রূত 2:8 - Chakma Bible

⁸ সেক্কে বোয়সে রূতরে কলঅ‌, “এইয়্যে মা, শুন্‌। তুই এ ক্ষেদ্‌তান্‌ ছাড়িনে অন্য কনঅ‌ ক্ষেদত্‌ ধান শীজেগুন কুড়েবাত্তে ন-যেইনে মঅ‌ কামর্‌ মিলেগুনো সমারে ইদু থেইচ্‌।

রূত 2:8 Iomraidhean Croise

২ রাজাবলী 5:13

নামানর চাগরুনে সেক্কে তাইদু যেইনে কলাক্‌, “বাবু, সে ভাববাদীবো যুনি তরে কনঅ গম কাম গুরিবাত্তে কদঅ সালে কি তুই সিয়েন্‌ ন-গুরিদে? মাত্তর্‌ তে যেক্কে তরে গাদিনে সিজি অবাত্তে কোইয়্যে সিয়েন্‌ কি তর্‌ আরঅ গমেডালে গরানা উজিত্‌ নয়?”

লেবীয় 19:9

ফসল কাবিবার্‌ অক্তত্‌ তুমি ক্ষেদর্‌ কাজাকুরেদি ফসলানি ন-কাবিবা আর ক্ষেদত্‌ যিয়েনি থেবঅ সিয়েনিয়ো ন-কুড়েবা।

মথি লেখ্যে গম্ হবর্ 9:2

মানুচ্চুনে সেক্কে বিচ্ছোনত্ পড়ি থেইয়্যে এক্কো বেসৎ-পীড়েল্যেরে তাইধু আনিলাক্। সে মানুচ্চুনোর বিশ্বেজ্ দেগিনে যীশু সেই পীড়েল্যেবোরে কলঅ, “সাহচ গর্, ও গাবুজ্যে, তঅ পাপ্‌পান খেমা গরা অলঅ।”

মথি লেখ্যে গম্ হবর্ 9:22

যীশু ফিরিনে তারে দেগিনে কলঅ, “সাহস গর্, মা! তুই বিশ্বেজ্ গোজ্যস্ বিলি গম্ ওইয়োচ্।” সেই সময়ত্তুন্ ধুরি মিলেবো গম্ অলঅ।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

রূত 2:7

মিলেবো কোইয়্যেদে, যিগুনে ফসল কাবদন্‌ তারার্‌ পিজে পিজে বনাগুনোর্ সেরে সেরে পড়ি থেইয়্যে শীজেগুন যেনে তারে মেইয়্যে গুরি কুড়েই নিবাত্তে দিয়্যে অয়। এধোক্ক্যেন গুরিনে তে বেন্যেত্তুন্‌ ধুরি এদক্ষণ সং ইদু আঘে; বানা হানক্ষণ তে ছালত্‌ তলে জিরেইয়্যে।”

রূত 2:9

ভূইয়োর কন্‌জাগানত্‌ মানুচ্চুনে ফসল কাবদন্‌ সিয়েনি উজ্‌ রাগেইনে তুই কামর্‌ মিলেগুনোর পিজে পিজে সিদু যেচ্‌। মুই মানুচ্চুনোরে কোই দুয়োং যেনে তারা তরে তোচ্যে ন-লাগান্‌। মঅ‌ মানুচ্চুনে যে পানিগান তুল্যন্‌, পানিতিরেস্ পেলে তুই সিয়োত্তুন পানি খেচ্‌।”

১ শমূয়েল 3:16

সেক্কে এলি তারে কলঅ, “বাবা শমূয়েল।” শমূয়েলে জোব্ দিলো, “এইয়্যে দঅ মুই।”

১ শমূয়েল 3:6

লগেপ্রভু আরঅ শমূয়েলরে ডাগিলো সেক্কে শমূয়েলে উদিনে এলি ইদু যেইনে কলঅ, “এইয়্যে দঅ মুই; তুই কি মরে ডাক্কোচ্‌?” এলি কলদে, “না বাবা, মুই তরে ন-ডাগং। তুই যেইনে ঘুমোত্‌ পড়।”