রূত 3:12 - Chakma Bible

¹² মুই তর্‌ কাম ভারান লোইয়্যে কুদুম্মোগুনোর একজন ঠিগ্, মাত্তর্‌ মত্তুন্‌ বেশ্‌ সদর্‌ কুদুম্মো আর একজন আঘে।

রূত 3:12 Iomraidhean Croise

মথি লেখ্যে গম্ হবর্ 7:12

তুমি অন্য মানুচ্চুনোত্তুন্ যেবাবোত্যে বেবহার পেবাত্তে চঅ তুমিয়ো তারা লগে সেবাবোত্যে বেবহার গরঅ। ইয়েনই অলঅ মোশির সুদোম আর ভাববাদীগুনোর শিক্ষ্যের্ আজল্ কধা।

১ থিষলনীকীয় 4:6

এ পৌইদ্যেনে অন্যেয় গুরিনে কেঅ যেন কনঅ ভেইয়োরে ন-থগান্। আমি আগে তমারে কোইয়্যেই আর উজিয়ার্ গুরি দিয়্যেই, এ বেক্‌ অন্যেয়ানিত্যে প্রভুই সাজা দিবো,

রূত 2:20

এই কধাগান শুনিনে নয়মী তার পূদঅবোবোরে কলঅ, “লগেপ্রভু, যিবে জেদা বা মরা কারঅ উগুরে অবিশ্বেজী ন-অয় তে তারে বর্ দুয়োক্।” তে আরঅ কলঅ, “উই মানুচ্চো আমার সদর্‌ কুদুম্মো। যে কুদুম্মোগুনো উগুরে মঅ নেক্কোর বেক্কানি ছাড়ি নেযেবার আর রোক্ষ্যে গুরিবার কাম ভারান্ রোইয়্যে তে তারা ভিদিরে এক্কো।”

রূত 3:11

তুই ন-দোরেচ্‌, তুই যিয়েন চেবে মুই তত্তে সিয়েনই গুরিম। মঅ আদামত্‌ বেক্কুনে খবর পান, তুই এক্কো গম্ মিলে।

রূত 3:13

তুই এচ্চ্যে রেদোত্‌ ইয়োদোই থাক্‌। কেল্যে বেন্যে যুনি তে তর্‌ কাম ভারান নেযাদে রাজী অয় সালে গম্‌; তেয়ই সিয়েন গোরোক্। মাত্তর্‌ যুনি তে রাজী ন-অয় সালে মুই জেদা লগেপ্রভুর শমক্‌ গুরিনে কঙর্‌, মুই তর্‌ কাম ভারান্ লোম। বেন্যেমাদান্ ন-অনা সং তুই ইয়োদোই পড়ি থাক্।”

রূত 4:1

বোয়সে আদামর্ গেদোত্‌ যেইনে বুঝিলো। কাম ভারান্ লোইয়্যে যে কুদুম্মোবোর কধা বোয়সে কোইয়্যে তে সেক্কে সে পদেন্দি যার্‌। বোয়সে তারে ডাগিনে কলঅ, “ও ভেই, ইদু এইনে এক্কা বচ্ছি।” মানুচ্চো সেক্কে সিয়েনত্‌ যেইনে বজিলো।

রূত 4:4

সেনত্তেই মুই চিন্তে গুরিলুং বেপারান তরে কনা দরকার্। ইয়েনত্‌ এচ্চ্যে মানুচ্চুনো মুজুঙোত্ আর মর্‌ কুদুম্মোর্ বুড়ো মুরুব্বীগুনো মুজুঙোত্‌ তুয়ই সিয়েন কিনি লঅ। তুই যুনি ভূইয়ান ছাড়েইনে নিবাত্তে চাজ্‌ সালে নেযা। মাত্তর্‌ তুই যুনি সিয়েন ন-চাজ্‌ সালে মরে কঅ, কিত্যেই সিয়েন ছাড়েই নেযেবার অধিকার পত্তমে তর্‌, আর তর্‌ পরেন্দি মর্‌।” সেক্কে সেই কুদুম্মোবো কলঅ, “ঠিগ্ আঘে, মুয়ই সিয়েন ছাড়েই নেযেম।”