পরমগীত 3:4 - Chakma Bible

⁴ তারারে ফেলেইনে উজেই যাদে মুই মর্ পরাণর্ কোচ্‌পানাগানরে দেগিলুং। তারে ধুরিনে মর্ মাবো ঘরত্ ন-আনানা সং মুই তারে ন-ছাড়িলুং; যিবে মরে পেদত্ রাগেয়্যে মুই তা ঘরত্ তারে আনিলুং। ‌‌‌‌‌‌‌‌‌

পরমগীত 3:4 Iomraidhean Croise

পত্থম 32:26

সেক্কে সে মানুচ্চো কলঅ, “বেন্যে পহ্‌র ওই এজের্, এবেরা মরে ইরি দুয়ো।” যাকোবে কলঅ, “মরে বর্ ন-দেনা সং মুই তরে ন-ছাড়িম।”

গম্ উপদেজ্ 4:13

উপদেজ্‌ছানি মনত্ রাগেচ্, ভুলি ন-যেচ্; সিয়েন রোক্ষ্যে গর্, কিত্তে সিয়েনই তর্ জিংকানি।

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

পরমগীত 1:7

ও মর্ পরাণান্, তুই মরে কঅ, কুদু তঅ ভেড়া পালুন্ তুই চড়া? তঅ ভেড়াগুনোরে দ্বিবুজ্যে কুদু জিরেবাত্তে দুয়োজ্? তঅ সমাজ্যে গরক্কুনোর্ ভেড়া পালুনো ইদু কিত্তে মুই ঘঙদা দিয়্যে বেশ্যে ধোক্ক্যেন্ যেম্?

পরমগীত 6:12

মুই কিজু বুঝিবার্ আগেদি মর্ বাসনাগান্ মরে মঅ জাদর্ রাজাবো রথ্‌‌‌‌তানির এক্কান ভিদিরে বোজেই দিলো।

পরমগীত 7:5

তঅ কিয়্যেগান্ উগুরে তঅ মাঢাবো কর্মিল মুড়োবো ধোক্ক্যেন্; জোক্‌জোক্যে নরম কাবড় ধোক্ক্যেন্ তঅ চুলান্; সেই চুল যুদোবোলোই রাজা বন্দী ওই আঘে। ‌‌‌

পরমগীত 8:2

সালে মুই তরে পথ্ দেগেইনে মঅ মাবো ঘরত্ আনিদুং, আর তুই মরে শিক্ষ্যে দিদে। মুই তরে তুম্বাজ্ মজলা-দিয়্যে আংগুর-রস হেবাত্তে দিদুং, হেবাত্তে দিদুং মর্ ডালিমোর্ মিদে রস।

যিশাইয় 45:19

কনঅ আন্ধার দেজর্ কনঅ জাগাত্তুন্ মুই গুমরত্ কধা ন-কং। যাকোবর বংশবোরে মুই ন-কং, তুমি মিজে মিজে মরে ডাগঅ। মুই লগেপ্রভু ন্যায্য কধা কং; যিয়েন ঠিগ্ সিয়েনই ফগদাং গরং।

যিরমিয় 29:13

যেক্কে তুমি মরে গভীন গুরিনে হবর্ পেবাত্তে আওজি অবা সেক্কে মরে হবর্ পেবা।

আবিলেচ্ 3:25

লগেপ্রভু উগুরে যিগুনে আজা রাগান আর তা উগুরে নির্ভর গরন্ তারারে তে ভালেদি গরে।

মথি লেখ্যে গম্ হবর্ 28:9

এন্ সময়োত্ যীশু আদিক্ক্যেগুরি সেই মিলেগুনো মুজুঙোত্ এইনে কলঅ, “তমার্ ভালেদি ওক্।” সেক্কে সেই মিলেগুনে তাইধু যেইনে তা টেঙত্ ধুরি সালাম্ গুরিনে তারে গোজেনর্ সর্মান দিলাক্।

মথি লেখ্যে গম্ হবর্ 7:7

চঅ, তমারে দিয়্যে অবঅ; তগঅ, পেবা; দোরানত্ বাজ্জ্য, তমাত্তে খুলো অবঅ।

রোমীয় 8:35

সেনত্তে এমন্‌ কি আঘে যিয়েনে খ্রীষ্টর্ কোচ্‌পানাত্তুন্ আমারে দূরোত্ সোরেই দিবো? যন্ত্রণা? মনত্ দুঘ্? অত্যেচার্? পেত্‌ পুরোনা? কাবড়-চুগোড়োর্ অভাব? দযা? মরণ?

রোমীয় 8:39

বা আগাজ উগুরে বা পিত্‌থিমী তলেদি কনঅ কিজু, এন্‌ কি, গোদা সৃট্টিগুনো ভিদিরে কনঅ পৌইদ্যেনে গোজেনর্ কোচ্‌পানাত্তুন্ আমারে দূরোত্ সোরেই দি ন-পারিবো। গোজেনর্ এই কোচ্‌পানা আমা প্রভু যীশু খ্রীষ্ট ভিদিরে আঘে।

গালাতীয় 4:26

মাত্তর্ যে যিরূশালেমান্ স্বর্গর্, তে স্বাধীন; তেয়ই আমার মা।