পরমগীত 4:6 - Chakma Bible

⁶ যেদক্কন্ সং বেন্যে পহ্‌‌‌র ন-অয় আর আন্ধারান্ ন-যায় সেদক্কন্ মুই তুম্বাজ রস মুড়োবোত্, অয়, আগর্‌বাট্টির্ মুড়োবোত্ থেম্।

পরমগীত 4:6 Iomraidhean Croise

গীতসংহিতা 66:15

মুই তঅ নাঙে পক্তা-মক্তা য়েমান্দোই পুজ্যে-উৎসর্বর পরব্ গুরিম আর সিয়েন সমারে পুজ্যে ভেড়ার তুম্বাজ উৎসর্ব গুরিম; মুই বলদ আর ছাগল উৎসর্ব গুরিম।

যাত্রা 20:24

তুমি মাদিলোই মত্তে এক্কো ডালিপূজো বানেবা, আর তা উগুরে তমার্‌ পুজ্যে-উৎসর্ব আর উদোলোলি-উৎসর্বর গরু-ছাগল-ভেড়া উৎসর্ব গুরিবা। যেদক্কানি জাগাত্‌ মুই মর্‌ নাঙান্‌ ইদোত্‌ তুলি দিবার্‌ সুদোম্‌ গুরিম্‌ সেদক্কানি জাগাত্‌ মুই আঝিল্ ওইনে তমারে বর্ দিম্‌।

যাত্রা 30:8

বেলান্‌ ডুবোনার্‌ পরেন্দি চেরাগ্‌ ধোরেবার্‌ অক্তত্অ আরঅ‌ সেই ধূপ জ্বালেবে। সেক্কে তমার্‌ বংশর্‌ পর্‌ বংশ ধুরিনে লগেপ্রভুর মুজুঙোত্‌ সুদোম মজিম্ ধূপ জুলিবো।

যাত্রা 37:29

ইয়েন্‌বাদে তুম্বাস্‌ জিনিস্‌ বানাইদে ধোক্ক্যেন গুরি খাটি তুম্বাস্‌ ধূপ আর পবিত্র অভিষেক-তেল্‌অ‌ বানা অলঅ‌।

পরমগীত 2:17

ও মর্ পরাণ্যে, তুই ফিরি আয়; যেদক্কন্ সং বেন্যে পহ্‌র ন-অয় আর আন্ধারান্ ন-যায় সেদক্কন্ তুই থাক্। অজল্ মুড়োবো উগুরে তুই কৃষ্ণসার ‌ বা উরিঙো ছঅ ধোক্ক্যেন্ অ।

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

পরমগীত 4:14

আগেদে জটামাংসী, জাফরান্, বচ, দারুচিনি আর নানান্ বাবোত্যে ধূপোর্ গাজ্; সিদু আগেদে তুম্বাজ রস, অগুরু আর বেগত্তুন্ গম্ নানান্ বাবোত্যে তুম্বাজ মজলা।

পরমগীত 8:14

মর্ পরাণ্যে, আঢি আয়; তুম্বাজ্ মজলা-ভরা মুড়ো উগুরে তুই চুন্নু উরিঙো ধোক্ক্যেন্ অ বা উরিঙো ছঅ ধোক্ক্যেন্।

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

২ পিতর 1:19

পবিত্র বোইবো ভিদিরে ভাববাদীগুনে যিয়েনি কোইয়োন সিয়েনি সত্য বিলিনে প্রমান ওইয়্যে। আন্ধারত্ যেধোক্ক্যেন তমা চোগ্‌কুন বাট্টিবো ইন্দি থায় ঠিগ্ সেধোক্ক্যেন গুরি, যেদক্কন সং বেন্যেমাদান পহ্‌র ন-অয় আর তমা রিবেঙত্ শুকতারাবো ন-উদে, সেদক্কন সং ভাববাদীগুনোর কধানি মনযোগ দিলে তুমি গম গুরিবা।

১ যোহন 2:8

মাত্তর্ এই যে উগুমানর্ কধা ইক্কিনে আমি তমা ইধু লিগির্ সিয়েন পুরোণি অলেয়ো নূয়ো। এই উগুমানর্ সত্যগান যীশু খ্রীষ্ট ভিদিরে আর তমা জিংকানিত্ দেগা যেইয়্যে, কিয়া আন্ধারান কাদা যার্ আর সেই আজল্ পহ্‌রান ইক্কিনে জ্বলের্।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।