পরমগীত 5:1 - Chakma Bible

¹ মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 5:1 Iomraidhean Croise

পত্থম 37:25

ইয়েন পরেদি যোষেফ ভেইয়ুনে হানা-বিনে হেবাত্তে বুয়োইনে দেগিলাক্ গিলয়দত্তুন্‌ একদল ইশ্মায়েলীয় বেবসা গুরিয়্যে এত্তন্। উদো পিদিত্‌ গুরি তারা তুম্‌বাচ্‌ মজলা, গুগ্‌গুলু আর গন্ধরসছোই মিসর দেজত্‌ যাদন্।

গীতসংহিতা 147:11

মাত্তর্ যিগুনে তারে ভোক্তিগুরি দরান্ আর তার অমকদ কোচ্‌পানা উগুরে আজা রাগান্, তারারে নিইনে লগেপ্রভুর যেত্তমান্ হুজি।

গীতসংহিতা 16:3

পিত্‌‌থিমীর্ যিদুক্কুন মানুচ্ গোজেনর, তারা দাঙর্; তারারে নিইনে মর্ হুজি।

গম্ উপদেজ্ 24:13

মঅ পুয়োবো, মধু হা, কিত্তে সিয়েন গম; মু বাত্তুন্ মধু হা, সিয়েন তঅ মুয়োদি মিদে লাগিবো।

গম্ উপদেজ্ 9:5

“এজ, মঅ হানাগান্ হঅ, মর্ মজলা মিজেয়্যে আংগুর-রস হঅ;

উপদেশক 2:5

মুই চিগোন-দাঙর ভালোক্কুন্ বাগান্ বানেইনে নানান্ বাবোত্যে ফল গাজ্ লাগেলুং।

পরমগীত 1:13

মর্ পরাণ্যে মইদু যেন তুম্বাজ রস্ রাগেবার চিগোন্ থৈল্যে যিয়েন মর্ বুগো ভিদিরে থায়।

পরমগীত 4:16

উত্তোরেদি বোইয়্যেরান্ জাগি উঠ্, দোগিনে বোইয়্যেরান্ আয়। মঅ বাগানান উগুরেদি বেই যাহ্ যেনে সিয়েনর্ তুম্বাজ্‌ছান ছিদি পড়ে। মর্ পরাণ্যে যেন তা বাগানানত্ এইনে তার গম্ গম্ ফলুন্ খান্।

পরমগীত 4:8

মেলা ঘরর্ মর্ বৌবো, লেবাননত্তুন্ মঅ সমারে আয়, মঅ সমারে লেবাননত্তুন্ আয়। অমানার্ মুড়ো চুক্কোত্তুন্, শনীর আর হর্মোণ মুড়োবোর্ উগুরেত্তুন্, সিংহ গাদত্তুন্, হোক্যে বাঘর্ মুড়োমুড়ি থেবার্ জাগানত্তুন্ তুই লামি আয়।

পরমগীত 6:11

লাঙেলর্ নূয়ো চারাগুন্ চেবাত্তে, আংগুর লুদিত্ বোল্ ধোজ্যে নাহি চেবাত্তে, আর ডালোম গাজত্ ফুল ফুত্যে নাহি চেবাত্তে মুই লামিনে বাদাম গাজ ঝারত্ গেলুং।

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

পরমগীত 8:1

আহ্, যুনি তুই মঅ ভেইবো ধোক্ক্যেন্ অদে যে মঅ মাবো দুধ্‌তান হেইয়্যে! সালে মুই তরে বারেদি পেলেয়ো চুমি পারিদুং, কনজনে মরে কিজু কোই ন-পারিদাক্;

পরমগীত 8:13

তুই দঅ বাগানে বাগানে থাচ্; তঅ সমাজ্যেগুনে তঅ রবো শুনোন্, মরেয়ো সিবে শুনিবাত্তে দে।

যিশাইয় 23:18

মাত্তর্ তার লাভ আর আয় লগেপ্রভুর নাঙে যুদো গুরি রাগা অবঅ; সিগুন জোমেই রাগানা বা থুবোনা ন-অবঅ। যিগুনে লগেপ্রভু মুজুঙোত্ আঢাউদো গরদন্ তারার্ হানা-দানাত্তে আর দোল্ দোল্ কাবড়-চুগোরত্তে তার সে লাভ্‌‍‍‍পুন খরচ্ গরা অবঅ।

যিশাইয় 5:1

মুই যিবেরে কোচ্‌পাং তা নাঙে মুই এক্কো গান গেম্, গান গেম্ তা আংগুর খেদ পৌইদ্যেনে। মুড়োবোত্ এক্কান বোল্-বোল্যে জাগাত্ এলদে মর্ পরাণ্যের্ এক্কান আংগুর খেত।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিশাইয় 61:11

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

যিশাইয় 65:13

সেনত্তে প্রভু লগেপ্রভু কোইয়্যেদে, মঅ চাগরুনে হেবাক্, মাত্তর্ তুমি পেট্ পরায় মুরিবে; মঅ চাগরুনে পানি হেবাক্, মাত্তর্ তুমি পানি তিরেস্ পেই পেই থেবা; মঅ চাগরুনে ফুত্তি গুরিবাক্, মাত্তর্ তমারে লাজ্ দিয়্যে অবঅ।

যিশাইয় 66:14

ইয়েনি দেগিনে তমা মনানি হুজি অবঅ আর তুমি ঘাস ধোক্ক্যেন উদিবে। লগেপ্রভুর চাগরুনে তা খেমতাগান দেগিবাক্, আর তা শত্রুগুনে তা রাগ্‌‌‌‌কান দেগিবাক্।

মথি লেখ্যে গম্ হবর্ 25:40

ইয়েনর্ জোবত্ রাজা সেক্কে তারারে কবঅ, মুই তমারে ঘেচ্চেকগুরি কঙর্, মর্ এই ভেইয়ুনো ভিদিরে সামান্য কনঅ একজনত্তে যেক্কে সিয়েন্ গোজ্য সেক্কে মত্তেই সিয়েন্ গোজ্য।

লূকে লেখ্যে গম্ হবর্ 12:4

মঅ সমাজ্যেগুন্, মুই তমারে কঙর্, যিগুনে কিয়্যেগান্ ভস্ত গরানার্ পরেদি আর কিচ্চু গুরি ন-পারন্ সিগুনোরে ন-দোরেইয়ো।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

প্রেরিত্‌ 11:29

সেক্কে শিচ্চ্যগুনে ঠিগ্ গুরিলাক্, যিহূদিয়া রেজ্যর্ বিশ্বেজি ভেইয়ুনোরে সাহায্য দিবাত্যে তারা পত্তিজনে নিজোর্ নিজোর্ সাধ্য মজিম্ টেঙা পাধেবাক্। তারা সিয়েন গোজ্জ্যন্।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।

বিচের গুরিয়্যেগুন 14:11

শিম্‌শোনে সিয়েনত্‌ লুমোনার পরেন্দি পলেষ্টীয়গুনে তারে তিরিশজন সমাজ্যে দিলাক্‌।

বিচের গুরিয়্যেগুন 14:20

সেক্কে তা সমাজ্যেগুনো ভিদিরেত্তুন্‌ তা দাংগুবো আঢত্‌ তা মোক্কোরে তুলি দিয়্যে অলঅ।