পরমগীত 1:3 - Chakma Bible

³ তঅ তেলানর্ তুম্বাজ্‌চানে হুজি রাগায়; ঢালি দিয়্যে তুম্বাজ তেল ধোক্ক্যেন্ তঅ নাঙান্। সেনত্তে দঅ মিলেগুনে তরে কোচ্‌পান।

পরমগীত 1:3 Iomraidhean Croise

গীতসংহিতা 133:2

সিয়েন যেন মাঢাত্ ঢালি দিয়্যে মংগা তেল্ যিয়েন ঝুরি পুরিনে হারোণর দাড়িনি বেই যেইনে, বেই পোজ্যেগোই তা সিলুম কলার উগুরে।

গীতসংহিতা 45:14

আড়ুক্ তুল্যে পজাক্কোই তারে রাজার ইদু নেযা অবঅ; তা পিজেন্দি থেইয়্যে গাবুজ্যে সমাজ্যেগুনোরেয়ো তইদু নেযা অবঅ।

যাত্রা 33:12

পরেদি মোশি লগেপ্রভুরে কলঅ, “তুই মরে এই মানুচ্চুনোরে নেযেবাত্তে কোইয়োচ্‌, মাত্তর্‌ মর্‌ লগে কারে পাধেবে সিয়েন্‌ দঅ ন-কচ্‌। তুই কোয়োচ্চে তুই মরে তর্‌ নিজোর্‌ বিলিনেই জানচ্‌ আর মঅ‌ উগুরে তর্‌ দোয়্যে আঘে।”

যাত্রা 33:19

লগেপ্রভু কলঅ‌, “মুই মর্‌ বেক্‌ আওজ্‌‌চানি তঅ মুজুঙোত্‌ তুলি ধুরিম। তর্‌ মুজুঙোত্‌ মুই মর্‌ ‘লগেপ্রভু’ নাঙান্‌ ফগদাঙ্‌ গুরিম্‌। মর্‌ যিবে গম্‌‌ লাগে তারে দোয়্যে গুরিম্‌, যিবেরে গম্‌‌ লাগে তারে মেয়্যে গুরিম্‌।

গম্ উপদেজ্ 27:9

তুম্বাজ্ তেল আর আগর্‌বাট্টি্‌‌বো মনানরে হুজি রাগায়; ঠিগ্ সেধোক্ক্যেন সমাজ্যের্ দিয়্যে উবদেজ্ সমাজ্যে ইদু মিদে লাগে।

উপদেশক 7:1

গম্ তুম্বাজত্তুন্ সুনাঙ্ পানা গম্, জর্ম দিনোত্তুন্ মরনর্ দিন্নো গম্।

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

পরমগীত 4:10

মর্ পরাণি, মর্ বৌবো, তঅ কোচ্‌পানাগানে কত্তমান্ হুজি গরায়! আংগুর-রসত্তুন্ বেশ্ তঅ কোচ্‌পানাগান্, আর বেক্ মজলাগানিত্তুন্ তঅ তুম্বাজ্‌ছানর্ দোল্ তুম্বাজ্ আরঅ কত্তমান্ বেশ্ গম্!

পরমগীত 5:13

তা গাল্ দ্বিয়েন যেন তুম্বাজ মজলার্ বিজিতলা, যিয়েনত্তুন্ তুম্বাজ্ নিগিলের্। তা ঠুট্‌‌তুন দ্বিবে যেন তুম্বাজ রসে ঝুরি যেইয়্যে লিলি ফুল।

পরমগীত 5:5

মর্ পরাণ্যেরে দোরান্ খুলি দিবাত্তে মুই উদিলুং, মঅ আঢ্‌তান তুম্বাজ রসে ভিজে এলঅ, মঅ আঙুলুনোর্ তুম্বাজ রসর্ গঙারে দোরানর্ হেন্ডেল্লো ভিজিলো।

পরমগীত 6:8

ষায়েটজন রাণী, আশিজন লাঙনি আর ভালোক্কুন্ গাবুজ্যে মিলে থেই পারন্,

যিশাইয় 61:3

যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

মথি লেখ্যে গম্ হবর্ 25:1

সেই সময়োত্ স্বর্গ-রেজ্যগান্ এন্ দশজন মিলে ধোক্ক্যেন্ অবঅ যিগুনে সমাজ্যে জামেইবোরে আগ্-বারেই আনিবাত্তে চেরাগ্‌কোই বারেদি গেলাক্।

যোহন 12:3

এমন সময়োত্ মরিয়মে কমেদি তিনশত্ গ্রাম অমকদ মংগা, খাটি তুম্‌বাচ্‌ তেলান্ আনিলো আর যীশুর্ টেঙত্ ঢালি দিইনে নিজো চুল্‌লোই তা টেঙানি পুযি দিলো। সেই আতর তুম্‌বাচে গোদা ঘরানি ভুরি গেল।

২ করিন্হীয় 11:2

মুই তমাত্যে মঅ মনত্ গোজেনর্ দিয়্যে এক গভিন্ জ্বালায় জ্বলঙর্, কিয়া মুই বানা এক্কো জামেইয় সমারে, অত্তাৎ খ্রীষ্ট সমারে তমার্ মেলা পৌইদ্যেনে ঠিগ্ গুরি রাগেয়োং, যেন সতী মোগ্ ইজেবে তাইধু তমারে তুলি দি পারং।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।