রূত 1:20 - Chakma Bible

²⁰ নয়মী কলঅ‌, মরে নয়মী (যিয়েনর্ ভেদ্‌তান্ আজি-হুজি) বিলি আর ন-ডাক্কো, বরং মারা (যিয়েনর্ ভেদ্‌তান্ “তিদে”) নাঙে ডাগঅ, কিত্তেই দিন দুনিয়ের্‌ গিরোজ্‌ গোজেনে মর্‌ জীংকানিগানরে তিদে গুরি দিয়্যে।

রূত 1:20 Iomraidhean Croise

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

পত্থম 43:14

বেগত্তুন্‌ খেমতাবলা গোজেনে যেন সে মানুচ্চো ইধু তমারে দোয়্যে দেগায়, আর তমা সে ভেইবো আর বিন্যামীনরেয়ো তমা আদত্‌ ইরি দে; আর যুনি মত্তুন পুয়ো আরেয়্যে উয়ো পরেদে অয়্‌ সালে নয়ত সিয়েনোই অলুং।”

ইয়োব 11:7

গোজেনর গুমুরো পৌইদ্যেনে গভীনান্‌ কত্তমান্‌ সিয়েন্‌ কি তুই বুঝি পারচ্‌? বেগত্তুন্‌ খেমতাবলা গোজেনর দুজি কত্তমান্ সিয়েন্‌ কি তুই বিজিরে চেই পারচ্‌?

ইয়োব 19:6

সালে জানি লঅ, গোজেনে মঅ উগুরে অন্ন্যেই গোজ্যে; নিজো জাল্লোই তে মরে ঘিজ্যে।

ইয়োব 5:17

বর্‌ পেইয়্যে সেই মানুচ্চো, যিবেরে গোজেনে বুদুলি ফেলায়। সেনত্তেই গোজেনর শাজনানরে ঈচ্ ন-গোজ্য,

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

ইয়োব 9:18

তে মরে নিজেস্‌ নিবাত্তে ন-দে বরং তিদেলোই মঅ জিংকানিগান্‌ ভোরেই দে।

গীতসংহিতা 73:14

পুরো দিন্নো মুই দুঘ্ পাঙর্; পত্তিদিন বেন্যেমাদান্ সাজা পেয়োং।

গীতসংহিতা 88:15

চিগনত্তুন্ ধুরি মুই দুঘোত্ আগং আর মরণর মুয়োত্ আগং। তর্ দর্‌গরেপারা সাজা মঅ উগুরে লামি এচ্চ্যে; মুই অমকদ অসহায়।

যাত্রা 15:23

পরেদি তারা মারা নাঙে এক্কো ধূল্যেচর চাগালা ইধু লুমিলাক্‌, মাত্তর্‌ তিদে বিলিনে সিধুগোর্‌ পানিগান তারা হেই ন-পারিলাক্। সেনত্তে সেই জাগানর্‌ নাঙ্‌ ওইয়্যেদে মারা (যিয়েনর্ ভেদ্‌তান্ “তিদে”)।

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

যিশাইয় 38:13

বেন্যে পহ্‌র ন-অনা সং মুই নিজোরে শান্ত রাগেলুং। সিংহ ধোক্ক্যেন গুরি মঅ আড়ুন তুই ভাঙি দিলে; এক দিনো ভিদিরে তুই মরে শেজ্ গুরি দিবে।‌‍‌‌‌

ইব্রীয় 12:11

শাসনানরে আমি হুজির্ বেপার বিলিনে মনে ন-গুরিই, বরং দুঘোর্ বেপার বিলিনে মনে গুরিই; মাত্তর্ গোজেনর্ শাসন মানি লনার্ ফল অলঅ সুগে-শান্দিয়্যে গম্ জিংকানি।

ফগদাং পেইয়্যে 1:8

প্রভু গোজেনে কত্তে, “মুয়ই সেই আল্‌ফা আর ওমিগা যিবে আঘে, যিবে এলঅ আর যিবে এজের্। মুয়ই বেগত্তুন্ খেমতাবলা।”

ফগদাং পেইয়্যে 21:22

মুই সেই শঅরর্ কনঅ উবোসনা-ঘর ন-দেগিলুং, কারন বেগত্তুন্ খেমতাবলা প্রভু গোজেন আর ভেড়া-ছবোই এলাক্ সেই শঅরানর্ উবোসনা-ঘর।