পরমগীত 8:12 - Chakma Bible

¹² মর্ নিজোর আংগুর খেত্ আঘে, যিগুন বানা মুই দি পারং। ও শলোমন, সেই বার কেজি রূবো তরই থোক্, মাত্তর্ আড়ি কেজি থোক্ তারাত্তে যিগুনে ফলুনোর্ দেগাশুনো গত্তন্।

পরমগীত 8:12 Iomraidhean Croise

গম্ উপদেজ্ 27:18

যে মানুচ্চো ডোমোর গাজরে যত্তন্ গরে তে তার ফলুন্ হেবঅ; যে তা গিরোজ্‌‌সোরে সেবা গরে তে সর্মান পেবঅ।

গম্ উপদেজ্ 4:23

বেক্কানিত্তুন্ তঅ মনানরে বেশ্ চুগি দিইনে রাগেচ্, কিত্তে মনত্তুন্ তঅ জিংকানিগানর বেক্কানি নিগিলি এজে।

পরমগীত 1:6

মুই কালা বিলিনে মন্দি এবাবোত্যেগুরি চেই ন-থেচ্, কিত্তে বেলানে মঅ রঙান্ কালা গোজ্যে। মঅ ভেইয়ুনে মঅ উগুরে রাগ্ গরন্ আংগুর খেদ্‌তান রিনি চেবার্ ভারান্ মরে দুয়োন্, সেনত্তে মঅ নিজো আংগুর খেত্ চানাগান্ মুই ন-গরং।

পরমগীত 2:3

ঝারর্ গাজ্‌পালাগুনো ভিদিরে যেধোক্ক্যেন্ আপেল গাজ্, সেধোক্ক্যেন্ গাবুজ্যেগুনো ভিদিরেত্তুন্ মর্ পরাণ্যে। মুই তা ছাবাবোত্ বোইনে গম্ পাং, মঅ মুয়োদি তা ফলুন্ মিদে লাগে।

পরমগীত 8:11

বাল্-হামোনত্ শলোমনর্ এক্কান আংগুর খেত্ আঘে; তে সিয়েন্ চেইচিদিয়্যেগুনোর্ আঢত্ দিয়্যে। তা ফলুনোর্ দাম ইজেবে পত্তিজনে বার কেজি রূবো দিয়্যে পরে।

পরমগীত 8:13

তুই দঅ বাগানে বাগানে থাচ্; তঅ সমাজ্যেগুনে তঅ রবো শুনোন্, মরেয়ো সিবে শুনিবাত্তে দে।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

২ করিন্হীয় 5:15

তে বেক্কুনোর্ ওইনে মুরিলো যেন যিগুনে জেদা আঘন্ সিগুনে আর নিজোত্যে বাঁজি ন-থান্; বরং যে তারাত্যে মুরিলো আর জেদা ওইয়্যে তাত্যেই বাঁজি থান্।

১ থিষলনীকীয় 2:19

আমা প্রভু যীশু যেক্কে এবঅ সেক্কে তা মুজুঙোত্ তুমি কি আমার আজা, হুজী আর বাঈনী গুরিবার্ জিদেনার্ মালাছড়া ন-অবা?