পরমগীত 4:16 - Chakma Bible

¹⁶ উত্তোরেদি বোইয়্যেরান্ জাগি উঠ্, দোগিনে বোইয়্যেরান্ আয়। মঅ বাগানান উগুরেদি বেই যাহ্ যেনে সিয়েনর্ তুম্বাজ্‌ছান ছিদি পড়ে। মর্ পরাণ্যে যেন তা বাগানানত্ এইনে তার গম্ গম্ ফলুন্ খান্।

পরমগীত 4:16 Iomraidhean Croise

উপদেশক 1:6

বোইয়্যেরান্ দোগিনেদি বায়, সে পরেদি উত্তোরেদি ঘুরি যায়; এবাবোত্যেগুরি ঘুরে আর নিজো পধেদি ফিরি এজে।

উপদেশক 2:5

মুই চিগোন-দাঙর ভালোক্কুন্ বাগান্ বানেইনে নানান্ বাবোত্যে ফল গাজ্ লাগেলুং।

পরমগীত 1:13

মর্ পরাণ্যে মইদু যেন তুম্বাজ রস্ রাগেবার চিগোন্ থৈল্যে যিয়েন মর্ বুগো ভিদিরে থায়।

পরমগীত 1:4

মুই রাজারে কলুং, “তুই মরে তঅ সমারে নেযা; আঢিচ্, আমি যাদিমাদি যেই।” তে মরে তা ঘরত্ নেযেল। আমি তরে নিইনে ফুত্তি গুরিবোং আর হুজি অবং; আংগুর-রসত্তুন্ বেশ্ তঅ কোচ্‌পানাগান বাঈনী গুরিম্। তারা যে তরে কোচ্‌পান সিয়েন্ ঠিগই গরন্।

পরমগীত 2:3

ঝারর্ গাজ্‌পালাগুনো ভিদিরে যেধোক্ক্যেন্ আপেল গাজ্, সেধোক্ক্যেন্ গাবুজ্যেগুনো ভিদিরেত্তুন্ মর্ পরাণ্যে। মুই তা ছাবাবোত্ বোইনে গম্ পাং, মঅ মুয়োদি তা ফলুন্ মিদে লাগে।

পরমগীত 2:8

উই শুন্, মঅ পরাণ্যের্ রবো, উই চাহ্, তে এজের্; তে মুড়ো-মুড়ি উগুরেদি ফাল্যে ফাল্যে এজের্।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

পরমগীত 8:12

মর্ নিজোর আংগুর খেত্ আঘে, যিগুন বানা মুই দি পারং। ও শলোমন, সেই বার কেজি রূবো তরই থোক্, মাত্তর্ আড়ি কেজি থোক্ তারাত্তে যিগুনে ফলুনোর্ দেগাশুনো গত্তন্।

যিশাইয় 64:1

আহ্, তুই যুনি আগাজ্‌‌চান ফাদিনে লামি এদে! যুনি মুড়ো-মুড়িগুন তঅ মুজুঙোত্ গির্‌‌গিরেদাক!

যিহিষ্কেল 37:9

সেক্কে তে মরে কলঅ, “তুই বোইয়্যের নাঙে আগাম্ কধা কঅ; ও মান্‌‌‌‌‌জ্যর পুয়োবো, তুই এ আগাম্ কধানি কঅ, প্রভু লগেপ্রভু কোইয়্যেদে, ‘ও বোইয়্যেরান, তুই চেরোকিত্তেত্তুন্ আয় আর এই বেক্ মোজ্যন্দে মানুচ্চুনো ভিদিরে নিজেস্ দে যেনে তারা জেদা অন্।’”

মথি লেখ্যে গম্ হবর্ 26:10

যীশু এ কধাগান্ বুঝি পারিনে শিচ্চ্যগুনোরে কলঅ, “তুমি এ মিলেবোরে দুঘ্ দুয়োর্ কিত্যে? তে দঅ মত্তে গম্ কাম্ গোজ্যে।

মথি লেখ্যে গম্ হবর্ 26:12

তে মঅ কিয়্যেগান উগুরে এ আতরান্ ঢালি দিইনে মরে কবরত্তে যুক্কোল্ গোজ্যে।

যোহন 3:8

বৈয়্যের্ যিন্দি মনে কয় সিন্দি বায়্ আর তুই তা রবুয়ো শুনোচ্, মাত্তর্ কুত্তুন্ এজে আর কুধু বা যায় সিয়েন তুই হবর্ ন-পাজ্। পবিত্র আত্মাত্তুন্ যিগুনোর্ জর্ম ওইয়্যে সিগুনোর্‌অ ঠিগ্ সেবাবোত্যে অয়।”

যোহন 5:8

যীশু তারে কলঅ, “উঠ্, তঅ পাদিবো তুলিনে আঢি বেড়া।”

প্রেরিত্‌ 4:31

যে জাগানত্ তারা এগত্তর্ ওইয়োন, তবনা গরানার্ পরেদি সে জাগায়ান গির্‌গিরে উদিলো। আর তারা বেক্কুনে পবিত্র আত্মালোই পুরেইনে সাহচ্‌ গুরিনে গোজেনর কধা কুয়ো ধুরিলাক্।

রোমীয় 15:28

মর্ এ কামান্ থুম্ অলে পরেদি যেক্কে মুই কোই পারিম, সেই টেঙাগুন্ গমেডালে লুমেই দুয়োন্ সেক্কে তমা কায় কুরে গুরি মুই স্পেইনত্ যেম্।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।