পরমগীত 8:1 - Chakma Bible

¹ আহ্, যুনি তুই মঅ ভেইবো ধোক্ক্যেন্ অদে যে মঅ মাবো দুধ্‌তান হেইয়্যে! সালে মুই তরে বারেদি পেলেয়ো চুমি পারিদুং, কনজনে মরে কিজু কোই ন-পারিদাক্;

পরমগীত 8:1 Iomraidhean Croise

গীতসংহিতা 2:12

তুমি সেই পুয়োবোরে সর্মান দেগেইনে চুমো, যেনে তে তমা উগুরে বেজার্ ন-অয় আর আঢি যাদে তুমি ভস্ত ওই ন-যঅ; কিত্যে চোগো মুজুঙোত্ তা রাগ্‌কান জুলি উদি পারে। বর্ পেইয়্যে সিগুন, যিগুনে তাইদু আশ্রয় নেযান।

গীতসংহিতা 51:17

ভাঙিপোজ্যে মনানই গোজেনর মানি লোইয়্যে উৎসর্ব; ও গোজেন, বুযিপোজ্যে (নত আহ্ নম্র) মনানিরে তুই তুচ্ছো ন-গুরিবে।

পরমগীত 1:2

তুই চুমিনে চুমি মরে মনান্ ভোরেই দে, কিত্তে তঅ কোচ্‌পানাগান্ আংগুর-রসত্তুন্ বেশ্ গম্।

পরমগীত 7:13

দূদাফলুনে তা তুম্বাজ্‌ছান ছিদি দেদন্; তাজা আর পাগানা নানান্ বাবোত্যে গম্ গম্ ফল আমা দোরান কায়-কুরে আগন্। মর্ পরাণ্যে, মুই তত্তেই ইয়েনি রাগেয়োং।

পরমগীত 8:2

সালে মুই তরে পথ্ দেগেইনে মঅ মাবো ঘরত্ আনিদুং, আর তুই মরে শিক্ষ্যে দিদে। মুই তরে তুম্বাজ্ মজলা-দিয়্যে আংগুর-রস হেবাত্তে দিদুং, হেবাত্তে দিদুং মর্ ডালিমোর্ মিদে রস।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

হগয় 2:7

মুই বেক্ জাদ্‌‌তুনোরে লাড়েম আর সেক্কে তারা তারার্ ধন-সোম্বোত্তিগানি ইধু আনিবাক্। সেক্কে মুই এ ঘরান্ সয়-সাগোজ্যেলোই ফেলেং ফেলেং গুরিম।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মালাখি 3:1

বেগত্তুন খেমতাবলা লগেপ্রভু কত্তে, “চঅ, মুই মর্ হবর্ কোইয়্যেবোরে পাদাঙর্; তে মঅ আগেদি যেইনে পধ্‌তান যুক্কোল্ গুরিবো। সে পরেদি যে প্রভুত্তে তুমি বাজ্জেই আগঅ তে অদাদৎ তা ঘরত্ এবঅ; সুদোম কামত্ সেই দূত্‌তো, যিবেরে তুমি চর্, তে এজের্।”

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

লূকে লেখ্যে গম্ হবর্ 12:8

“মুই তমারে ঘেচ্চ্যেকগুরি কঙর্, যে কেঅ মান্‌জ্য মুজুঙোত্ মরে স্বীগের্ গরে মান্‌জ্য পুয়োবোয়ো তারে গোজেন দুত্তুনো মুজুঙোত্ স্বীগের্ গুরিবো।

লূকে লেখ্যে গম্ হবর্ 18:9

যিগুনে নিজোরে ধার্মিক মনে গুরিনে অন্যগুনোরে ঈচ্ গুরিদাক্ তারারে শিক্ষ্যে দিবাত্যে যীশু এ কধাগান্ কলঅ:

লূকে লেখ্যে গম্ হবর্ 2:38

তেয়ো ঠিগ্ সে অক্তত্ উজেই এইনে গোজেনরে ভালেদি জানা ধুরিলো, আর গোজেনে যিরূশালেমরে উদ্ধোর্ গুরিবো বিলি যিগুনে বাজ্জেই আগন্ তারা ইধু সেই পুয়োবোর্ কধা কুয়ো ধুরিলো।

লূকে লেখ্যে গম্ হবর্ 9:26

যুনি কেঅ মরে নিইনে আর মঅ কধালোই লাজান্, সালে মান্‌জ্য পুয়োবো যেক্কে নিজোর্ মহিমালোই, বাপর্ আর পবিত্র স্বর্গদূত্তুনোর্ মহিমালোই এবঅ সেক্কে তেয়ো সেই মানুচ্চো পৌইদ্যেনে লাজেব।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 16:28

ঘেচ্চ্যেক্‌গুরি মুই স্বর্গর্ বাবা ইত্তুন্ এ জগদত্ এচ্চ্যং, আরঅ মুই এ জগদ্‌তান্ ফেলেইনে বাবা ইধু যাঙর্।”

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 8:42

যীশু তারারে কলঅ, “ঘেচ্চ্যেক্‌গুরি যুনি গোজেনে তমার বাব্ অদঅ সালে তুমি মরে কোচ্‌পেদা, কিয়া মুই গোজেনত্তুন্ এচ্চ্যং আর ইক্কিনে তমা ইধু আঘং। মুই নিজে নিজে ন-এজং, মাত্তর্ তেয়ই মরে পাধেয়্যে।

১ করিন্হীয় 1:28

জগদ্‌তানে যিয়েনরে তলে আর তুচ্চ বিলি মনে গরে, এমন কি, জগদর্ চোগেদি যিয়েন কিচ্চু নয় গোজেনে সিয়েনই বেঈ লোইয়্যে যেন জগদর্ চোগেদি যিয়েন মূল্যবান সিয়েন মূল্য নেইয়্যে ওই পারে।

গালাতীয় 4:26

মাত্তর্ যে যিরূশালেমান্ স্বর্গর্, তে স্বাধীন; তেয়ই আমার মা।

গালাতীয় 6:14

প্রভু যীশু খ্রীষ্টর্ ক্রুশ বাদে মুই যেন আর কনঅ কিজুত্ দেমাগ্ ন-গরং। এ ক্রুশোর্ মাধ্যমে জগদ্‌তান্ মঅ ইধু মুরি যেইয়্যে আর মুইয়ো জগদ ইধু মুরি যেয়োং।

ফিলিপীয় 3:3

আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।