পরমগীত 1:7 - Chakma Bible

⁷ ও মর্ পরাণান্, তুই মরে কঅ, কুদু তঅ ভেড়া পালুন্ তুই চড়া? তঅ ভেড়াগুনোরে দ্বিবুজ্যে কুদু জিরেবাত্তে দুয়োজ্? তঅ সমাজ্যে গরক্কুনোর্ ভেড়া পালুনো ইদু কিত্তে মুই ঘঙদা দিয়্যে বেশ্যে ধোক্ক্যেন্ যেম্?

পরমগীত 1:7 Iomraidhean Croise

পত্থম 37:16

যোষেফে কলঅ, “মুই মঅ ভেইয়ুনোরে তগাঙর্। তুই কি হবর্ পাচ্‌ তারা কুদু ছাগল আর ভেড়া ঝাক্ চরাদন্‌?”

গীতসংহিতা 116:1

মুই লগেপ্রভুরে কোচ্‌পাং, কিত্তে তে মর্ কোজোলীগান শুন্যে।

গীতসংহিতা 18:1

ও লগেপ্রভু, তুয়ই মর্ বল্, মুই তরে কোচপাং।

গীতসংহিতা 28:1

ও লগেপ্রভু, মর্ আশ্রয়-মুড়োবো, মুই তরে ডাগঙর্। তুই মঅ কধালোই কানান্ ঢাগি ন-থেচ্, কিত্যে তুই যুনি জুরো গুরি থাচ্ মাত্তর্ যিগুনে মরণর জাগাত্ লামি যেইয়োন্ তারা ধোক্ক্যেন মর্ দজা অবঅ।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

পরমগীত 2:16

মঅ পরাণ্যে মত্তে আর মুই তার্; তে লিলি ফুলোর্ ঝারত্ বেড়ায়।

পরমগীত 2:3

ঝারর্ গাজ্‌পালাগুনো ভিদিরে যেধোক্ক্যেন্ আপেল গাজ্, সেধোক্ক্যেন্ গাবুজ্যেগুনো ভিদিরেত্তুন্ মর্ পরাণ্যে। মুই তা ছাবাবোত্ বোইনে গম্ পাং, মঅ মুয়োদি তা ফলুন্ মিদে লাগে।

পরমগীত 5:10

মঅ পরাণ্যের্ চেঙারাগান্ জোল্‌‌জোল্যে, রাঙোস্যে তা কিয়্যে রঙান্; দশ হা্জার জন ভিদিরে তে জদবদে একজন।

পরমগীত 5:16

তা মুয়োন্ অমকদ মিদে, তার্ বেক্কানি দোল্। ও যিরূশালেমর্ মিলেগুন্, তেয়ই মর্ কোচ্‌‌‌‌‌পানা, মঅ সমাজ্যে।

পরমগীত 5:8

ও যিরূশালের্ মিলেগুন্, মুই তমারে কোজোলি গরঙর্, যুনি তুমি মঅ পরাণ্যেরে দেগঅ সালে তারে কোই দুয়ো, মুই প্রেমত্ পোজ্যং।

পরমগীত 6:2

মর্ পরাণ্যে তা বাগানত্ যেইয়্যে তুম্বাজ্ মজলার্ বিজিতলাত্; হেই হেই বেড়েবাত্তে যেইয়্যে আর লিলি ফুল তুলিবাত্তে।

পরমগীত 6:3

মুই মর্ পরাণ্যের্ আর তে মত্তে, তে লিলি ফুলো ঝারত্ চরে।

পরমগীত 8:13

তুই দঅ বাগানে বাগানে থাচ্; তঅ সমাজ্যেগুনে তঅ রবো শুনোন্, মরেয়ো সিবে শুনিবাত্তে দে।

যিশাইয় 13:20

সিয়েন ভিদিরে আর কনদিন্‌অ থেবার্ জাগা ন-অবঅ বা বংশর পর বংশ ধুরিনে কনজনে সিয়েনত্ বজত্তি ন-গুরিবাক্। কনঅ আরবীয় সিয়েনত্ তাম্বুল্ ন-ফেলেবাক্, কনঅ গরগে সিয়েনত্ তা এ্যামানুনোরে জিরেবাত্তে ন-দিবাক্।

যিশাইয় 26:9

রেদোত্ মঅ পরাণানে তত্তেই কানের্; মঅ আত্মাগানে তত্তেই ওলোমোত্য অয়। পিত্‌‌থিমীত তর্ ন্যায়বিচেরান্ এলে পরেদি সংসার মানুচ্চুনে গম্ শিক্ষ্যে পেবাক্।

যিশাইয় 40:11

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

যিশাইয় 5:1

মুই যিবেরে কোচ্‌পাং তা নাঙে মুই এক্কো গান গেম্, গান গেম্ তা আংগুর খেদ পৌইদ্যেনে। মুড়োবোত্ এক্কান বোল্-বোল্যে জাগাত্ এলদে মর্ পরাণ্যের্ এক্কান আংগুর খেত।

যিরমিয় 33:12

এই ফেলাযেইয়্যে ভূইয়ানি, যিয়েনত্ মানুচ্ আর য়েমান কিচ্চু নেই, সিয়েনত্ আর সিদুগোর্ বেক শঅরানিত্ আর আদামানিত্ আরঅ গরগ্‌‍‍‍কুনোর ভেড়াগুনোত্তে চোরেয়্যে ভূই অবঅ।‍‍

মীখা 5:4

সেই শাজন্‌গুরিয়্যেবো এইনে লগেপ্রভুর বল্লোই, তার গোজেন লগেপ্রভুর মহিমায় গরগ ধোক্ক্যেন তা মানুচ্চুনোরে চালেব। তারা গমেডালে বজত্তি গুরিবাক্, কিত্যে তে যে দাঙর্ সে কধাগান সেক্কে জগদর্ শেজ্ দুযি সং বেক্কুনে স্বিগের্ গুরিবাক্;

মথি লেখ্যে গম্ হবর্ 10:37

যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

যোহন 10:11

মুয়ই আজল্ ভেড়া গরক্। আজল্ ভেড়া গরক্কো তা ভেড়াগুনোত্তে নিজো পরাণান্ দে।

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

১ পিতর 2:7

ইয়েনত্যে তুমি বিশ্বেজ্ গোজ্জ্য বিলিনে তমা ইধু সেই পাত্তর্‌বো ভারী মংগা; মাত্তর্ যিগুনে বিশ্বেজ্ ন-গরন্ তারাত্যে পবিত্র বোইবোর্ এ কধাগান খাদে, রাজমিস্ত্রিগুনে যে পাত্তর্‌বো বাদ্ দি দুয়োন, সিবেই বেক্কুনোত্তুন্ দরকারী পাত্তর্ ওই উদিলো।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”

রূত 2:21

মোয়াবীয় রূতে কলঅ, “তে মরে আরঅ কোইয়্যেদে, তার বেক্‌ ফসলানি কাবানা থুম্ ন-অনা সং মুই যেনে তা মানুচ্চুনো সমারে থাং।”