মার্ক 5:15

তারা যীশু ইধু এইনে দেগিলাক্, যিবেরে ভালোক্কুন্ ভান্ন্যেই আত্মায় পেইয়্যে সে মানুচ্চো কাবড়-চুগোড়্ উরিনে গম্ মনে বুয়োই আঘে। ইয়েন্ দেগিনে মানুচ্চুনে দোরেলাক্।

লূকে লেখ্যে গম্ হবর্ 8:35

কি ওইয়্যে সিয়েন্ চেবাত্তে সেক্কে মানুচ্চুনে নিগিলি এলাক্। যীশু ইধু এইনে তারা দেগিলাক্, যিবে ভিদিরেত্তুন্ ভান্ন্যেই আত্মাগুন্ নিগিলি যেইয়োন্ তে কাবড়-চুগোড়্ পিনিনে গম্ মনে যীশু টেঙ কুরে বুয়োই আঘে। ইয়েন্ দেগিনে তারা দোরেলাক্।

প্রেরিত্‌ 24:25

যেক্কে পৌলে গমেডালে চলানা, নিজোরে দমন্ রাগানা আর আগাম্ বিচের পৌইদ্যেনে কলঅ, সেক্কে ফীলিক্সে দোরেইনে কলঅ, “তুই ইক্কে যাহ্; সময়-সুযোগ্ মজিম মুই তরে ডাগিম্।”

রোমীয় 12:3

মুই গোজেনত্তুন্ যে বিশেষ দোয়্যে পেইয়োং সিয়েনর্ মাধ্যমে মুই তমা বেক্কুনোরে কঙর্, নিজোরে যেত্তমান্ দাঙর্ মনে গরানা উচিত্ সিয়েনত্তুন্ বেশ্ দাঙর্ তুমি নিজোরে মনে ন-গোজ্য, বরং যেত্তমান্ যগাজ্যে সেত্তমান্ মনে গোজ্য। গোজেনে যিবেরে যেত্তমান্ বিশ্বেজর্ খেমতা দিয়্যে তাত্তুন্ বেশ্ কনজনে যেন নিজোরে মনে ন-গরন্।

১ করিন্হীয় 15:34

সেনত্তে তুমি তমা মনানরে জাগেই তুলো আর পাপ ন-গোজ্জ্য; তমাত্তুন্ কেঅ কেঅ গোজেনরে নঅ চিনোন্; মুই তমারে লাজত্ ফেলেবাত্যে এ কধাগান্ কঙর্।

১ করিন্হীয় 9:25

যিগুনে ধাবা দেনাত্ মিজেন্ সিগুনে বেক্কুনে আগেত্তুন্ ধুরি দর-মর গুরিনে চলন্। যে জিদিবার্ মালাবো বর্‌বাদ ওই যায় সেই মালাবো পেবাত্যে তারা সিয়েন গরন্, মাত্তর্ আমি সিয়েন গুরিই সেই বক্‌শিজ্‌চানত্তে যিয়েন কনদিন্অ বর্‌বাদ ন-অবঅ।

২ করিন্হীয় 5:13

যুনি আমি পাগল্ ওই যেই সালে সিয়েন গোজেনত্যে ওইয়্যেই, আর যুনি গম্ মনে থেই সালে সিয়েন তমাত্যে আঘিই।

গালাতীয় 5:23

নম্র আর নিজোরে দঙানা। ইয়েনির্ বিরুদ্ধে কনঅ আইন নেই।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

১ থিষলনীকীয় 5:6

সেনত্যে অন্যগুনো ধোক্ক্যেন যেন আমি ন-ঘুমেই, বরং জাগি থেই আর নিজোরে দোঙেই রাগিই।

১ থিষলনীকীয় 5:8

মাত্তর্ আমি দিনোর মানুচ্‌; সেনত্যে বুক্ রোক্ষ্যে গুরিবাত্যে বিশ্বেজ্ আর কোচ্‌পানালোই বুক্ ঢাগিনে আর মাধা রোক্ষ্যে গুরিবাত্যে উদ্ধোরর্ নিচ্চয়তা মাধাত্ দিইনে এজঅ, আমি নিজোরে দোঙেই রাগিই।

১ তীমথিয় 1:10

যিগুনে সিনেলী গরন, যিগুনে সমকামী, যিগুনে চাগর বেবসা গরন্, যিগুনে মিজে কধা কন্ আর মিজে সাক্ষি দুয়োন, আর যিগুনে সত্য শিক্ষ্যের বিরুদ্ধে অন্য কনঅ কাম্ গরন।

১ তীমথিয় 1:14

আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

১ তীমথিয় 1:2

বিশ্বেজি ইজেবে মর্ আজল্ পুয়ো তীমথিয় ইধু মুই এ চিধিগান লেগঙর্। আমা বাবা গোজেন আর আমা প্রভু খ্রীষ্ট যীশু তরে দোয়্যে, মেয়্যে আর শান্তি-দান গোরোক্।

১ তীমথিয় 1:5

এ উগুমানর্ উদ্দেচ্য অলঅ কোচ্‌পানা জাগেই তুলোনা। এ কোচ্‌পানাগান খাটি মন, সাব্ বিবেক আর আজল্ বিশ্বেজত্তুন্ এজে।

১ তীমথিয় 3:11

ঠিগ্ সেবাবোত্যেগুরি তারার্ মোগ্‌কুনেয়ো যেন সর্মানর্ যগাজ্জ্যে অন্। তারা যেন অন্যরে বদ্‌নাঙ্ গুরিনে ন-বেড়ান্ আর নিজোরে দোঙেই রাগান্। বেক্কানি পৌইদ্যেনে যেন তারারে বিশ্বেজ্ গরা যায়।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

১ তীমথিয় 3:4

তে যেন যগাজ্জ্যে গুরিনে তার্ নিজো ঘরর্ বেক্কানি পরিচালনা গরে আর তার্ পুয়ো-ছাগুনে যেন বাধ্য আর ভদ্র অন্।

১ তীমথিয় 3:8

সেধোক্ক্যেন গুরি পরিচালক্‌কুনেয়ো যেন সর্মান পেবার্ যগাজ্জ্যে আর এক কধার্ মানুচ্‌ অন্। তারা যেন মাত্তল্ ন-অন্, আর অন্যায় লাভ ইন্দি যেন তারার্ মনান্ ন-থায়।

১ তীমথিয় 5:1

যিগুনে বুড়ো, তারারে দুষ্ দেগেবাত্যে গবাচবা ন-গোজ্য; বাব ধোক্ক্যেন মনে গুরিনে তারারে বুঝো। গাবুজ্জ্যেগুনোরে ভেইয়ো ধোক্ক্যেন মনে গুরিনে বুঝো।

তীত 1:13

কধাগান সত্য। ইয়েনত্যে ভারী করা-করি গুরি তারার্ দুষ্‌চানি দেগেই দুয়ো যেন তারা খ্রীষ্টীয় ধর্ম-বিশ্বেজ্‌চানরে গমেডালে ধুরি রাগান,

তীত 1:8

সিয়েনর্ বদলে গর্‌‌বা-লবিয়োত্ আর দোয়্যের্ কাম গুরিবাত্যে তে যেন গম্‌ পায়। তার গম্ বিচের বুদ্ধি থেবঅ, তে সৎ আর গোজেনর্ বাধ্য অবঅ আর নিজোরে দোঙেই রাগেব।

তীত 2:7

বেক্কানিত্ তুই তারা ইধু গম কামর্ এক্কান আদর্শ অ। তঅ শিক্ষ্যে ভিদিরে যেন গম উদ্দেচ্চ্য থায়, সিয়েনত্ যেন পাদল্ মনভাব ন-থায়।

ফিলীমন 1:9

তো কোচ্‌পানাত্যে সিয়েনর্ বদলে মুই তরে কোজোলি গরঙর্। এক্কো বুড়ো মানুচ্‌ ইজেবে আর বত্তমানে খ্রীষ্ট যীশুত্যে বন্দী ইজেবে মুই পৌল তইধু মর্ পুয়ো ওনীষিমত্যে কোজোলি গরঙর্। জেলখানাত্ মর্ বন্দী অবস্থায় তে বিশ্বেজি ইজেবে মর্ পুয়ো ওইয়্যে।

১ পিতর 1:13

ইয়েনত্যে তমা মনানিরে জাগেই তুলো আর নিজোরে দোঙেই রাগঅ। যীশু খ্রীষ্ট যেক্কে ফগদাং অবঅ সেক্কে তুমি যে বর্ পেবা সেই বরান্ পেবার ভর্‌পুনোং আজালোই বাজ্জ্যেই থাগঅ।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

১ পিতর 5:8

নিজোরে দোঙেই রাগঅ আর সজাক্ থাগঅ, কিয়া তমার শত্রু শদানে গুজুরি উঠ্যে সিংহ ধোক্ক্যেন গুরি কারে হেই ফেলেব তারে তোগেইনে বেড়ার্।

২ পিতর 1:6

জ্ঞান সমারে নিজোরে দঙানা আর নিজোরে দঙানা সমারে ধৈজ্জ্য, ধৈজ্জ্যর্ সমারে গোজেন উগুরে ভোক্তি,