রূত 3:13 - Chakma Bible

¹³ তুই এচ্চ্যে রেদোত্‌ ইয়োদোই থাক্‌। কেল্যে বেন্যে যুনি তে তর্‌ কাম ভারান নেযাদে রাজী অয় সালে গম্‌; তেয়ই সিয়েন গোরোক্। মাত্তর্‌ যুনি তে রাজী ন-অয় সালে মুই জেদা লগেপ্রভুর শমক্‌ গুরিনে কঙর্‌, মুই তর্‌ কাম ভারান্ লোম। বেন্যেমাদান্ ন-অনা সং তুই ইয়োদোই পড়ি থাক্।”

রূত 3:13 Iomraidhean Croise

যিরমিয় 12:16

যুনিয়ো তারা একদিন মঅ মানুচ্চুনোরে বাল দেবেদার নাঙে শমক্ গুরিবাত্তে শিগেয়োন তো যুনি তারা মঅ মানুচ্চুনোর পধেদি আঢন্ আর ‘জেদা লগেপ্রভুর নাঙে’ বিলি মঅ নাঙে শমক্ গরন, সালে তারা মঅ মানুচ্চুনো ভিদিরেত্তুন বর্ পেবাক্।

যিরমিয় 4:2

যুনি তুই সত্যলোই, ন্যায়লোই আর সততালোই ‘জেদা লগেপ্রভুর নাঙে’ শমক্ খাচ্, সালে মুই অন্য জাদ্‌তুনোরে বর্ দিম্ আর তারা মরে নিইনে বাঈনী গুরিবাক্।”‌‍‌

২ করিন্হীয় 1:23

মঅ জিংকানিগানর্ নাঙে শমক্ হেইনে মুই গোজেনরে সাক্ষী রাগেইনে কঙর্, সাজাত্তুন্ তমারে রেহাই দিবাত্যে মুই করিন্থ শঅরত্ ফিরি ন-যাং।

ইব্রীয় 6:16

নিজোত্তুন যিবে দাঙর্ তা নাঙেই মান্‌জ্যে শমক্ খান। সেক্কে সেই শমক্‌কানে এই নিচ্চয়তাগান দান গরেদে, যিয়েন কুয়ো ওইয়্যে সিয়েন সত্য, আর ইয়েনত্ বেক্‌ ঝাগুলুক্কানি থামায়।

বিচের গুরিয়্যেগুন 8:19

গিদিয়োনে কলঅ, “তারা অলাক্‌ মঅ ভেই, মঅ মাবোর্‌ পেদর ভেই। জেদা লগেপ্রভুর এগেম্, তুমি যুনি তারারে বাজেই রাগেদা সালে মুই তমারে মারে ন-ফেলেদুং।”

রূত 2:20

এই কধাগান শুনিনে নয়মী তার পূদঅবোবোরে কলঅ, “লগেপ্রভু, যিবে জেদা বা মরা কারঅ উগুরে অবিশ্বেজী ন-অয় তে তারে বর্ দুয়োক্।” তে আরঅ কলঅ, “উই মানুচ্চো আমার সদর্‌ কুদুম্মো। যে কুদুম্মোগুনো উগুরে মঅ নেক্কোর বেক্কানি ছাড়ি নেযেবার আর রোক্ষ্যে গুরিবার কাম ভারান্ রোইয়্যে তে তারা ভিদিরে এক্কো।”

রূত 3:12

মুই তর্‌ কাম ভারান লোইয়্যে কুদুম্মোগুনোর একজন ঠিগ্, মাত্তর্‌ মত্তুন্‌ বেশ্‌ সদর্‌ কুদুম্মো আর একজন আঘে।

রূত 4:5

সেক্কে বোয়সে কলঅ, “তুই যেদিন্যে সেই ভূইয়ান নয়মী ইত্তুন কিনিবে সেদিন্যে মরা মানুচ্চোর্ সোম্বোত্তিগান সমারে তা নাঙান্‌ রোক্ষ্যে গুরিবাত্তে মোয়াবীয় রানিমিলে রূতরেয়ো তত্তুন গুঝি লঅ‌ পুরিবো।”

রূত 4:6

এই কধাগান শুনিনে সেই কুদুম্মোবো কলঅ, “মুই সিয়েন গুরি ন-পারিম, কিত্যে মর্‌ নিজোর সোম্বোত্তিলোই সেক্কে মুই দযাত্ পুরিম। মুই যেক্কে সিয়েন ছাড়ি নেযেই ন-পারঙর্‌ সেক্কে তুয়ই নেযা।”