রূত 4:4 - Chakma Bible

⁴ সেনত্তেই মুই চিন্তে গুরিলুং বেপারান তরে কনা দরকার্। ইয়েনত্‌ এচ্চ্যে মানুচ্চুনো মুজুঙোত্ আর মর্‌ কুদুম্মোর্ বুড়ো মুরুব্বীগুনো মুজুঙোত্‌ তুয়ই সিয়েন কিনি লঅ। তুই যুনি ভূইয়ান ছাড়েইনে নিবাত্তে চাজ্‌ সালে নেযা। মাত্তর্‌ তুই যুনি সিয়েন ন-চাজ্‌ সালে মরে কঅ, কিত্যেই সিয়েন ছাড়েই নেযেবার অধিকার পত্তমে তর্‌, আর তর্‌ পরেন্দি মর্‌।” সেক্কে সেই কুদুম্মোবো কলঅ, “ঠিগ্ আঘে, মুয়ই সিয়েন ছাড়েই নেযেম।”

রূত 4:4 Iomraidhean Croise

যিরমিয় 32:25

মাত্তর্ ও প্রভু লগেপ্রভু, যুনিয়ো শঅরান বাবিলীয়গুনো আঢত্ যেবঅ তো তুই মরে কোইয়োচ্, মুই যেন রূবোলোই ভূইয়ান কিনোং আর সে কামর্ সাক্ষী রাগাং।’ ”

রোমীয় 12:17

ভান্ন্যেয়র্ বদলে কাররে ভান্ন্যেই ন-গোজ্জ্য। বেক্‌ মানুচ্চুনোর চোগোত্ যিয়েন্ গম্ সে পৌইদ্যেনে মনযোগ্ দুয়ো।

২ করিন্হীয় 8:21

আমি বানা প্রভুর্ মুজুঙোত্ নয়, মাত্তর্ মান্‌জ্য মুজুঙোত্অ গমেডালে চলানা ইন্দি মনযোগ্ দিই।

দ্বি’লম্বর বিররণ 25:8

সেক্কে সিদুগোর্ বুড়ো নেতাগুনে সেই মানুচ্চোরে ডাগিনে বুঝেবাক। ইয়েনর পরেন্দিয়ো যুনি তে কবাত্তে চায়দে, তে তারে লবাত্তে রাজী নয়,

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

রূত 2:20

এই কধাগান শুনিনে নয়মী তার পূদঅবোবোরে কলঅ, “লগেপ্রভু, যিবে জেদা বা মরা কারঅ উগুরে অবিশ্বেজী ন-অয় তে তারে বর্ দুয়োক্।” তে আরঅ কলঅ, “উই মানুচ্চো আমার সদর্‌ কুদুম্মো। যে কুদুম্মোগুনো উগুরে মঅ নেক্কোর বেক্কানি ছাড়ি নেযেবার আর রোক্ষ্যে গুরিবার কাম ভারান্ রোইয়্যে তে তারা ভিদিরে এক্কো।”

রূত 3:12

মুই তর্‌ কাম ভারান লোইয়্যে কুদুম্মোগুনোর একজন ঠিগ্, মাত্তর্‌ মত্তুন্‌ বেশ্‌ সদর্‌ কুদুম্মো আর একজন আঘে।

রূত 3:9

তে তারে পুজোর গুরিলো, “কন্না তুই?” রূতে কলঅ, “মুই তর্‌ চাগরানি রূত। তুই তঅ কাবড় তলে তর্‌ এই চাগরানিবোরে আশ্রয় দে, কিত্যে তুই মর্‌ কাম ভারান্ লোইয়্যে কুদুম্মোগুনো ভিদিরেত্তুন এক্কো।”