পরমগীত 8:7 - Chakma Bible

⁷ বান পানিগানেয়ো কোচ্‌পানাগানরে আক্‌সোই ন-পারে; বেক্ গাঙ পানিয়েয়ো ন-পারে সিয়েনরে ভাজেই নিবাত্তে। কোচ্‌‍পানাত্তে যুনি কনজনে তার্ বেক্কানিয়ো দি দে সালে সিয়েন্ অবঅ অমকদ কম্। ‌‍

পরমগীত 8:7 Iomraidhean Croise

পত্থম 39:19

মোক্কো কধাগান্‌ শুনিনে যোষেফ গিরোজ্‌সো রাগে আগুন ধোক্ক্যেন অলঅ, কিত্তে তা মোক্কো কোইয়্যেদে, “এবাবোত্যে বেবহার তঅ চাগর্‌বো মঅ লগে গোজ্যে।”

গীতসংহিতা 15:4

ঘিনাইদে মানুচ্চুনোরে ছাড়িনে যায় আর লগেপ্রভুর্ ভক্তগুনোরে সর্মান গরে, ক্ষেতি অলেয়ো এগেমান্ রোক্ষ্যে গরে,

গম্ উপদেজ্ 6:31

তো যেক্কেনে তে ধরা পুরিবো সেক্কেনে অয়ত তারে সাতগুন ফিরেই দিয়্যে পুরিবো, অয়ত তা ঘরর্ বেক ধনানিয়ো তারে দি দিয়্যে পুরিবো।

গম্ উপদেজ্ 6:35

কনঅ ক্ষতিপূরণ তে মানি ন-লবঅ, ভালোক্কুন্ ঘুষ্ দিলেয়ো তে হুজি ন-অবঅ।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;