রূত 4:15 - Chakma Bible

¹⁵ পূঅবো যেনে তরে পোত্‌পোত্যে গুরি তুলে আর তর্‌ বুড়ো বয়জত্‌ তর্‌ দেগাশুনো গরে, কিত্যে তর্‌ পূদবোবো, যে তরে কোচ্‌পায় আর যে তইদু সাত্তো পূঅত্তুনঅ বেশ্‌, তা পেদত্‌ পূঅবোর জর্ম ওইয়্যে।”

রূত 4:15 Iomraidhean Croise

পত্থম 45:11

তমার্‌, তমা পরিবারর্‌ আর বেক্কুনোর্‌ যেনে কনঅ অভাব ন-অয়্‌ সেনত্তে মুই সিয়োদোই তমাত্তে হেবার-উরিবার বেবস্থা গুরিম, কিত্তে ভাদ-রাদ্ শেজ্ অদে এজঅ পাঁজ্ বজর্‌ বাগী আঘে।

পত্থম 47:12

যোষেফে তা বাবরে, ভেইয়ুন্‌ আর তারা পরিবারুনোরে হানার্‌ জিনিস্‌ যুগেই দিয়া ধুরিলো। পুয়ো-ঝিগুনোরে গুণিনে সিয়েনি দিয়্যে অদঅ।

গীতসংহিতা 55:22

তর্ বেক্ কামানি তুই লগেপ্রভুর উগুরে ফেলেই দে, তেয়ই তর্ বেবস্থা গুরিবো; তা ভক্তগুনোরে তে কনদিন্‌অ তলে পরিবাত্তে ন দিবো।

গম্ উপদেজ্ 18:24

যিবের সমাজ্যে বেশ্ তার দজা ঘুদি যেই পারে, মাত্তর্ এমন্ সমাজ্যে আগন যে ভেইয়োত্তুন্‌অ বেশ্ বিশ্বেজি।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

রূত 4:16

সেক্কে নয়মী পূঅবোরে করত্‌ নেযেল আর সিবের্ দেগাশুনো গরা ধুরিলো।

১ শমূয়েল 1:8

এ অবস্থা দেগিনে তা নেক্কো ইল্‌কানা তারে কদঅ, “হান্না, তুই কিত্তে কানর্‌? কিত্তে কিচ্ছু ন-খর্‌? কিত্তে তর্‌ এদক দুঃখো? মুই কি তইদু দোচ্‌ছুয়ো পূঅত্তুনঅ বেশ্‌ ন-ওম্?”

১ শমূয়েল 2:5

যিগুনোর পেট্‌তুন ভরা এলাক্ তারা খানাত্যে ইক্কিনে অন্যগুনোর্ কাম্‌ গত্তন; মাত্তর্‌ যিগুনোর পেট্‌ পুরের্‌ তারার পেট্‌ পুরোনা কাদে যেয়েগোই। যে ভাজ্‌ এলঅ তে সাত্তো পূঅর মা ওইয়্যে, মাত্তর্‌ যিবের ভালোক্কুন পূঅ তে ইক্কিনে বল্‌পোজ্যে, ঝি-পূঅর জর্ম দি ন-পারে।