রূত 2:4 - Chakma Bible

⁴ এমন্‌ সময়োত্‌ বোয়সে বৈৎলেহমত্তুন এলঅ‌ আর যিগুনে ফসল কাবদন্‌ তারারে কলদে, “লগেপ্রভু তমা লগে থোগ্‌।” তারায়ো ফিরিনে তারে কলাক্‌, “লগেপ্রভু তরে বর্‌ দোক্‌।”

রূত 2:4 Iomraidhean Croise

পত্থম 18:19

মুই লগেপ্রভু এ আশালোই তারে বেঈ নেযেয়োং যেনে তে তার পুয়ো আর ঘরর্‌ অন্য বেক্কুনোরে গম্‌ আহ্ দোল্ কাম্‌ গুরিনে মর্‌ আওজ্ মজিম মানি চুলিবার্‌ উবদেজ্ দে। যুদি তারা অব্রাহাম কধা শুনিনে সেধোক্ক্যেন গুরি চলন্‌, সালে মুই লগেপ্রভু অব্রাহাম পৌইদ্যেনে যিয়েনি কোইয়োং সিয়েনি বেক্কানি গুরিম্‌।”

পত্থম 28:3

বেগত্তুন্‌ খেমতাবলা গোজেনে তরে বর্ দুয়োক্‌ আর তরে ভালোক্কুন্‌ ঝি-পুয়োর বাব্‌ অবার্‌ খেমতা দুয়োক্‌। তে তঅ বংশর্‌ মানুচ্চুনোরে জনেদি বাড়েই দোক্। সেক্কেনে তারা অবাক্‌ এক্কো ভালোক্‌ গুট্টির্‌ জাদ্।

১ বংশধর 2:51

শল্‌ম বানেয়্যেদে বৈৎলেহম আদামান আর হারেফ বানেয়্যেদে বৈৎ-গাদের আদামান।

গীতসংহিতা 118:26

যিবে লগেপ্রভুর নাঙে এজের্ তারে বাঈনী গরা ওক্। লগেপ্রভুর ঘরত্তুন্ আমি তমারে বর্ দিই।

গীতসংহিতা 134:3

আগাজ্ আর পিত্‌থিমীগান বানেয়্যে লগেপ্রভু সিয়োনানত্তুন্ তমারে বর্ দোক্।

যিরমিয় 31:23

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, “মুই যেক্কে বন্দীদজাত্তুন্ মানুচ্চুনোরে ফিরেই আনিম সেক্কে যিহূদা দেজ্‌চান আর তা শঅরর্ মানুচ্চুনে আরঅ কবাক্, ‘ও ধার্মিক্কুনো থেবার্ ঘরান, ও সুদ্ধো-সাংগ মুড়োবো, লগেপ্রভু তরে বর্ দুয়োক‍্।’ ‍‍‍‍‍

গণাণা 6:24

লগেপ্রভু তরে বর্ দোক্ আরঅ রোক্ষে গোরোক্‌;

লূকে লেখ্যে গম্ হবর্ 1:28

স্বর্গদূত্তো মরিয়ম ইধু এইনে তারে ভালেদি জানেইনে কলঅ, “প্রভু তঅ সমারে আঘে আর তরে বোউত্ বর্ দিয়্যে।”

২ থিষলনীকীয় 3:16

শান্তিদিয়্যে প্রভু নিজে নিত্য তমারে শান্তি দান গোরোক্। প্রভু তমার বেক্কুনো সমারে থোক্।

১ তীমথিয় 6:2

যে চাগর্‌বো খ্রীষ্ট বিশ্বেজির্ গিরোজর্ অধীন তে যেন বিশ্বেজি ভেই বিলিনে সেই গিরোজ্‌সোরে ঈচ্ ন-গরে বরং আরঅ গমেডালে তার সেবা গরে, কিয়া তার্ সেবালোই যিবে উপকার পার্ তে দঅ বিশ্বেজি আর তার্ কোচ্‌পেইয়্যে। এ বেপারানি শিক্ষ্যে দে আর উপদেচ্‌ দে।

২ তীমথিয় 4:22

প্রভু তঅ সমারে সমারে থোক্। গোজেনর্ দোয়্যেগান তমা রিবেঙত্ থোক্।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

বিচের গুরিয়্যেগুন 6:12

সেই অক্তত্‌ লগেপ্রভুর দুত্‌তো গিদিয়োনরে দেগা দিইনে কলঅ্‌, “ও বোলী যুদ্ধো গুরিয়্যে, লগেপ্রভু তঅ লগে আঘে।”

বিচের গুরিয়্যেগুন 6:16

জোবত্‌ লগেপ্রভু কলঅ, “মুই তঅ লগে থেম্‌, আহ্‌ সেক্কে তুই বেক্‌ মিদিয়নীয়গুনোরে এক্কো মান্‌জ্য ধোক্ক্যেন্ গুরিনে ওদেই দিবে।”

রূত 2:3

সেক্কে রূতে নিগিলি গেলঅ‌ আর খেদত্‌ যেইনে যিগুনে ফসলানি কাবদন্‌ তারার পিজে পিজে শীজেগুন কুড়ো ধুরিলো; আর এন্‌ অলঅ‌, তে যিয়েনত্‌ শীজেগুন কুড়োর্‌ সিগুন্‌ অলদে ইলীমেলকর গুট্টির্‌ বোয়সর ক্ষেততান্‌।

রূত 2:5

বোয়সর যে চাগর্‌বো ফসল কাবেদে কামানি চেইদিদো বোয়সে তারে পুজোর্‌ গুরিলো, “এই গাবুর্‌ মিলেবো কার্‌?”

রূত 4:11

সেক্কে যিগুনে গেদোত্‌ বোই এলাক্‌ তারা আর সেই বুড়ো মুরুব্বীগুনে বেক্কুনে কলাক্, “অয়, আমি সাক্ষী অবং। যে মিলেবো তঅ ঘরত্‌ যার্‌ লগেপ্রভু বর্ দোক্ যেনে তে রাহেল আর লেয়া ধোক্ক্যেন অয়, যিগুনে ইস্রায়েল জাদ্‌তোরে দোল্ পদথ্‌ আন্যন। ইফ্রাথাত্‌ তুই ধন সোম্বোত্তি লাভ গুরিচ্‌ আর বৈথলেহমত বেক্কুনে তর্‌ নাঙান্‌ গিনোদোক্।

১ শমূয়েল 17:37

দায়ূদে আরঅ কলঅ, “লগেপ্রভু, যিবে মরে সিংহ আর ভালুগো মুয়োত্তুন্‌ রোক্ষ্যে গোজ্যে, তেয়ই মরে সেই পলেষ্টীয়গুনোর আঢত্তুন্‌অ রোক্ষ্যে গুরিবো।” সেক্কে শৌল দায়ূদরে কলঅ, “সালে যাহ্, লগেপ্রভু তর্‌ লগে থোক্।”