পরমগীত 4:3 - Chakma Bible

³ তর্ ঠুট্ দ্বিবে রাঙা রংয়র্ সুদো ধোক্ক্যেন্ রাঙা; কি দোল্ তঅ মুয়োন্! ঘঙদা ভিদিরে তঅ কবাল দ্বিকিত্তেদি যেন অদ্দেক্ হেইয়্যে ডালোম্।

পরমগীত 4:3 Iomraidhean Croise

পত্থম 32:10

তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

ইষ্রা 9:6

ও মর্ গোজেন, তইন্দি মর্ মুয়োন তুলোদে ভারী লাজাঙর্, কিত্যে আমা পাপ্পানি আমা মাঢা উগুরে উঠ্যেগোই আর আমা ‍দুষ্‌‌চানি আগাজত্ লুম্মেগোই।

গীতসংহিতা 119:13

তঅ মুয়োত্তুন্ যেদক্কানি সুদোম্ নিগিল্যে মর্ মুয়োনে সিয়েনি ফগদাং গুরিবো।

গীতসংহিতা 37:30

গোজেন ভক্তগুনোর্ মুয়োনিয়ে জ্ঞানর কধা ফগদাং গরে; তারার্ জিলানিয়ে ন্যায়বিচেরর্ কধা কয়।

গীতসংহিতা 45:2

মানুচ্চুনো ভিদিরে তুই অমকদ দোল্; তর্ দ্বিবে ঠুদোর কধা মধুলোই ভিজেয়্যে; গোজেনর উমরর্ আশিদ্‌‌বাদ্‌‌তান তঅ উগুরে ঝুরি পড়ের্।

গম্ উপদেজ্ 10:13

যিগুনোর বিচেরবুদ্ধি আঘে তারা মুয়োত্ জ্ঞান পাহ্ যায়, মাত্তর্ যিগুনোর বুদ্ধি নেই তারা পিঠ্‌তানিত্ আগেদে লুদিক্।

গম্ উপদেজ্ 31:26

তে বুদ্ধি গুরিনে কধা কয়; কোচ্‌‌পানার মনভাব্‌‌পোই তে উগুম্ দে।

পরমগীত 1:5

ও যিরূশালেমর্ মিলেগুন্, মুই কেদর তাম্বুলো ধোক্ক্যেন্ কালা মাত্তর্ শলোমন তাম্বুলো পর্দাগান ধোক্ক্যেন্ দোল্।

পরমগীত 4:11

মর্ বৌবো, তঅ ঠুট্‌তোত্তুন্ ফুদো ফুদো মধু ঝরে। তঅ জিলান তলে আগেদে দুধ আর মধু; তঅ কাবড় বাজ্‌ছান লেবানন ঝারর্ তুম্বাজ ধোক্ক্যেন্। ‌

পরমগীত 5:13

তা গাল্ দ্বিয়েন যেন তুম্বাজ মজলার্ বিজিতলা, যিয়েনত্তুন্ তুম্বাজ্ নিগিলের্। তা ঠুট্‌‌তুন দ্বিবে যেন তুম্বাজ রসে ঝুরি যেইয়্যে লিলি ফুল।

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

পরমগীত 6:7

ঘঙদা ভিদিরে তঅ কবালানর্ দ্বি কিত্তেদি যেন অদ্দেক্ কাবা ডালোম।

পরমগীত 7:9

আর তঅ মুয়োন্ ওক্ বেগত্তুন্ গম্ আংগুর-রস। সেই আংগুর-রস্‌চান সোজাগুরি মঅ পরাণ্যের্ গত্তনাবোত্ লামি যোক্, ‌‌‌ যেধোক্ক্যেন্ ঘুমোত্ পোজ্যে মানুচ্চুনোর্ ঠুদো ভিদিরেদি আংগুর-রস সহজে যায়।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

লেবীয় 14:4

মাত্তর্‌ তারে সুদ্ধো-সাংগ গুরিবাত্তে ধর্মগুরুবো দ্বিবে জেদা সুদ্ধো-সাংগ পেক্‌, কিজু এরস তক্তা, রাঙা রংয়র্‌ সুদো আর এসোব গাজর্‌ ডেলালোই এবাত্তে কবে।

লেবীয় 14:6

ধর্মগুরুবো জেদা পেক্কোরে, এরস তক্তা, রাঙা রংয়র্‌ সুদো আর এসোব গাজর্‌ ডেলা পানি গঙার উগুরে কাবি ফেলেয়্যে সেই পেক্কোর্‌ লো-গানত্ চুবেব।

গণাণা 19:6

গোরুবো যেক্কে পুড়ো ধুরিবাক্‌ সেক্কে ধর্মগুরুবোত্তুন্‌ কিজু এরস গাজর তক্তা, এসোব আর রাঙা রঙয়র্‌ কেশ্‌ তা উগুরে ফেলে দিয়্যে পুরিবো।

গণাণা 4:8

ইগুনো উগুরে এক্কান্‌ রাঙা রংয়র্‌ কাবড়্‌ বিজেইনে শুশুকোর্‌ চাম্‌বোই নাঢি দিবে আর টেবিলোর খুদোগুন জাগা মজিম ভোরেই দিবে।

মথি লেখ্যে গম্ হবর্ 12:35

গম্ মানুচ্ তা মনত্তুন্ গম্ কধা নিগিলেই, আর বজং মানুচ্ তা মনত্তুন্ ভান্ন্যেই কধা নিগিলেই।

লূকে লেখ্যে গম্ হবর্ 4:22

মানুচ্চুনে বেক্কুনে তারে নাঙ্ গিনিলাক্ আর তা মুয়োদি এই দোল্ দোল্ কধানি শুনিনে আমক্ অলাক্, “ইবে কি যোষেফর্ পুয়োবো নয়?”

ইফিষীয় 4:29

তমা মুয়োত্তুন্ কনঅ বাজে কধা ন-নিগিলোগ্, বরং দরকার্ মজিম অন্যরে গাঢেই তুলিবাত্যে যিয়েন গম সেবাবোত্যে কধা নিগিলোগ্, যেন যিগুনে সিয়েনি শুনোন্ সিয়েনিত্যে তারার্ উপকার অয়।

কলসীয় 4:6

তমার্ কধাবাত্তানি নিত্য মধু আর নুন্-দিয়্যে হানা ধোক্ক্যেন যগাজ্জ্যে ওক্, যেন কারে কেধোক্ক্যেন গুরি জোব্ দিবা সিয়েন তুমি বুঝি পারঅ।

ইব্রীয় 9:19

বেক্‌ মানুচ্চুনো ইধু রীদি-সুদোমর্ পত্তি উগুম ফগদাং গরানার্ পর্ মোশি গোরু ছঅ আর ছাগলর্ লো ললঅ আর সিয়েন সমারে পানি মিজেইনে রাঙা রঙে রাঙেইয়্যে ভেড়ার কেশ্ আর এসোব গাজর্ ডেলালোই সিয়েন রীদি-সুদোমর্ বোইয়ো উগুরে আর মানুচ্চুনো উগুরে ছিদি দিলো।