পরমগীত 4:1 - Chakma Bible

¹ মর্ পরাণি, কি দোল্ তুই! অয়, তুই দোল্‌বি। ঘঙদা ভিদিরে তঅ চোগ্‌কুন দ্বিবে কঅ ধোক্ক্যেন্। তঅ চুলান্ যেন গিলিয়দ মুড়োবোত্তুন্ লামি এচ্চ্যে ছাগল পাল্।

পরমগীত 4:1 Iomraidhean Croise

গীতসংহিতা 45:11

সালে রাজা তর্ দোলানিলোই ধরা দিবো; তেয়ই তর্ গিরোজ, তারে মাঢা নিগিরিনে জু জু গর্।

পরমগীত 1:15

মর্ পরাণি, কি দোল্ তুই! অয়, তুই দোল্। তঅ চোগ্‌কুন দ্বিবে ক ধোক্ক্যেন্।

পরমগীত 2:10

মর্ পরাণ্যে মরে কোইয়্যেদে, “মঅ পরাণি, উঠ্; মর্ দোল্‌বি, মঅ সমারে আয়।

পরমগীত 2:14

মর্ কবো, তুই মুড়োবোর্ ফাদাগানত্, মুড়োবো ইদু লুগেয়্যে জাগানত্ আগচ্; মরে তঅ মুয়োন্ দেগা, তঅ মুয়োর্ রবো শুনিবাত্তে দে, কিত্তে তঅ রবো মিদে আর মুয়ো চেঙারাগান্ দোল্।

পরমগীত 6:5

মত্তুন্ তঅ চোগ্‌‌কুন ফিরেই নেযা; সে দ্বিবে চোগে মরে বেগোচ্চ্যে গরে। তঅ চুলান্ যেন গিলিয়দ মুড়োবোত্তুন্ লামি এচ্চ্যে ছাগল পাল্।

পরমগীত 6:7

ঘঙদা ভিদিরে তঅ কবালানর্ দ্বি কিত্তেদি যেন অদ্দেক্ কাবা ডালোম।

পরমগীত 7:5

তঅ কিয়্যেগান্ উগুরে তঅ মাঢাবো কর্মিল মুড়োবো ধোক্ক্যেন্; জোক্‌জোক্যে নরম কাবড় ধোক্ক্যেন্ তঅ চুলান্; সেই চুল যুদোবোলোই রাজা বন্দী ওই আঘে। ‌‌‌

যিরমিয় 22:6

যিহূদার রাজঘরর বেক জাগানি পৌইদ্যেনে লগেপ্রভু কোইয়্যেদে, যুনিয়ো তুই মইধু গিলিয়দ ধোক্ক্যেন আর লেবানন মোন তোগোন ধোক্ক্যেন তো মুই তরে হামাক্কায় ধূল্যেচর-চাগালা ধোক্ক্যেন বা মানুচ্ নেইয়্যে শঅর ধোক্ক্যেন গুরিম।

যিহিষ্কেল 16:14

তর্ দোলানত্তে তঅ নাঙান্ জাদ ভিদিরে ছিদি পড়িল, কিত্তে মর্ দিয়্যে সয়সাগজ্যেই তর্ দোলান জদবদে ওইয়্যে।

মীখা 7:14

ও লগেপ্রভু, তুই মুগোর্ আঢত্ গুরিনে তঅ মানুচ্চুনোর গরগ্‌‌‌কুনোরে চরাচ্। তারা দঅ তর্ নিজোর্ পাল। তারা চেরোকিত্তে বোল্‌‌‌বোল্যে চড়াইদ্যে ভূই থেলেয়ো তারা গায় গায় ধূল্যেচর চাগালাত্ বজত্তি গরদন্। ভালোক্ দিন আগে যেবাবোত্যেগুরি চড়িদাক্ সেবাবোত্যেগুরি তারা যেন বাশন আর গিলিয়দত্ চড়িনে বেড়েই পারন।

গণাণা 32:1

রূবেণ আর গাদ-গুট্টির মানুচ্চুনোর গোরু, ছাগল আর ভেড়াছাগলর দাঙর্‌ দাঙর্‌ পাল এলাক্। তারা দেগিলাক্ যাসের আর গিলিয়দ দেজ্‌চান্‌ য়েমান পালেবাত্তে অমহদ দোল্‌ জাগা।

গণাণা 32:40

সেনত্তে মোশি মনঃশির বংশধর মাখীরীয়গুনোর্‌ ভাগত্‌ গিলিয়দ চাগালাগান্‌ রাগেল। তারা সিয়েনত্‌ থেলাক।

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।

২ করিন্হীয় 3:18

ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।