রূত 2:9 - Chakma Bible

⁹ ভূইয়োর কন্‌জাগানত্‌ মানুচ্চুনে ফসল কাবদন্‌ সিয়েনি উজ্‌ রাগেইনে তুই কামর্‌ মিলেগুনোর পিজে পিজে সিদু যেচ্‌। মুই মানুচ্চুনোরে কোই দুয়োং যেনে তারা তরে তোচ্যে ন-লাগান্‌। মঅ‌ মানুচ্চুনে যে পানিগান তুল্যন্‌, পানিতিরেস্ পেলে তুই সিয়োত্তুন পানি খেচ্‌।”

রূত 2:9 Iomraidhean Croise

পত্থম 20:6

গোজেনে স্ববনত্ তারে কলঅ, “অয়, মুই হবর্ পাং তুই সরল মনে এ কামান গোজ্যস্। মুই তরে সেনত্তে তা কিয়্যেনত্‌ বাঁজিবাত্তে ন-দুয়োং আর মঅ বিরুদ্ধে পাপ কামত্তুন্‌ তরে দোঙেই রাগেয়োং।

ইয়োব 19:21

ও মঅ সমাজ্যেগুন, মর্‌ পিরেগান্দোই পিরে পঅ, কিয়া গোজেনর আঢ্‌তানে মরে আঘাত্‌ গোজ্যে।

গীতসংহিতা 105:15

কদঅ, “মর্ অভিষেগ্ গোজ্যে মানুচ্চুনোরে ন-ধুরিবা; মঅ ভাববাদিগুনোরে কনঅ খেতি ন-গুরিবা।”

গম্ উপদেজ্ 6:29

যে মানুচ্চো অন্য মোগো ইদু যায় তা দজাগান্ এবাবোত্যে অয়; যে সেই মিলেবোরে ধরে তাত্তুন্ সাজা পাহ্ পড়িবো।

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

১ করিন্হীয় 7:1

তুমি মরে যেদক্কানি পৌইদ্যেনে লেক্ক্য এবার্ সিয়েনির্ জোব্ দোঙর্। যুনি কেঅ মোক্ ন-লয় সালে তে গম্ কাম্ গরে;

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।

রূত 2:10

এ কধাগান শুনিনে রূতে মাদিত্‌ মাদা নিগিরিনেই তারে সালাম্‌ গুরিনে কলঅ‌, “তুই মেইয়্যে গুরিনে মঅ‌ উগুরে এদক্‌ মনান্‌ দুয়োচ্‌, ইয়েন্‌ কেধোক্ক্যেন্‌ গুরিনে অলঅ? মুই দঅ‌ এক্কো বিদেশী মিলে।”

রূত 2:8

সেক্কে বোয়সে রূতরে কলঅ‌, “এইয়্যে মা, শুন্‌। তুই এ ক্ষেদ্‌তান্‌ ছাড়িনে অন্য কনঅ‌ ক্ষেদত্‌ ধান শীজেগুন কুড়েবাত্তে ন-যেইনে মঅ‌ কামর্‌ মিলেগুনো সমারে ইদু থেইচ্‌।