পরমগীত 2:8 - Chakma Bible

⁸ উই শুন্, মঅ পরাণ্যের্ রবো, উই চাহ্, তে এজের্; তে মুড়ো-মুড়ি উগুরেদি ফাল্যে ফাল্যে এজের্।

পরমগীত 2:8 Iomraidhean Croise

২ শমূয়েল 6:16

লগেপ্রভুর সুন্দুক্কো যেক্কে দায়ূদ-শঅরত্‌ এইনে লুমিলো সেক্কে শৌলর ঝি মীখলে জানালান্দি সিবে চেইয়্যে। লগেপ্রভুর মুজুঙোত্‌ রাজা দায়ূদোরে ফাল্যেদে আর নাজদে দেগিনে তে মনে মনে তারে ইস্ গুরিলো।

পরমগীত 2:17

ও মর্ পরাণ্যে, তুই ফিরি আয়; যেদক্কন্ সং বেন্যে পহ্‌র ন-অয় আর আন্ধারান্ ন-যায় সেদক্কন্ তুই থাক্। অজল্ মুড়োবো উগুরে তুই কৃষ্ণসার ‌ বা উরিঙো ছঅ ধোক্ক্যেন্ অ।

পরমগীত 4:16

উত্তোরেদি বোইয়্যেরান্ জাগি উঠ্, দোগিনে বোইয়্যেরান্ আয়। মঅ বাগানান উগুরেদি বেই যাহ্ যেনে সিয়েনর্ তুম্বাজ্‌ছান ছিদি পড়ে। মর্ পরাণ্যে যেন তা বাগানানত্ এইনে তার গম্ গম্ ফলুন্ খান্।

পরমগীত 5:2

মুই ঘুম্ যেইয়োং, মাত্তর্ মঅ মনান্ জাগন্ এলঅ। উই শুন্, মর্ পরাণ্যে দোরানত্ বারি মারিনে কোইয়্যেদে, “মর্ বৌবো, মর্ পরাণি, মর্ কবো, মর্ খাটি সেই মানুচ্চো, মরে দোরান্ হুলি দে। শিরোপানিলোই মঅ মাঢাবো ভিজি যেইয়্যে, রেদো কুয়ো পানিলোই ভিজি যেইয়্যে মঅ চুলান্।”

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 52:7

যে মানুচ্চো গম্ হবর্ দিবাত্তে এজে, সুগ্-শান্দি ফগদাং গরে, ভালেদির হবর্ আনে, উদ্ধোরান্ ফগদাং গরে আর সিয়োনানরে কয়, তঅ গোজেনে রাজাগিরি গরে, মুড়োমুড়ি উগুরেদি এবার্ অক্তত্ সেই মানুচ্চোর টেঙান কেধোক্ক্যেন দেগায়।

যিরমিয় 48:27

ও মোয়াব, ইস্রায়েলে কি তর্ আজি-ঠাট্টার্ মানুচ্ ন-এলঅ? তে কি চুরুনো ভিদিরে ধরা পোজ্যস্, তুই যেদকবার তা কধা কচ্ সেদকবার ঈচ্ গুরিনে মাঢাবো লাড়াচ্?

লূকে লেখ্যে গম্ হবর্ 6:23

সে সময়োত্ তুমি হুজি ওইয়ো আর হুজিয়ে নাজি উদো, কিয়া স্বর্গত্ তমাত্তে দাঙর্ বক্‌‌শিজ্ আঘে। সেই বেক্ মানুচ্চুনোর পূরোণি মানুচ্চুনে ভাববাদীগুনো উগুরে এবাবোত্যে গুরিদাক্।

যোহন 10:27

মঅ ভেড়াগুন্ মঅ ডাগনি শুনোন্। মুই তারারে হবর্ পাং আর তারা মঅ পিযে পিযে যান্।

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

প্রেরিত্‌ 3:8

তে ফাল্ মারি উদিনে থিয়্যেল আর আঢা মারিলো। পরেদি তে আঢ্‌‌তে আঢ্‌‌তে, ফাল্ মাত্তে মাত্তে আর গোজেনরে বাঈনী গত্তে গত্তে তারা সমারে উবোসনা-ঘরত্ গেলঅ।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।