তীত 1:5 - Chakma Bible

⁵ ক্রীট দ্বীবোত্ যে কামানি এজঅ সং আদ্‌ধান্ন্যেগুরি রোইয়্যে সিয়েনি ঠিগ্ গুরিবাত্যে মুই তরে ক্রীট দ্বীবোত্ থোই এচ্চ্যং। মুই তরে যে উগুমানি দুয়োং সেই মজিম পত্তি শঅর মন্ডলীর্ আজল্ নেতাগুনোরে কামত্ অদেঅদে রাগা।

তীত 1:5 Iomraidhean Croise

১ বংশধর 6:32

শলোমনে যিরূশালেমত্‌ লগেপ্রভুর ঘরান্‌ ন-বানানা সং সে মানুচ্চুনে থেবার-তাম্বুলো মুজুঙোত্‌, অত্তাৎ মিলন-তাম্বুলো মুজুঙোত্‌ গান-বাজনা গুরিনে লগেপ্রভুর সেবা-কামানি গুরিদাক্‌। তারাত্তে যে সুদোমান ঠিগ্‌ গুরি দিয়্যে ওইয়্যে সে ইজেবে তারা নিজো কামানি গুরিদাক্‌।

উপদেশক 12:9

উপদেশকে নিজে জ্ঞানী এলঅ আর তে মানুচ্চুনোরেয়ো জ্ঞান পৌইদ্যেনে শিক্ষ্যে দিদো। তে ভাবি ভাবাই আর পোরোক্ষ্যে গুরিনে বোউত্ দাঘ কধানি সাজেয়্যে।

যিশাইয় 44:7

সালে মঅ ধোক্ক্যেন আর কন্না আঘে? তে সিয়েন ফগদাং গোরোক্। তে ফগদাং গোরোক আর মরে হোক্, মুই আগ দিনো মানুচ্চুনোরে থিদেবর্ গরানার্ পরেদি কি ঘোট্যে আর কি এজঅ সং ন-ঘদে; অয়, যিয়েন ঘুদিবো তে সিয়েন আগে হোক্।

লেবীয় 14:42

সে পরেদি যিয়েনত্তুন্‌ পাত্তর্‌ খুলি নেযা ওইয়্যে সিয়েনত্‌ নুয়ো পাত্তর্‌ বোজেনেই নুয়ো মাদি দিইনে লিবি দিয়া পুরিবো।

প্রেরিত্‌ 11:30

তারা বার্ণবা আর শৌল আঢত্ যিহূদিয়া মন্ডলীগুনোর বুড়ো নেতাগুনো ইধু সেই সাহায্যগানি পাধেই দিলাক্।

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

প্রেরিত্‌ 2:11

ক্রীট দ্বীপ মানুচ্চুন আর আরবীয়গুন-আমি বেক্কুনে দঅ আমার নিজো নিজো ভাষায় গোজেনর মহৎ কামর্ কধা তারারে কধে শুন্ন্যেই।”

প্রেরিত্‌ 27:12

বন্দর্‌বো জার্‌কাল কাদেবার্ যগাজ্যে জাগা নয় বিলিনে বেশ্ ভাগ্ মান্‌জ্যে ঠিগ্ গুরিলাক্, সিয়েনত্তুন্ লদ্ দিইনে সম্ভব অলে ফৈণীকত্ যেইনে জার্‌কাল্লো কাদা অবঅ। ফৈণীক্‌কান এলদে ক্রীট দ্বীপর্ জাহাজ্ থামেবার জাগা। এ জাগানর্ দোগিণ-পজিমে আর উত্তর-পোজিমে খুলো-মেলা এলঅ।

প্রেরিত্‌ 27:13

পরেদি যেক্কে লারে লারে দোগিণো বৈয়্যের্ বাহ্ ধুরিলো সেক্কে তারা মনে গুরিলাক্ তারা যিয়েন চেয়োন্ সিয়েনই ওইয়্যে। ইয়েনত্তে তারা জাহাজর্ নোংগর্ তুলিনে ক্রীট দ্বীপর্ পারেদি গেলাক্।

প্রেরিত্‌ 27:21

মানুচ্চুনে ভালোক্ দিন ধুরিনে কিচ্চু ন-খান্ বিলি পৌলে তারা মুজুঙোত্ থিয়্যেইনে কলঅ, “চঅ, মঅ কধাগান্ শুনিনে ক্রীট দ্বীপত্তুন্ জাহাজ্‌চান ন-ছাড়ানা তমার্ উচিত্ এলঅ। সালে এ দযা আর ক্ষতিগানত্তুন্ তুমি রোক্ষ্যে পেদা।

প্রেরিত্‌ 27:7

আমা জাহাজ্‌চান্ ভালোক্ দিন ধুরিনে অমকদ লারে লারে চলিনে কনবাবদে ক্লীদোন্ শঅরর্ কায়কুরে লুমিলো, মাত্তর্ বৈয়্যেরানে আমারে আর্ উজেই যেবাত্তে ন-দিলো। সেক্কে আমি ক্রীত দ্বীপর্ যে ধাগেদি বৈয়্যের্ ন-এলঅ সেই ধাগেদি গুরিনে সল্‌মোনীর কায়-কুরেদি গেলং।

১ করিন্হীয় 11:34

যুনি কারঅ পেট পুরে সালে তে ঘরত্তুন্ হেই এজোক্, যেন মন্ডলী ইজেবে এক জাগাত এগত্তর্ অনার্ ফলে সাজা ন-পেই। অন্য বেক্কানি পৌইদ্যেনে মুই যেক্কে এম্ সেক্কে উপদেচ্‌ দিম্।

১ করিন্হীয় 14:40

বেক্কানি যেন যগাজ্জ্যেগুরিনে আর গুচ্চ্যেয়্যে গুরিনে গরা অয়।

১ করিন্হীয় 4:17

আর ইয়েনত্তে মুই তীমথিয়রে তমা ইধু পাধেয়োং। বিশ্বেজি ইজেবে তে মর্ কোচ্‌পেইয়্যে আর বিশ্বেজি পুয়ো। যীশু সমারে এগত্তর্ ওইনে মর্ শিক্ষ্যে আর কামানি কিবাবোত্যে, তে সিয়েন তমারে ইদোত্ তুলি দিবো। পত্তি জাগাত্ পত্তি মন্ডলীত্ মুই সেই পৌইদ্যেনে এক্কুই শিক্ষ্যে দি থাং।

কলসীয় 2:5

মুই কিয়্যেগানদি তমা ইধু ন-থেলেয়ো আত্মায় আঝির্ আঘং আর তমার্ গম চালচলন্ আর খ্রীষ্ট উগুরে তমার থির্ বিশ্বেজ্ দেগিনে গম্ পাঙর্।

১ তীমথিয় 1:3

মুই ম্যাসিডোনিয়াত্ যেবার সময়োত্ তরে যিয়েনি কোইয়োং ইক্কিনিয়ো সিয়েনি কঙর্-তুই ইফিষ শঅরত্ থাগ্, যেনে কয়েক্কো মান্‌জ্যরে নিদ্দেচ্‌ দি পারচ যেন তারা আর ভুল্ শিক্ষ্যে ন-দুয়োন।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

তীত 1:12

তারার্ নিজোর এক্কো ভাববাদীয়ে এ কধাগান কোইয়্যেদে, “ক্রীট দ্বীবোর মানুচ্চুনে আজলে মিজে মাদিয়্যে, ঝার্‌বো য়েমান ধোক্ক্যেন, আল্‌সি আর পেদুক্।”