পরমগীত 4:12 - Chakma Bible

¹² মর্ পরাণি, মর্ বৌবো, তুই যেন দেবাল্লোই ঘিজ্যে এক্কান বাগান্; তুই যেন আক্‌সো রাগেয়্যে পয়নালা, বানি রাগেয়্যে তান্জাং। ‌‌‌

পরমগীত 4:12 Iomraidhean Croise

পত্থম 29:3

যেক্কে বেক্‌ ভেড়া পালুন্‌ এগত্তর্‌ অদাক্‌ সেক্কে য়েমান চোড়েয়্যেগুনে কূয়োবো মুয়োত্তুন্‌ পাত্তর্‌বো সোরে দিইনে ভেড়াগুনোরে পানি হাবেদাক্। সে পরেদি পাত্তর্‌বো আরঅ কূয়োবো মুয়োনত্‌ বোজেই রাগেদাক্।

পরমগীত 4:9

মর্ পরাণি, মর্ বৌবো, তুই মঅ মনান্ চুর্ গোজ্যস্; তর্ এক চোগো ইজিরেলোই, তঅ নেগেলেজর্ এক্কো মানেক্কোই তুই মঅ মনান্ চুর্ গুরি নেযেয়োচ্।

পরমগীত 6:11

লাঙেলর্ নূয়ো চারাগুন্ চেবাত্তে, আংগুর লুদিত্ বোল্ ধোজ্যে নাহি চেবাত্তে, আর ডালোম গাজত্ ফুল ফুত্যে নাহি চেবাত্তে মুই লামিনে বাদাম গাজ ঝারত্ গেলুং।

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

যিশাইয় 58:11

মুই লগেপ্রভু তমারে নিত্য পরিচালনা গুরিম; শুগেই যেইয়্যে দেজত্ মুই তমারে দরকারান্ মিটেই দিম্ আর তমা কিয়্যেগানরে বল্ দান গুরিম। তুমি গমেডালে পানি পেইয়্যে বাগান ধোক্ক্যেন অবা আর এমন পয়নালা ধোক্ক্যেন অবা যিয়েনর পানিগান কনদিন্অ ন-শুগেব।

যিরমিয় 31:12

তারা এইনে সিয়োনর অজল্ জাগানত্ হুজির্ রঅ গুরিবাক্; মর্ দিয়্যে বোউত্ শোজ্য, নুয়ো আংগুর-রস, তেল, ভেড়া আর গোরু পালর্ ছঅ পেইনে তারা ফুত্তি গুরিবাক্। তারা গমেডালে পানি দিয়্যে বাগান ধোক্ক্যেন অবাক্; তারা আর্ বল্‌পোজ্যে ন-অবাক্। ‍

হোশেয় 6:3

আঢঅ, আমি লগেপ্রভুরে স্বীগের্ গুরি নেযেই; তারে হবর্ পেবাত্তে তা পিজেদি যেই। বেলান্ উধেদে ধোক্ক্যেন তে হামাক্কায় ফগদাং অবঅ; ঝড় ধোক্ক্যেন গুরি, বসন্তকালত্ মাদি ভিজেদে ঝড় ধোক্ক্যেন গুরি তে এবঅ।

১ করিন্হীয় 6:13

আরঅ কেঅ কেঅ এ কধাগান-অ কন্, “হানা পেদত্যে আর পেট্‌তো হানাত্যে।” ভারী গম্ কধা, মাত্তর্ এ দ্বিয়েন জিনিস এক দিন গোজেনে বাদ্ দি দিবো। কিয়্যেগান বেভিচার গুরিবাত্যে নয় বরং সিয়েন প্রভুত্যে, আর প্রভু কিয়্যেগানত্তে।

১ করিন্হীয় 7:34

এধোক্ক্যেন গুরিনে দ্বি কিত্তেদি তারে টানে। যে মিলেবোর্ নেগ্ নেই তে আর গাবুজ্যে মিলেবো প্রভুর্ পৌইদ্যেনে চিন্তে গরে যাতে তে কিয়্যেদি আর মনেদি প্রভুর্ ওই পারে। মাত্তর্ বৌ যেইয়্যে মিলেবো সংসার পৌইদ্যেনে ভাবে; তে চিন্তে গরে কেধোক্ক্যেন গুরিনে তে নেক্কোরে হুজি গুরিবো।

২ করিন্হীয় 1:22

অত্তাৎ তার্ নিজোর্ সোম্বোত্তি ইজেবে তে আমারে সীল্‌‌মহ্‌‌র গুরি থোইয়্যে; আর যিয়েনি আমারে দিবো তার্ পত্তম ভাগ্ ইজেবে তে আমা রিবেঙত্ পবিত্র আত্মারে দিয়্যে।

ইফিষীয় 1:13

আর তুমিয়ো সত্যর্ কধা, অত্তাৎ পাপত্তুন্ উদ্ধোর্ পেবার গম হবর্ শুনিনে খ্রীষ্ট উগুরে বিশ্বেজ্ গোজ্জ্য। খ্রীষ্ট সমারে মিজেয়ো বিলি গোজেনে তার্ এগেম্ গোজ্জ্যে পবিত্র আত্মালোই তমারে সীল্‌মারি রাগেয়্যে।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।

ফগদাং পেইয়্যে 7:3

“আমা গোজেন চাগরুনোর্ কবালত্ সীলমহ্‌র ন-দেনা সং পিত্‌থিমী, সাগর বা গাজ্-পালার ক্ষোতি ন-গোজ্জ্য।”