পরমগীত 3:11 - Chakma Bible

¹¹ ও সিয়োনর্ মিলেগুন্, তুমি নিগিলি এজঅ, চঅ, রাজা শলোমনে মুকুট্ পিনি আঘে; তার্ মেলা-মেইট্‌বান দিনোত্, তা মনর্ হুজি দিনোত্, তার্ মাবো তারে মুকুট্ পিনেই দিয়্যে।

পরমগীত 3:11 Iomraidhean Croise

গীতসংহিতা 48:11

তর্ ন্যায়বিচের্ দেগিনে সিয়োন মুড়োবো হুজি ওক্ আর যিহূদার আদামানিয়ে ফুত্তি গোরোক্।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

পরমগীত 1:5

ও যিরূশালেমর্ মিলেগুন্, মুই কেদর তাম্বুলো ধোক্ক্যেন্ কালা মাত্তর্ শলোমন তাম্বুলো পর্দাগান ধোক্ক্যেন্ দোল্।

পরমগীত 2:7

ও যিরূশালেমর্ মিলেগুন্, মুই চুন্নু উরিং আর মাঢ ভোলি উরিঙুনো নাঙে কোজোলি গুরিনে কঙর্, তুমি কোচ্‌‌‌‌‌‌‌পানাগানরে ন-জাগেয়ো বা উত্তেজিত ন-গোজ্জ্য যেদক্কন্ সং তার যগাজ্যে সময় ন-অয়। ‌‌‌‌‌‌‌

পরমগীত 7:11

মর্ পরাণ্যে, আঢিচ্, আমি মাঢত্ যেই, মেহেদী ঝুবো ভিদিরে যেইনে রেত্তো কাদেই।

পরমগীত 8:5

তার পরাণ্যে উগুরে ভর্ দিইনে ধূল্যেচর-চাগালাত্তুন্ যে এজের্ সিবে কন্না? আপেল গাজ তলে মুই তরে জাগেলুং; তঅ মা সিয়েনত্ পুয়ো পুদেইনে তরে জর্ম দিয়্যে।

যিশাইয় 4:4

প্রভু তা আত্মালোই আগুন্ দিইনে দোল্ বিচের গুরিনে সিয়োন মিলেগুনোর্ কজরাগানি কাজেব আর যিরূশালেমত্তুন্ লো ঝরানার্ দাগ্‌কানি দূর্ গুরি দিবো।

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

যিশাইয় 62:5

এক্কো গাবুজ্যে পুয়ো যেবাবোত্যে গুরি এক্কো গাবুজ্যে মিলেরে লয় সেবাবোত্যেগুরি তঅ মানুচ্চুনে তরে লবাক্; জামেইবো যেবাবোত্যেগুরি বৌবোরে নিইনে ফুত্তি গরে সেবাবোত্যেগুরি তঅ গোজেনেয়ো তরে নিইনে ফুত্তি গুরিবো।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 32:41

মুই হুজি মনে তারারে ভালেদি গুরিম আর মর্ বেক মনান্-পরানান্ দিইনে এ দেজত্ হামাক্কায় তারারে চারা ধোক্ক্যেন লাগেই দিম।

সফনিয় 3:17

তর্ গোজেন লগেপ্রভু তঅ ভিদিরে আঘে, তার রোক্ষ্যে গুরিবার খেমতা আঘে। তে তঅ পৌইদ্যেনে অমকদ হুজি অবঅ, আর তার গভীন্ কোচ্‌‌পানালোই তে অলর্ অবঅ। তে তঅ বেপারানিলোই হুজির-গান গুরিবো।”

সখরিয় 6:11

সে পরেদি তুই সেই সোনা আর রূবোলোই এক্কো মুকুট বানা আর সিবে যিহোষাদকর পুয়ো ধর্মগুরু যিহোশূয়র মাঢাত্ পিনেই দেগোই।

মথি লেখ্যে গম্ হবর্ 12:42

বিচের দিনোত্ দোগিণ দেজর্ রাণী উদিনে এ কালর্ মানুচ্চুনোরে দুষ্ দেগেই দিবো, কিয়া শলোমন রাজার জ্ঞানর্ কধাবাত্তা শুনিবাত্তে তে পিত্‌থিমীর শেজ দুযিত্তুন্ এচ্চ্যে। আর চঅ, ইয়েনত্ শলোমনত্তুন্অ বেশ্ আরঅ দাঙর্ এক্কো আঘে।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

যোহন 15:11

এ বেক্‌ কধানি মুই তমারে কলুং যেন মঅ হুজীগান্ তমা মনত্ থায় আর তমার হুজীগান্ পূরোণ্ অয়।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

কলসীয় 1:18

ইয়েনবাদে তেয়ই তার্ কিয়্যেগানর্, অত্তাৎ মন্ডলীর মাঢাবো। তেয়ই পত্তম্ আর তেয়ই মরণত্তুন্ পৌইল্যা জেদা ওইয়্যে, যেন বেক্কানিত্ তেয়ই আজল্লো ওই পারে।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 19:12

তা চোগ্‌‌কুন জ্বোল্‌‌জোল্যে আগুনো ধোক্ক্যেন আর তা মাঢাবোত্ ভালোক্কুন মুকুট এলাক্। তা কিয়্যেনত্ এন্ এক্কান নাঙ্ লেগা এলঅ, যে নাঙান্ তে নিজে বাদে আর কেঅ কোই ন-পারন্।

ফগদাং পেইয়্যে 19:7

এজঅ, আমি মন হুজিয়ে বেশ্ গুরি ফুত্তি গুরিই আর তার্ বাঈনী গুরিই, কিয়া ভেড়া-ছবোর্ মেলা গুরিবার অক্ত ওইয়্যে আর তার্ বৌবো নিজোরে যুক্কোল্ গোজ্জ্যে।