পরমগীত 6:9 - Chakma Bible

⁹ মাত্তর্ মঅ কবো, মর্ খাটি মান্‌‌জ্য ধোক্ক্যেন্ আর কনজন নেই। তে তার্ মাবোর্ বানা এক্কো ঝি, তে তারে পেদত্ ধোজ্যে তা কোচ্‌‌পানার্ ঝি। মিলেগুনে তারে দেগিনে বর্ পেইয়্যে কলাক্ আর রাণীগুনে আহ্ লাঙোনিগুনে তারে বাঈনী গুরিলাক্।

পরমগীত 6:9 Iomraidhean Croise

পত্থম 30:13

সেক্কে লেয়া কলঅ, “কি সুগী মুই! মিলেগুনে বেক্কুনে মরে সুগী কবাক্‌।” সেনত্তে তে পুয়োবোর্‌ নাঙান্‌ দিলো আশের (যিয়েনর্ ভেদ্‌তান্ “সুগী”)।

১ রাজাবলী 11:3

তার্ সাতশ মোক্‌ এলাক্‌, যিগুনে এলাক্‌ রাজপরিবারর্‌ ঝি; ইগুন্‌ বাদেয়ো তার তিনশ দ্বিতীয় ঘর মোক্ এলাক্‌। তা মোক্কুনে তারে ভান্ন্যেই পধেন্দি নেযেয়োন।

গীতসংহিতা 126:2

সেক্কে আমা মুয়োনি এলদে আজিয়ে-হুজিয়ে, আর জিলান এলদে গীদে-রেঙে ভরা। অন্য জাদঅ মানুচ্চুনে সেক্কে কুয়ো কি গোজ্যন্, “লগেপ্রভু তারাত্তে বোউত্ দোল্ দোল্ কাম গোজ্যে।”

গীতসংহিতা 45:9

তর্ সর্মানিত মিলেগুনো ভিদিরে রাজার্ ঝিগুনে আগন, আর রাজার-বৌগুনে ওফীর দেজর সনালোই সাজিনে তর্ ডেনেন্দি আগন্।

পরমগীত 2:14

মর্ কবো, তুই মুড়োবোর্ ফাদাগানত্, মুড়োবো ইদু লুগেয়্যে জাগানত্ আগচ্; মরে তঅ মুয়োন্ দেগা, তঅ মুয়োর্ রবো শুনিবাত্তে দে, কিত্তে তঅ রবো মিদে আর মুয়ো চেঙারাগান্ দোল্।

পরমগীত 5:2

মুই ঘুম্ যেইয়োং, মাত্তর্ মঅ মনান্ জাগন্ এলঅ। উই শুন্, মর্ পরাণ্যে দোরানত্ বারি মারিনে কোইয়্যেদে, “মর্ বৌবো, মর্ পরাণি, মর্ কবো, মর্ খাটি সেই মানুচ্চো, মরে দোরান্ হুলি দে। শিরোপানিলোই মঅ মাঢাবো ভিজি যেইয়্যে, রেদো কুয়ো পানিলোই ভিজি যেইয়্যে মঅ চুলান্।”

গণাণা 23:9

মুড়ো উগুরেত্তুন্‌ মুই তারারে দেখ্যং; তারারে মুই মুড়ো উগুরেত্তুন্‌ দেখ্যং। মুই এন্‌ এক্কো জাদরে দেখ্যং যে অন্যগুনোত্তুন্‌ দূরোত্‌ থায়; অন্য বেক্‌ জাদ্‌তুনো সমারে নিজোরে এক গুরি ন-দেগে।

গালাতীয় 4:26

মাত্তর্ যে যিরূশালেমান্ স্বর্গর্, তে স্বাধীন; তেয়ই আমার মা।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”