পরমগীত 2:3 - Chakma Bible

³ ঝারর্ গাজ্‌পালাগুনো ভিদিরে যেধোক্ক্যেন্ আপেল গাজ্, সেধোক্ক্যেন্ গাবুজ্যেগুনো ভিদিরেত্তুন্ মর্ পরাণ্যে। মুই তা ছাবাবোত্ বোইনে গম্ পাং, মঅ মুয়োদি তা ফলুন্ মিদে লাগে।

পরমগীত 2:3 Iomraidhean Croise

গীতসংহিতা 45:2

মানুচ্চুনো ভিদিরে তুই অমকদ দোল্; তর্ দ্বিবে ঠুদোর কধা মধুলোই ভিজেয়্যে; গোজেনর উমরর্ আশিদ্‌‌বাদ্‌‌তান তঅ উগুরে ঝুরি পড়ের্।

গীতসংহিতা 45:3

ও বীর, তঅ কমরত্ লাম্বা ছুড়িগান বানি নেযা; বাঈনী আর মহিমার সাজে তুই সাজি নেযা।

গীতসংহিতা 57:1

মঅ উগুরে দোয়্যে গর্; ও গোজেন, মঅ উগুরে তুই দোয়্যে গর্, কিত্তেই তইদু মুই আশ্রয় নেযেয়োং। তর্ ডুয়োনির ছাবাত্ তলে মুই থেম যেদকদিন সং মঅ উগুরেত্তুন এ দযাগানর ঝড়ান্ সুরি ন-যায়।

গীতসংহিতা 89:6

স্বর্গ ইদু এন্ কন্না আঘে যিবেরে লগেপ্রভুর লগে সং গুরি পারে? স্বর্গদূত্‌তুনো ভিদিরে কন্না লগেপ্রভুর সং সং?

গীতসংহিতা 91:1

দাঙর্ গোজেনর আশ্রয়ত্ যে বজত্তি গরে তে বেগত্তুন্ খেমতাবানর ছাবাত্ থায়।

পরমগীত 1:16

মঅ পরাণ্যে, কি দোল্ তুই! অয়, তুই অমকদ দোল্। আমা বিচ্ছোনান্ পাদালোই ভরা ডেলালোই বানেয়্যে।

পরমগীত 2:5

কিশ্‌মিশ হাবেইনে মরে দরমর গরঅ আর আপেল হাবেইনে মরে তরুনো গুরি তুল্, কিত্তে কোচ্‌‌‌‌পানালোই মুই পাগল ধোক্ক্যেন ওইয়োং। ‌‌‌‌

পরমগীত 4:13

তুই যেন দোল্ এক্কান ডালুমো বাগান; সিয়েনত্ আগেদে গম্ গম্ ফল, মেহেদী আর তুম্বাজ লুদি।

পরমগীত 4:16

উত্তোরেদি বোইয়্যেরান্ জাগি উঠ্, দোগিনে বোইয়্যেরান্ আয়। মঅ বাগানান উগুরেদি বেই যাহ্ যেনে সিয়েনর্ তুম্বাজ্‌ছান ছিদি পড়ে। মর্ পরাণ্যে যেন তা বাগানানত্ এইনে তার গম্ গম্ ফলুন্ খান্।

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

পরমগীত 7:13

দূদাফলুনে তা তুম্বাজ্‌ছান ছিদি দেদন্; তাজা আর পাগানা নানান্ বাবোত্যে গম্ গম্ ফল আমা দোরান কায়-কুরে আগন্। মর্ পরাণ্যে, মুই তত্তেই ইয়েনি রাগেয়োং।

পরমগীত 8:11

বাল্-হামোনত্ শলোমনর্ এক্কান আংগুর খেত্ আঘে; তে সিয়েন্ চেইচিদিয়্যেগুনোর্ আঢত্ দিয়্যে। তা ফলুনোর্ দাম ইজেবে পত্তিজনে বার কেজি রূবো দিয়্যে পরে।

পরমগীত 8:12

মর্ নিজোর আংগুর খেত্ আঘে, যিগুন বানা মুই দি পারং। ও শলোমন, সেই বার কেজি রূবো তরই থোক্, মাত্তর্ আড়ি কেজি থোক্ তারাত্তে যিগুনে ফলুনোর্ দেগাশুনো গত্তন্।

পরমগীত 8:5

তার পরাণ্যে উগুরে ভর্ দিইনে ধূল্যেচর-চাগালাত্তুন্ যে এজের্ সিবে কন্না? আপেল গাজ তলে মুই তরে জাগেলুং; তঅ মা সিয়েনত্ পুয়ো পুদেইনে তরে জর্ম দিয়্যে।

যিশাইয় 25:4

তুই দঅ নাঢা মানুচ্চুনোর ঘর্, অভাবীগুনোর দুঘ্ সময়োত্ ঘর, ঝড়ত্তুন্ রোক্ক্যে পেবার জাগা আর রোদো গরমত্তুন্ রোক্ক্যে পেবার ছাবা। দেবালত্ আঘাত গোজ্যে ঝড় আর ধূল্যেচর গরম ধোক্ক্যেন চিৎনপুজ্যেগুনোর নিজেসত্তুন্ তুই রোক্ক্যে গুরি থাচ্। তুই বিদেশীগুনোর কিজিক্ কাজাক্কানি থামেই দিবে। মেঘ ছাবাগানে যেবাবোত্যেগুরি গরমান কোমেই দে সেবাবোত্যেগুরি তুই চিৎনপুজ্যেগুনোর গানুন্ থামেই দিবে।

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 4:2

সেদিন্যে লগেপ্রভুর চারাগাজ্‌সো দোল্ আর বাঈনী গরেপারা অবঅ আর দেজর্ গুলোগুলিগুন ইস্রায়েলত্ বাঁজি থেইয়্যে মানুচ্চুনোর বাড়্‌বো গরেপারা আর বাঈনীগরেপারা জিনিস অবঅ।‍‍‍‍

যিশাইয় 4:6

ইয়েন দিনো রোদ্‌তানত্তুন্ ছাবা পেবাত্তে এক্কান তাম্বুল্ আর ঝর্ বোইয়্যেরত্তুন্ রোক্ক্যে পেবাত্তে এক্কান আশ্রয়র্ জাগা অবঅ।‍‍‍‍‍‍

যিহিষ্কেল 47:12

গাঙর্ দ্বিপারত্ নানান্ বাবোত্যে গুলোগুলি গাজ্ জোর্মেব। সিগুনোর্ পাদানি শুগেই ন-যেবঅ, গুলোগুলি শেজ্ ন-অবঅ। পত্তি মাসত্ সিগুনোত্ গুলোগুলি ধুরিবো, কিত্যে উবোসনা-ঘরত্তুন্ সিয়েনত্ পানি বেঈ এবঅ। সিগুনোর্ গুলোগুলিগুন্ হেবাত্তে আর পাদানি গম্ অবাত্তে বেবহার গরা অবঅ।”

যোয়েল 1:12

আংগুর লুদি শুগেই যেইয়্যে আর ডোমোর্ গাজ মুরি যার্; ডালোম্, খাজোর্ আর আপেল গাজ, এন্ কি, খেদর্ বেক্ গাজ্‌‌চুন শুগেই যেইয়োন। ঘেচ্চেকগুরি মানুচ্চুনো ভিদিরেত্তুন হুজি রাজি ফুরেই যেইয়্যে।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

বিচের গুরিয়্যেগুন 9:15

সেক্কে কাদাঝুপ্পো তারারে কলঅ, যুনি হামাক্কাই তুমি মরে তমার্‌ রাজা ইজেবে অভিষেক্‌ গুরিবাত্তে চঅ সালে তুমি এইনে মঅ ছাবাত্‌ আশ্রয় নেযগি। সিয়েন যুনি ন-গরঅ সালে যেনে কাদাঝুবোত্তুন আগুন নিগিলি এইনে লেবাননর এরস গাছ্‌‌‌‌চুন পুড়ি দুয়ো।