তীত 2:10 - Chakma Bible

¹⁰ আর গিরোজ্‌সো জিনিস্‌চানি চুর্ ন-গরন, বরং তারা যে পুরোপুরি গুরি বিশ্বেজ্‌বলা সিয়েন প্রমাণ গরন্। যেন তারা আমার্ উদ্ধোর গুরিয়্যে গোজেন পৌইদ্যেনে যে শিক্ষ্যেগানি আঘে সিয়েনি বেক্কানিত্তুন্ দোল্ গুরি ফগদাং গুরি পারন।

তীত 2:10 Iomraidhean Croise

গীতসংহিতা 101:6

দেজর্ বিশ্বেজি মানুচ্চুনো ইন্দি খিয়েল্ থেবঅ যেনে তারা মঅ সমারে বজত্তি গুরি পারন্; যিগুনো জিংকানিগানি দোল্ তারা মঅ কামানি গুরিবাক্।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

মথি লেখ্যে গম্ হবর্ 24:45

সেই বিশ্বেজি আর বুদ্ধিবলা চাগর্‌বো কন্না, যিবেরে তা গিরোজ্‌সো তার্ অন্য চাগরুনোরে ঠিগ্ সময়োত্ হানা দিবাত্তে কামর্ ভারান্ দিয়্যে?

মথি লেখ্যে গম্ হবর্ 5:16

সেবাবোত্যেগুরি তমা পহ্‌‌রান মানুচ্চুনো মুজুঙোত্ জ্বোলোক্, যেনে তারা তমার্ গম্ কামানি দেগিনে তমা স্বর্গর্ বাপ্পোর্ বাঈনী গরন্।

লূকে লেখ্যে গম্ হবর্ 1:47

মর্ উদ্ধোরগুরিয়্যে গোজেনরে নিইনে মঅ পরাণান্ হুজিয়ে ভুরি উঠ্যে,

লূকে লেখ্যে গম্ হবর্ 1:80

পরেদি যোহনে দাঙর্ উয়ো ধুরিলো আর মনেদি দরমর ওই উদো ধুরিলো। ইস্রায়েলীয়গুনো মুজুঙোত্ খুলোমেলা গুরি থেবার্ আগে সং তে ধূল্যেচর-চাগালাত্ এলঅ।

লূকে লেখ্যে গম্ হবর্ 16:10

সামান্য পৌইদ্যেনে যে বিশ্বেজ্ গরে তে দাঙর্ পৌইদ্যেনেয়ো বিশ্বেজ্ গরে। সামান্য পৌইদ্যেনে যিবেরে বিশ্বেজ্ গরা ন-যায় তারে দাঙর্ পৌইদ্যেনেয়ো বিশ্বেজ্ গরা ন-যায়।

যোহন 12:6

যিহূদা যে নাঢা মানুচ্চুনো পৌইদ্যেনে চিন্তে গুরিনে এ কধাগান্ কোইয়্যে সিয়েন্ নয়। আসলে তে এলদে চুর্। টেঙা বাক্সুবো তাইধু থেদঅ বিলি যিগুন্ থুয়ো অদঅ সিগুনোত্তুন্ চুর্ গুরিদো।

১ করিন্হীয় 4:2

যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

১ তীমথিয় 1:1

আমার উদ্ধোর্ গুরিয়্যে গোজেন আর খ্রীষ্ট যীশুর উগুমে মুই পৌল যীশু খ্রীষ্টর এক্কো দূত ওইয়োং। খ্রীষ্ট যীশু উগুরে আমার বেক্‌ আজাগান।

১ তীমথিয় 5:17

মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।

১ তীমথিয় 6:1

যে চাগরুনোর্ জদবদে কাম্ গরা পড়ে তারা বেক্কুনে তারার্ গিরোজ্‌চুনোত্তুন্ সর্মান পেবার যগাজ্জ্যে বিলি মনে গোরোক্, যেন কেঅ গোজেন নাঙর্ আর আমা শিক্ষ্যেনির্ নিন্দে গুরি ন-পারন্।

১ তীমথিয় 6:3

কেঅ যুনি অন্য বাবোত্যে শিক্ষ্যে দে আর সত্য উপদেচ্‌, অত্তাৎ আমা প্রভু যীশু খ্রীষ্টর্ শিক্ষ্যে আর গোজেন-ভোক্তির্ শিক্ষ্যে মানি ন-লয় সালে তে দেমাগী।

তীত 1:3

আমার উদ্ধোর্ গুরিয়্যে গোজেনর্ উগুম মজিম মুই যিয়েনি প্রচার গরং সিয়েনিত্যে গোজেনে তার্ কধানি ঠিগ্ সময়োত্ ফগদাং গোজ্জ্যে।

তীত 3:4

মাত্তর্ যেক্কে আমার উদ্ধোর্ গুরিয়্যে গোজেনর্ দোয়্যে আর কোচ্‌পানা ফগদাং অলঅ সেক্কে তে আমারে পাপত্তুন্ উদ্ধোর্ গুরিলো।

১ পিতর 2:12

কারন সিয়েনিয়ে তমার আত্মার বিরুদ্ধে যুদ্ধো গরে। গোজেনরে যিগুনে ন-জানন্ তারা ভিদিরে তুমি গমেডালে চলঅ যেনে অন্যেয়গুরিয়্যে বিলিনে তারা তমারে নিন্দে গুরিলেয়ো তমা গম কামানি খিয়েল্ গরন্ আর বিচেরর্ দিনোত্ তমার্ সেই কামানিত্যে গোজেনরে বাঈনী গরন্।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।

২ যোহন 1:9

যিগুনে খ্রীষ্টর্ দিয়্যে শিক্ষ্যে ন-পালান্ আর সেই শিক্ষ্যেলোই থিদেবর্ ন-থান তারা মনভিদিরে গোজেনে নেই। মাত্তর্ যে সেই শিক্ষ্যেলোই থির্ গুরি থায় তা মনভিদিরে বাবে আর পুয়োবো দ্বিয়োজনে আঘন্।

১ শমূয়েল 22:14

ইয়েনর্ জোবত্‌ অহীমেলকে রাজারে কলঅ, “মহারাজ, তর্‌ বেক্‌ কামগুরিয়্যেগুনো ভিদিরে তর্‌ জামেই দায়ূদো ধোক্ক্যেন বিশ্বেজি কন্না? তে তর্‌ কিয়্যেগানর্ রোক্ষ্যেগুরিয়্যে সৈন্যগুনোর নেতা আর তর্‌ গিরি ভিদিরে এক্কো সর্মানিত মানুচ্‌।

১ শমূয়েল 26:23

লগেপ্রভু পত্তি মান্‌জ্যরে তার বিশ্বেজত্তে আর গম্‌ কামত্তে বক্‌শিজ্ দে‌। লগেপ্রভু এচ্চ্যে তরে মর্‌ আঢত্‌ তুলি দিয়্যে, মাত্তর্‌ মুই লগেপ্রভুর অভিষেগ্ গোজ্যে মানজ্য উগুরে আঢ্ তুলিবাত্তে ন-চাং।