পরমগীত 5:3 - Chakma Bible

³ মুই মনে মনে কলুং, “মঅ পোজাক্কান্ মুই হুলি ফেল্যং, কেধোক্ক্যেন্ গুরিনে আরঅ সিগুন্ উরিম্? মুই মঅ টেঙান্ ধোইয়োং, কেধোক্ক্যেন্ গুরিনে সিয়েনি আর কজরা গুরিম্?”

পরমগীত 5:3 Iomraidhean Croise

পত্থম 19:2

“শুনো, আর উজেই ন-যেইনে তুমি দোয়্যে গুরি তমার এ চাগরবো ঘরত্‌ এজঅ আর আত্‌-টেং ধোইনে রেত্তো কাদঅ। নয়দ বেন্যে পোত্যে উদিনে আরঅ যাহ্ ধুরিবা।” জোবত্‌ তারা কলাক্‌, “না, আমি এ শঅর ভিদিরে রেত্তো কাদেবং।”

গম্ উপদেজ্ 13:4

আল্‌সি মান্‌জ্যে পেবাত্তে চায় মাত্তর্ কিচ্চু ন-পায়, মাত্তর্ কাম্যগুনে তারার চানাত্তুন্ বেশ্ পান। ‍

গম্ উপদেজ্ 22:13

আল্‌সি মান্‌জ্যে কন্, “বারেদি সিংহ আঘে, পদথ্ গেলে মুই মুরি যেম্।”

গম্ উপদেজ্ 3:28

সাহায্য গুরিবার খেমতা তঅ আঢত্ থেলে কাররে ন-কোচ্, “যাহ্, পরেদি এইচ্, এজেত্তে কেল্যে গুরিম।”

মথি লেখ্যে গম্ হবর্ 25:5

জামেইবো এত্তে দেরি অনায় তারা যুড়দে যুড়দে বেক্কুনে ঘুমোত্ পড়িলাক্।

লূকে লেখ্যে গম্ হবর্ 11:7

সেক্কে ঘর ভিদিরেত্তুন্ তা দাংগুবো জোব্ দিলো, মরে দুঘ্ ন-দিচ্। দোরান্ ইক্কিনে বন্ধ আর মঅ ঝি-পুয়োগুনে বিচ্চোনত্ মঅ লগে ঘুম যাদন্। মুই উদিনে তরে কিচ্চু দি-ন-পারিম্।