পরমগীত 4:10 - Chakma Bible

¹⁰ মর্ পরাণি, মর্ বৌবো, তঅ কোচ্‌পানাগানে কত্তমান্ হুজি গরায়! আংগুর-রসত্তুন্ বেশ্ তঅ কোচ্‌পানাগান্, আর বেক্ মজলাগানিত্তুন্ তঅ তুম্বাজ্‌ছানর্ দোল্ তুম্বাজ্ আরঅ কত্তমান্ বেশ্ গম্!

পরমগীত 4:10 Iomraidhean Croise

পরমগীত 1:12

রাজা যেক্কেনে তা বিচ্চোনত্ এলঅ সেক্কে মঅ তুম্বাজ্‌ছানে তুম্বাজ্ নিগিলে ধুরিলো।

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

পরমগীত 4:9

মর্ পরাণি, মর্ বৌবো, তুই মঅ মনান্ চুর্ গোজ্যস্; তর্ এক চোগো ইজিরেলোই, তঅ নেগেলেজর্ এক্কো মানেক্কোই তুই মঅ মনান্ চুর্ গুরি নেযেয়োচ্।

পরমগীত 5:5

মর্ পরাণ্যেরে দোরান্ খুলি দিবাত্তে মুই উদিলুং, মঅ আঢ্‌তান তুম্বাজ রসে ভিজে এলঅ, মঅ আঙুলুনোর্ তুম্বাজ রসর্ গঙারে দোরানর্ হেন্ডেল্লো ভিজিলো।

পরমগীত 7:6

ও মর্ পরাণি, মরে হুজি গুরিয়্যেবো, তুই কি দোল্, কি অমকদ দোল্!

গালাতীয় 5:22

মাত্তর্ পবিত্র আত্মার্ ফল অলঅ-কোচ্‌পানা, হুজী, শান্তি, সোজ্জ্যগুন, দোয়্যের্ খাচ্চ্যত্, গম খাচ্চ্যত্, বিশ্বেজ্‌বলা,

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।