তীত 1:4 - Chakma Bible

⁴ খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।

তীত 1:4 Iomraidhean Croise

লূকে লেখ্যে গম্ হবর্ 2:11

এইচ্চ্যে দায়ূদো শঅরত্ তমাত্তে উদ্ধোর্‌গুরিয়্যে জোর্মেয়্যে। তেয়ই মশীহ্, তেয়ই প্রভু।

যোহন 4:42

সে মিলেবোরে তারা কলাক্, “ইক্কে যে আমি বিশ্বেজ্ গুরির্ সিয়েন তঅ কধালোই নয়, মাত্তর্ আমি নিজে তা কধা শুনিনে বুঝি পাজ্জ্যেই যে, তে ঘেচ্চ্যেক্‌‌গুরি মান্‌জ্যরে উদ্ধোর্ গুরিয়্যে।”

রোমীয় 1:12

সিয়েনর্ ভেদ্‌তান্, আমি বেক্কুনে যেন একজন আরেক্ জনর্ বিশ্বেজত্তুন্ উচ্চোমি পেই।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

২ করিন্হীয় 12:18

মুই তীতরে যেবাত্যে কোজোলি গোজ্জ্যং, আর তা সমারে সেই ভেইবোরেয়ো পাধেয়োং। তীতে কি তমারে থোগেয়্যে? কনদিন্অ নয়! মুই আর তীতে কি একই মনভাব্‌পোই একই কাম ন-গুরিই?

২ করিন্হীয় 2:13

মাত্তর্ তো মুই মনত্ শান্তি-ন-পাং, কিয়া মর্ বিশ্বেজি ভেই তীত সিধু ন-এলঅ। সেনত্যে ত্রোয়ার্ মানুচ্চুনোত্তুন্ বিদেয় লোইনে মুই ম্যাসিডোনিয়াত্ গেলুং।

২ করিন্হীয় 4:13

পবিত্র বোইবোত্ লেগা আঘে, “মুই বিশ্বেজ্ গোজ্জ্যং বিলিনে কধা কোইয়োং।” এই একই বাবোত্যে বিশ্বেজর্ মনভাব্‌পোই আমিয়ো বিশ্বেজ্ গুরিই বিলিনে কধা কোর্,

২ করিন্হীয় 7:6

মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

২ করিন্হীয় 8:23

তীত পৌইদ্যেনে মর্ যিয়েন কবার্ আঘে সিয়েন এই-তে মর্ সমাজ্জ্যে আর মঅ লগে তে তমাত্যে কাম্ গরের্। আর অন্য ভেইয়ুনো পৌইদ্যেনে মর্ যিয়েন কবার্ আঘে সিয়েন এই-মন্ডলীগুনে তারারে বেঈ লোইনে পাধাদন্। এ ভেইয়ুনোর্ মাধ্যমে খ্রীষ্টরে বাঈনী গরা অয়।

২ করিন্হীয় 8:6

ইয়েন দেগিনে আমি তীতরে বিশেষ গুরিনে কোজোলি গোজ্জ্যেই, দান গুরিবার যে কামান্ তে তমা ইধু আরাম্ভ গোজ্জ্যে সিয়েন যেন তে থুম্ গরে।

গালাতীয় 2:3

মাত্তর্ অযিহূদী অলেয়ো মঅ সমাজ্যে তীতরে চুনু মাঢা কাবিবাত্যেই বাধ্য গরা ন-অয়।

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

গালাতীয় 3:28

যিহূদী আর অযিহূদী ভিদিরে, চাগর্ আর গিরোজ ভিদিরে, মিলে আর মরদ ভিদিরে কনঅ ফারক্ নেই, কিয়া খ্রীষ্ট যীশু সমারে মিজেইনে তুমি বেক্কুনে এক ওইয়ো।

ইফিষীয় 1:2

আমা বাবা গোজেনে আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

১ তীমথিয় 1:12

আমার প্রভু যীশু খ্রীষ্ট, যিবে মরে খেমতা দান গোজ্জ্যে, তারে মুই ভালেদি জানাং, কিয়া তে মরে বিশ্বেজি মনে গুরিনে তার্ সেবা কামত্ বেঈ লোইয়্যে।

২ তীমথিয় 1:1

খ্রীষ্ট যীশুর মাধ্যমে উমর্‌‌অ জিংকানির এগেম্ মজিম গোজেনর্ আয়োজে মুই পৌল খ্রীষ্ট যীশুর এক্কো প্রচারক ওইয়োং।

২ তীমথিয় 1:2

এ চিধিগান মুই মর্ কোচ্‌পেইয়্যে পুয়ো তীমথিয় ইধু লেগঙর্। বাবা গোজেন আর আমা প্রভু খ্রীষ্ট যীশু তরে দোয়্যে, বর্ আর শান্তি-দান গোরোক্।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

তীত 1:3

আমার উদ্ধোর্ গুরিয়্যে গোজেনর্ উগুম মজিম মুই যিয়েনি প্রচার গরং সিয়েনিত্যে গোজেনে তার্ কধানি ঠিগ্ সময়োত্ ফগদাং গোজ্জ্যে।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 1:11

ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

১ যোহন 5:14

গোজেন উগুরে আমার এই বিশ্বেজ্‌চান আঘেদে যে, তা আওজ্ মজিম যুনি আমি কিজু মাগিই সালে তে আমা কধানি শুনে।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।