পরমগীত 5:4 - Chakma Bible

⁴ দোরান্ ফুদো গুরিনে মর্ পরাণ্যে তা আঢ্‌‌তান ভোরেল, মঅ মনান্ তাত্তে উগুদো জাবুদো অলঅ।

পরমগীত 5:4 Iomraidhean Croise

পত্থম 43:30

ভেইবোরে দেগিনে যোষেফ মনান্‌ অমকদ চিৎপুরি উদিলো। তে এক্কান্‌ কানিবার্‌ জাগা তোগেবাত্তে যাদিমাদি সিয়োত্তুন্‌ নিগিলি গেলঅ আর নিজো গুদিত্‌ সুমিনে কানা ধুরিলো।

পত্থম 7:11

নোহ বয়সচান যেক্কে ছয়শ বজর চলের্‌, সে বজরত্‌ দ্বি মাস সতর দিনোত্‌ মাদি তলেত্তুন্ বেক্‌ পানিগান অদাদৎ নিগিলি এজা ধুরিলো আর আগাজচানত্‌অ যেন্‌ ফাদামারা ধোজ্যে।

১ রাজাবলী 3:26

যিবের্‌ পূঅবো বাঁজি এলঅ পূঅবোত্তে সেই মিলেবোর মনান্‌ ওলোজোলো অনায় তে রাজারে কলঅ, “ও মর্‌ গিরোজ্‌, কোজোলি গরং, তারেই তুই জেদা পূঅবোরে দি দে; পূঅবোরে মারে ন-ফেলেচ্‌।” মাত্তর্‌ অন্য মিলেবো কলঅ, “ও তর্‌অ ন-ওক্‌ আর মর্‌অ ন-ওক্‌। তারে কাবিনে দ্বিকট্টা গর্‌।”

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

পরমগীত 1:4

মুই রাজারে কলুং, “তুই মরে তঅ সমারে নেযা; আঢিচ্, আমি যাদিমাদি যেই।” তে মরে তা ঘরত্ নেযেল। আমি তরে নিইনে ফুত্তি গুরিবোং আর হুজি অবং; আংগুর-রসত্তুন্ বেশ্ তঅ কোচ্‌পানাগান বাঈনী গুরিম্। তারা যে তরে কোচ্‌পান সিয়েন্ ঠিগই গরন্।

যিরমিয় 31:20

ইফ্রয়িম কি মর্ কোচ্‌পানার পুয়ো নয়? তে কি সেই পুয়োবো নয় যিবেরে দেগিনে মুই হুজি অং? যুনিয়ো মুই প্রায়ই তা বিরুদ্ধে কধা কোইয়োং মাত্তর্ তো মুই তারে নিত্য ইদোত্ রাগাং। সেনত্তে মঅ পরাণান তাত্তে কানের্; তাত্তে মর্ অমকদ মেয়্যে অয়। ‍‍

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।