পরমগীত 7:12 - Chakma Bible

¹² আঢিচ্, আমি বেন্যেমাদান্ আংগুর ক্ষেদত্ যেই, চেই, আংগুর লুদিত্ বোল্ পোজ্যন্ নাহি, সিয়েনত্ ফুল ধোজ্যন্ নাহি আর ডালোম ফুল ফুত্যন্ নাহি; মুই সিদু তরে মর্ কোচ্‌‌পানাগান্ দান গুরিম্। ‌

পরমগীত 7:12 Iomraidhean Croise

গীতসংহিতা 122:5

সিয়োদোই আঘে বিচেরর্ বেক্ সিংহাসনানি, দায়ূদো বংশগুনোর বিচেরর্ সিংহাসনানি।

গীতসংহিতা 43:4

যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

গীতসংহিতা 73:25

স্বর্গত তুয়ই মর্; তরে পেইনে পিত্‌থিমীত্‌অ মর্ চেবার আর কিচ্চু নেই।

যাত্রা 25:22

এই সাক্ষ্য-সিন্দুগোর্‌ ঢাগনীগান উগুরে দ্বিবে করূব সংমোধ্যে মুই তঅ সমারে দেগা গুরিনে ইস্রায়েলীয়গুনোত্তে মর্‌ বেক্‌ উগুমানি তরে দিম্‌।

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

উপদেশক 9:10

তঅ আঢত্ যে কনঅ কাম্ এদঅ সাৎ সিয়েনি তর্ বেক্ খেমতালোই গুরিবে, কিত্তে তুই যে জাগানত্ যর্ সে গোর জাগানত্ কনঅ কাম্, সল্লা গরানা, বুদ্ধি বা জ্ঞান বিলিনে কিচ্চু নেই।

পরমগীত 2:13

ডোমোর্ গাজত্ ফল ধরানা আরাম্ভ ওইয়্যে; আংগুর লুদিত্ ফুল ধুরিনে তুম্বাজ্ নিগিলের্। মঅ পরাণি, উঠ্, আয়; মর্ দোল্‌বি, আয় মঅ সমারে।”

পরমগীত 2:15

তুমি সেই শিয়েলুনোরে, সেই চিগোন্ চিগোন্ শিয়েলুনোরে ধর, কিত্তে তারা আমা আংগুর খেদ্‌তানি বর্‌বাদ্ গরন্; আমা আংগুর খেদত্ ফুলোর্ কুড়ি ধোজ্যন্। ‌‌‌‌‌‌‌‌‌‌‌‌‌‌‌‌‌

পরমগীত 4:13

তুই যেন দোল্ এক্কান ডালুমো বাগান; সিয়েনত্ আগেদে গম্ গম্ ফল, মেহেদী আর তুম্বাজ লুদি।

পরমগীত 4:16

উত্তোরেদি বোইয়্যেরান্ জাগি উঠ্, দোগিনে বোইয়্যেরান্ আয়। মঅ বাগানান উগুরেদি বেই যাহ্ যেনে সিয়েনর্ তুম্বাজ্‌ছান ছিদি পড়ে। মর্ পরাণ্যে যেন তা বাগানানত্ এইনে তার গম্ গম্ ফলুন্ খান্।

পরমগীত 6:11

লাঙেলর্ নূয়ো চারাগুন্ চেবাত্তে, আংগুর লুদিত্ বোল্ ধোজ্যে নাহি চেবাত্তে, আর ডালোম গাজত্ ফুল ফুত্যে নাহি চেবাত্তে মুই লামিনে বাদাম গাজ ঝারত্ গেলুং।

পরমগীত 7:11

মর্ পরাণ্যে, আঢিচ্, আমি মাঢত্ যেই, মেহেদী ঝুবো ভিদিরে যেইনে রেত্তো কাদেই।

পরমগীত 7:6

ও মর্ পরাণি, মরে হুজি গুরিয়্যেবো, তুই কি দোল্, কি অমকদ দোল্!

যিশাইয় 18:5

খেত্-খেত্তি কাবিবার আগেদি যেক্কে ফুল আর ন-থেবঅ আর সে ফুল্লো আংগুর ওইনে পাগিবো সে অক্তত্ ছুরিলোই তে কুজি ডেলাগুন কাবি ফেলেব আর ছিদি পোজ্যে ডেলাগুন সোরেই দিবো।

প্রেরিত্‌ 15:36

কয়েক দিন বাদে পৌল বার্ণবারে কলঅ, “যেদক্কানি জাগাত্ আমি প্রভুর কধা ফগদাং গোজ্যেই, যেই, ইক্কিনে সেই বেক্‌ জাগানিত্ ফিরি যেইনে বিশ্বেজি ভেইয়ুনো সমারে দেগা গুরিই আর তারা কেধোক্ক্যেন্ আগন্ সিয়েন চেইয়োই।”

রোমীয় 5:11

বানা সিয়েন নয়, যিবেলোই গোজেন সমারে আমি মিজেয়্যেই সেই প্রভু যীশু খ্রীষ্টর্ মাধ্যমে গোজেনরে লোইনে আমি ফুত্তি গুরির্।

২ করিন্হীয় 13:5

তুমি নিজোরে পোরোক্ষ্যে গুরি চঅ তুমি ঘেচ্চ্যেক্ গুরি খ্রীষ্টরে বিশ্বেজ্ গোজ্জ্য নাকি। তুমি নিজোরে তোলেই চঅ। তুমি কি ন-বুঝো, খ্রীষ্ট যীশু তমা রিবেঙত্ আঘে? খালিক্ তোলেই চানার্ পরেদি তুমি যুনি ভেজাল্যে বিলিনে ধরা ন-পরঅ।

ইফিষীয় 6:24

আমা প্রভু যীশু খ্রীষ্ট উগুরে যিগুনোর্ থির্ কোচ্‌পানা আঘে সিগুনোর্ বেক্কুনো উগুরে গোজেনর্ দোয়্যে থোক্।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

ইব্রীয় 2:13

যীশু আরঅ কত্তে, “মুই গোজেন উগুরে নির্ভর গুরিম।” আর এক জাগাত্ তে কত্তে, “এইয়্যে চঅ, মুই আর সেই পুয়োগুনে যিগুনোরে গোজেনে মরে দিয়্যে।”

ইব্রীয় 2:15

আর মরণ দরে যিগুনে গোদা জিংকানিগান চাগর ধোক্ক্যেন কাদেয়োন তারারে উদ্ধোর গরে।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।