রূত 1:8 - Chakma Bible

⁸ পরেন্দি নয়মী তার দ্বিবে পূদবোরে কলঅ‌, “তুমি যার্‌ যার্‌ মাগুনোর ঘরত্‌ ফিরি যঅ‌। তুমি যেধোক্ক্যেন্‌ তমা মোজ্যেদে নেক্কুনো উগুরে আর মঅ‌ উগুরে বিশ্বেজী এলা সেধোক্ক্যেন্‌ লগেপ্রভুয়ো যেনে তমা উগুরে বিশ্বেজী থায়।

রূত 1:8 Iomraidhean Croise

২ শমূয়েল 2:6

তে যেনে ইক্কিনে তার অমকদ কোচ্‌পানা আর বিশ্বেজ্ তমারে দেগায়, আহ্ তমার্‌ সেই কামানিত্যে মুইয়ো তমা লগে গম্‌ বেবহার গুরিম।

ইফিষীয় 5:22

তুমি যিগুনে মোগ্, প্রভু উগুরে বাধ্যতার্ চিহ্নো ইজেবে তুমি নিজোর্ নিজোর্ নেগর্ অধীনতা মানি লঅ,

কলসীয় 3:18

তুমি যিগুনে মোগ্, তুমি পত্তিজনে নেগর্ তলেদি থানাগান মানি লঅ, কিয়া প্রভুর মানুচ্‌ ইজেবে ইয়েনই উচিত।

কলসীয় 3:24

কিয়া তুমি দঅ কোই পারঅ, প্রভু তা মানুচ্চুনোত্যে যিয়েন থোইয়্যে সিয়েন তুমি বক্‌শিজ্ ইজেবে তাত্তুন্ পেবা। তুমি যিবের্ সেবা গরর্ তে প্রভু খ্রীষ্ট।

রূত 1:7

তারা যিয়েনত্‌ থেদাক্‌ সিয়োত্তুন্‌ দ্বিবে পূদবোরে নেযেইনে তে নিগিলিলো আর যিহূদা দেজত্‌ ফিরি যাইদে পথ্‌তান ধুরিনে লট্ দিলো।

রূত 1:9

লগেপ্রভু তমারে বর্ দুয়োক্‌ যেনে তুমি দ্বিজনে আর গমেডালে গিরিত্তি গুরি পারঅ।” এ কধাগান কোইনে তে তারারে চুমিলো আর তারা গুজুরি গুজুরি কানা ধুরিলাক্‌।

রূত 2:20

এই কধাগান শুনিনে নয়মী তার পূদঅবোবোরে কলঅ, “লগেপ্রভু, যিবে জেদা বা মরা কারঅ উগুরে অবিশ্বেজী ন-অয় তে তারে বর্ দুয়োক্।” তে আরঅ কলঅ, “উই মানুচ্চো আমার সদর্‌ কুদুম্মো। যে কুদুম্মোগুনো উগুরে মঅ নেক্কোর বেক্কানি ছাড়ি নেযেবার আর রোক্ষ্যে গুরিবার কাম ভারান্ রোইয়্যে তে তারা ভিদিরে এক্কো।”

রূত 3:10

জোবত্‌ বোয়সে কলঅ, “লগেপ্রভুর তরে আশিদ্‌বাদ গোরোক। এদকদিন সং তুই যে বিশ্বেজ্‌চান্ দেগেয়োচ্‌ তাত্তুন বেশ্‌ এবেরা আরঅ বেশ্‌ বিশ্বেজ্ দেগেলে, কিত্যে থাগোয়্যে-নাদা কনঅ গাবুজ্যের্ পিজেন্দি তুই ন-যাচ্‌।