পরমগীত 4:11 - Chakma Bible

¹¹ মর্ বৌবো, তঅ ঠুট্‌তোত্তুন্ ফুদো ফুদো মধু ঝরে। তঅ জিলান তলে আগেদে দুধ আর মধু; তঅ কাবড় বাজ্‌ছান লেবানন ঝারর্ তুম্বাজ ধোক্ক্যেন্। ‌

পরমগীত 4:11 Iomraidhean Croise

পত্থম 27:27

সেক্কে যাকোবে কায়-কুরে যেইনে তারে চুমু দিলো, আর ইস্‌হাকে তার কিয়্যের কাবড়ান তুম্বাজ্‌ পেইনে তারে এবাবোত্যেগুরি বর্ দিলো; ইবে দঅ মঅ পুয়োবোর তুম্বাস্‌চান, লগেপ্রভু বর্‌ দিয়্যে ভুইয়ো ধোক্ক্যেন এ বাসচান্‌।

গীতসংহিতা 19:10

সিয়েন সনাত্তুন্‌অ, ভালোক্কানি খাটি সনাত্তুন্‌অ বেশ্ বেশ্ আওজ্ গোজ্যে জিনিস। সিয়েন মধুত্তুন্অ বেশ্ মিদে, মুবাত্তুন্ ঝোজ্যে মধুত্তুন্অ বেশ্ মিদে।

গীতসংহিতা 45:8

গন্ধরস, অগুরু আর দারচিনির তুম্বাজে তর্ রাজপোশাকে তুম্বাজ্ ওইয়্যে; এদোর্ দাত্ বোজেইনে রাজঘরত্ তার যন্ত্রলোই যে বাজনা বাজে সিয়েনে তরে হুজি গরে।

গীতসংহিতা 92:13

আমা গোজেন লগেপ্রভুর ঘরত্ যিগুনোর লাগা ওইয়্যে তারা তা উদোনত্ দাঙর্ অবাক্।

গম্ উপদেজ্ 16:24

মিদে কধা মু বাহ্ ধোক্ক্যেন্; মনানত্তে সিয়েন মধুর আর কিয়্যেগানরে গম্ রাগায়।

গম্ উপদেজ্ 5:2

সেক্কে তুই গম্-ভান্ন্যেই বুঝিবার খেমতাগান রোক্ষ্যে গুরি পারিবে, আর তঅ মুয়োনত্তুন্ জ্ঞানর কধা বার্ অবঅ।

গম্ উপদেজ্ 5:3

বেশ্যেমিলেবোর ঠুদোত্তুন্ যেন মধু ঝুরি পড়ে, তা কধাবাত্তানি তেলত্তুন্ বেশ্ নরম;

পরমগীত 4:10

মর্ পরাণি, মর্ বৌবো, তঅ কোচ্‌পানাগানে কত্তমান্ হুজি গরায়! আংগুর-রসত্তুন্ বেশ্ তঅ কোচ্‌পানাগান্, আর বেক্ মজলাগানিত্তুন্ তঅ তুম্বাজ্‌ছানর্ দোল্ তুম্বাজ্ আরঅ কত্তমান্ বেশ্ গম্!

পরমগীত 4:3

তর্ ঠুট্ দ্বিবে রাঙা রংয়র্ সুদো ধোক্ক্যেন্ রাঙা; কি দোল্ তঅ মুয়োন্! ঘঙদা ভিদিরে তঅ কবাল দ্বিকিত্তেদি যেন অদ্দেক্ হেইয়্যে ডালোম্।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 5:13

তা গাল্ দ্বিয়েন যেন তুম্বাজ মজলার্ বিজিতলা, যিয়েনত্তুন্ তুম্বাজ্ নিগিলের্। তা ঠুট্‌‌তুন দ্বিবে যেন তুম্বাজ রসে ঝুরি যেইয়্যে লিলি ফুল।

পরমগীত 7:9

আর তঅ মুয়োন্ ওক্ বেগত্তুন্ গম্ আংগুর-রস। সেই আংগুর-রস্‌চান সোজাগুরি মঅ পরাণ্যের্ গত্তনাবোত্ লামি যোক্, ‌‌‌ যেধোক্ক্যেন্ ঘুমোত্ পোজ্যে মানুচ্চুনোর্ ঠুদো ভিদিরেদি আংগুর-রস সহজে যায়।

যিশাইয় 7:15

যিয়েন ভান্ন্যেই সিয়েন এলাফেলা গুরিবার আর যিয়েন গম্ সিয়েন বেঈ লবার্ জ্ঞান পেবার অক্তত্ তে দই আর মধু হেবঅ। মাত্তর্ ও রাজা আহস, সে সময়বোর্ আগেদি যিগুনোরে তুই দরাচ্ সে দ্বিবে রাজার দেজ্ খালি ওইনে পড়ি থেবঅ।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।