পরমগীত 3:6 - Chakma Bible

⁶ ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

পরমগীত 3:6 Iomraidhean Croise

যাত্রা 30:34

সে পরেদি লগেপ্রভু মোশিরে কলঅ‌, “তুই কয়েক্কো তুম্বাজ মজলা, অত্তাৎ গুগ্‌গুলু, নখী, কুন্দুরু আর খাটি লোবান নেযেবে। ইগুন সং সং গুরি মিজেইনে তুম্বাজ ধূপ বানেবে। যিগুনে তুম্বাজ জিনিস বানান্‌ তারারে দিইনে কামান্‌ গুরি নেযেবে। ইয়েনি ভিদিরে নুন্‌অ দিয়্যে পুরিবো; ইয়োত্‌ কনঅ‌ ভেজাল্‌ ন-থেবঅ‌ আর সিয়েনি অবঅ পবিত্র।

গম্ উপদেজ্ 7:17

গন্ধরস, অগুরু আর দারচিনিলোই মঅ বিচ্ছোনান্ তুম্বাজ্ গোজ্যং।

পরমগীত 1:13

মর্ পরাণ্যে মইদু যেন তুম্বাজ রস্ রাগেবার চিগোন্ থৈল্যে যিয়েন মর্ বুগো ভিদিরে থায়।

পরমগীত 1:3

তঅ তেলানর্ তুম্বাজ্‌চানে হুজি রাগায়; ঢালি দিয়্যে তুম্বাজ তেল ধোক্ক্যেন্ তঅ নাঙান্। সেনত্তে দঅ মিলেগুনে তরে কোচ্‌পান।

পরমগীত 3:7

চাহ্, উবোন্ শলোমনর্ পালকী! ষায়েটজন বীর যোদ্ধা আগন্ সে পালকীনর্ চেরোকিত্তেদি; তারা ইস্রায়েলর বেগত্তুন্ খেমতাবলা বীর।

পরমগীত 4:6

যেদক্কন্ সং বেন্যে পহ্‌‌‌র ন-অয় আর আন্ধারান্ ন-যায় সেদক্কন্ মুই তুম্বাজ রস মুড়োবোত্, অয়, আগর্‌বাট্টির্ মুড়োবোত্ থেম্।

পরমগীত 5:13

তা গাল্ দ্বিয়েন যেন তুম্বাজ মজলার্ বিজিতলা, যিয়েনত্তুন্ তুম্বাজ্ নিগিলের্। তা ঠুট্‌‌তুন দ্বিবে যেন তুম্বাজ রসে ঝুরি যেইয়্যে লিলি ফুল।

পরমগীত 5:5

মর্ পরাণ্যেরে দোরান্ খুলি দিবাত্তে মুই উদিলুং, মঅ আঢ্‌তান তুম্বাজ রসে ভিজে এলঅ, মঅ আঙুলুনোর্ তুম্বাজ রসর্ গঙারে দোরানর্ হেন্ডেল্লো ভিজিলো।

পরমগীত 8:5

তার পরাণ্যে উগুরে ভর্ দিইনে ধূল্যেচর-চাগালাত্তুন্ যে এজের্ সিবে কন্না? আপেল গাজ তলে মুই তরে জাগেলুং; তঅ মা সিয়েনত্ পুয়ো পুদেইনে তরে জর্ম দিয়্যে।

যিশাইয় 43:19

চঅ, মুই এক্কান নুয়ো কাম গুরিবাত্তে যাঙর্। সিয়েন ইক্কিনে আরাম্ভ অবঅ আর সিয়েন তুমি হবর্ পেবা। মুই ধূল্যেচর চাগালা ভিদিরে পথ বানেম আর ধূল্যেচরত্ গাঙ বোজেই দিম।

যিরমিয় 31:2

লগেপ্রভু আরঅ কোইয়্যেদে, “ইস্রায়েলীয়গুনে যেক্কে জিরেন্ পেবাত্তে যাদন সেক্কে যিগুনে যুদ্ধোর আঢত্তুন বাচ্চ্যন্ তারা ধূল্যেচর-বামত্ মর্ দোয়্যে পেইয়োন।”

হোশেয় 9:10

লগেপ্রভু কত্তে, “ধূল্যেচর-চাগালাত্ আংগুর ফল পাইদ্যে ধোক্ক্যেন গুরি ইস্রায়েলরে মুই তোগেইনে পেইয়োং; পত্তমবার ফল দিয়্যে ডোমোর্ গাজর্ আগাম ফল ধোক্ক্যেন তমা পুরোণি মানুচ্চুনোরে দেখ্যং। মাত্তর্ তারা বাল-পিয়োর ইধু যেইনে সেই লাজ্ গরেপারা মূত্তিবো ইধু নিজোরে দি দুয়োন্ আর তারার্ কোচ্‌‌পেইয়্যে মূত্তি ধোক্ক্যেন তারা জঘন্য ওই পোজ্যন্।

দ্বি’লম্বর বিররণ 8:2

মনত্‌ গুরি চঅ, তমা গোজেন লগেপ্রভু এ চোল্লিশ্‌সো বজর্‌ কিঙিরিনে ধূল্যেচর-চাগালার্‌ ভিদিরেন্দি গোদা পদ্‌থান্‌ তমারে চালেই আন্যে। তমা বাড়্ গরানাগানি ভাঙি দিবাত্তে আর তমা মনত্‌ কি আঘে, অত্তাৎ তুমি তার্‌ উগুমানি পালেবা নাহি, সিয়েন পোরোক্ষেত্‌ ফেলেইনে চেবাত্তে তে এ কামানি গোজ্যে।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

ফগদাং পেইয়্যে 12:14

সেক্কে সেই মিলেবোরে এক্কো দাঙর্ ঈগলর্ দ্বিয়েন দুয়ো দিয়্যে অলঅ যেন তে ধূল্যেচরত্ তা জাগানত্ উড়িনে যেই পারে। সিধু সেই সাব্‌পোর্ চোগো আন্দলে সাড়ে তিন বজর্ তারে যত্তন্ গরা অবঅ।

ফগদাং পেইয়্যে 12:6

আর সেই মিলেবো ধূল্যেচরত্ ধেই গেলঅ। গোজেনে সেই ধূল্যেচরত্ তাত্যে এক্কান জাগা থিক্ গুরি থোইয়্যে যেন এক আজার দ্বিশঅ ষায়েত দিন তে সিধু যত্তন্ পায়।

ফগদাং পেইয়্যে 18:13

দারচিনি, এলাচ, আগর্‌বাট্টি, আতর আর তুম্বাজ্ রস; আংগুর-রস, জলপাইয়র্ তেল, মোয়দ্যে আর গম; গরু আর ভেড়া, ঘোড়া আর গাড়ী আর কিন্যে চাগর্।

ফগদাং পেইয়্যে 5:8

বোইবো লনার্ পর সেই চের্‌বো জেদা প্রাণী আর চব্বিচ্‌জন নেতা ভেড়া-ছবোর্ মুজুঙোত্ মাঢা নিগুরিলাক্। তারার পত্তিজনর্ আঢত্ এক্কো গুরিনে বীণা আর এক্কো গুরি আগর্‌বাট্টিলোই ভোরেয়্যে সনার কদরা এলঅ। সেই আগর্‌বাট্টিলোই ভোজ্যে কদরাগুন অলঅ গোজেন মানুচ্চুনোর তবনা।