পরমগীত 7:5 - Chakma Bible

⁵ তঅ কিয়্যেগান্ উগুরে তঅ মাঢাবো কর্মিল মুড়োবো ধোক্ক্যেন্; জোক্‌জোক্যে নরম কাবড় ধোক্ক্যেন্ তঅ চুলান্; সেই চুল যুদোবোলোই রাজা বন্দী ওই আঘে। ‌‌‌

পরমগীত 7:5 Iomraidhean Croise

পত্থম 32:26

সেক্কে সে মানুচ্চো কলঅ, “বেন্যে পহ্‌র ওই এজের্, এবেরা মরে ইরি দুয়ো।” যাকোবে কলঅ, “মরে বর্ ন-দেনা সং মুই তরে ন-ছাড়িম।”

গীতসংহিতা 68:24

ও গোজেন, মানুচ্চুনে তর পরব-যাত্রা দেখ্যন্, দেখ্যন্ পবিত্র জাগানর ইন্দি মঅ গোজেনর যাত্রা, যিবে মর্ গোজেন।

গীতসংহিতা 87:2

যাকোব-বংশর অন্য বেক থেবার জাগানিত্তুন্ তে সিয়োনর গেট্টুন কোচ্‌পায়।

গম্ উপদেজ্ 5:19

সেই কোচ্‌পেইয়্যে মিলেবো, অমকদ দোল্ মিলেবো; তা বুক্কো তরে নিত্য হুজি রাগোক্, তুই নিত্য তা কোচ্‌পানালোই মিলেমিলি গুরি থেচ্।

পরমগীত 1:17

এরস গাজ্‌ আমা ঘরর্ ধার্‌বো, আর বেরস গাজ্ আমা ঘর ছালানর্ বীমুন।

পরমগীত 4:1

মর্ পরাণি, কি দোল্ তুই! অয়, তুই দোল্‌বি। ঘঙদা ভিদিরে তঅ চোগ্‌কুন দ্বিবে কঅ ধোক্ক্যেন্। তঅ চুলান্ যেন গিলিয়দ মুড়োবোত্তুন্ লামি এচ্চ্যে ছাগল পাল্।

পরমগীত 4:4

তঅ গত্তনাবো যেন দায়ূদোর অজল চুগিদার-ঘর ধোক্ক্যেন্ লাম্বা; সিয়েনত্ দুলি দুলি আগেদে এক আজারান্ ঢাল্, সিয়েনি বেক্কানি যুদ্ধোগুরিয়্যেগুনোর্।

পরমগীত 5:11

তা মাঢাবো খাটি সোনা ধোক্ক্যেন্, তা চুলান্ সাগর তুবোল ধোক্ক্যেন্ আর সাড়াল্যে কবা ধোক্ক্যেন্ কালা;

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

গণাণা 21:26

হিষ্‌বোন অলদে ইমোরীয়গুনোর রাজা সীহোনর রাজধানী। তে মোয়াব দেজর আগঅ রাজাবোর্‌ লগে যুদ্ধো গুরিনে তাত্তুন্‌ অর্ণোন গাঙ্‌ সং বেক্‌ দেজ্‌চান্‌ গজক্ গুরি নেযেয়্যে।

মথি লেখ্যে গম্ হবর্ 18:20

কিয়া যিয়েনত্ দুই বা তিনজন মঅ নাঙে এগত্তর্ অন্ সিয়েনত্ মুই তারা ভিদিরে থাং।”

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

ইফিষীয় 1:22

গোজেনে বেক্কানি খ্রীষ্ট টেঙ তলে থোইয়্যে আর তারে বেক্কানির্ অধিকার দিয়্যে, আর তারে মন্ডলীর্ মাঢা ইজেবে নেযা ওইয়্যে।

কলসীয় 1:18

ইয়েনবাদে তেয়ই তার্ কিয়্যেগানর্, অত্তাৎ মন্ডলীর মাঢাবো। তেয়ই পত্তম্ আর তেয়ই মরণত্তুন্ পৌইল্যা জেদা ওইয়্যে, যেন বেক্কানিত্ তেয়ই আজল্লো ওই পারে।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।

ফগদাং পেইয়্যে 1:14

তা মাঢাবোর চুলানি ভেড়া কেজর্ আর বরফ ধোক্ক্যেন ধূব্ এলঅ আর তা চোগ্‌কুন আগুনো জিলো ধোক্ক্যেন এলঅ।