পরমগীত 7:1 - Chakma Bible

¹ ও রাজার্ ঝিবো, জদা ভিদিরে তর্ দ্বিয়েন্ টেঙ্ চাদে কেজান্ দোল্! তর্ দ্বিবে উলুহুল চেঙারাগান্ মানেগ ধোক্ক্যেন্, সিগুন যেন কাবিল্ কালিগরর্ আঢ কাম্।

পরমগীত 7:1 Iomraidhean Croise

পত্থম 32:3

যাকোবে তা আগে আগে সেয়ীর, অত্তাৎ ইদোম দেজত্‌ তার্ ভেই এষৌ ইধু কয়েক্কো মানুচ্ পাদেল।

গীতসংহিতা 45:13

রাজঘরত্ রাজার-বৌবোরে অমকদ দোল দেগিবো; তার্ পজাগত্ সনার সুদোলোই বুন্যে আঘে।

যাত্রা 28:15

মর্‌ উগুমানি জানিবাত্তে বুগ-ঢাগনি বানেই নেযা পুরিবো। ইয়েন্‌ অবঅ‌ এক্কান্‌ কাবিল্‌ আঢর্ কাম্‌। এফোদ ধোক্ক্যেন ইয়েন্অ বানেই দিয়্যে পুরিবো সনা আর য়েল্, বিগুনি আর রাঙা রঙয়র্‌ সুদো আর পাগেয়্যে মসীনা সুদোলোই।

যাত্রা 28:42

কমরত্তুন্‌ ধুরি দামানা সং ঢাগিবাত্তেই মসীনা কাবড়র্‌ জাংগি বানেই নেযেবে।

যাত্রা 35:35

তে তারারে নানান্‌ বাবোত্যে আঢর্‌ কাম্‌, য়েল্, বিগুনি আর রাঙা রঙয়র্‌ সুদো আর মসীনা সুদোলোই সিলেইনে আড়ুক্‌ তুলিবার্‌ কাম্‌ আর তাদ কাম্‌ গুরিবার্‌ খেমতা দিলো। তারা নানান্‌ বাবোত্যে আঢ কাম্‌ গুরি পারিবাক্‌ আর নিজোর্‌ মনত্তুন্‌ নানান্‌ বাবোত্যে আড়ুক্‌অ বানেই পারিবাক্‌।

পরমগীত 7:2

তঅ নেইবো রিনি চাদে গুল্ পিলে ধোক্ক্যেন্ যিবে ভিদিরে মিজেয়্যে আংগুর-রসর্ অভাব ন-অয়। তঅ পেট্‌তো চাদে উড়ি যেইয়্যে গম কুড়ো ধোক্ক্যেন্ যিয়েনর চেরোকিত্তে লিলি ফুল্লোই ঘিজ্যে।

দানিয়েল 2:32

সেই মূত্তির্ মাঢাবো আজল্ সোনার, বুগ্ আর আঢ্‌তানি রূবোর্ আহ্ পেট আর দামানানি পিদোলর্ বানেয়্যে;

লূকে লেখ্যে গম্ হবর্ 15:22

মাত্তর্ তা বাবে তা চাগরুনোরে কলঅ, যাদিমাদি গুরি বেগত্তুন্ গম্ সুলুম্মো আনিনে তারে উরে দো। তা আঢত্ আন্দিক্ আর ঠেঙত্ জদা পিনেই দুয়ো,

২ করিন্হীয় 6:18

ইয়েন বাদে “বেগত্তুন্ খেমতাবলা গোজেনে কয়, ‘মুই তমার্ বাপ্ ওম্ আর তুমি মর্ পুয়ো-ছা অবা ’ ”

ইফিষীয় 6:15

আর শান্তির্ গম্ হবর্ প্রচারত্যে ঠেঙানি যুক্কোল্ গুরিনে থিয়্যেই থাগঅ।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

কলসীয় 2:19

তারা দরমর গুরি মাঢাবোরে, অত্তাৎ যীশু খ্রীষ্টরে ধুরি ন-থান্, অদচ সেই মাঢাবোর্ চাল্লোই গোদা কিয়্যেগান আড়্-এড়ালোই মিজেইনে আর থির্ থেইনে গোজেনর্ আয়োজ মজিম দাঙর্ অ।