রূত 1:16 - Chakma Bible

¹⁶ মাত্তর্‌ রূতে কলঅ, “তরে ফেলেই যেবাত্তে তুই মরে জোর্‌ ন-গুরিচ্‌, বা তঅ সমারে যেবাত্তে মরে মানা ন-গুরিচ্‌। তুই যিদু যেবে মুইয়ো সিদু যেম্‌ আর তুই যিয়েনত্‌ থেবে মুইয়ো সিয়েনত্‌ থেম্‌। তঅ‌ মানুচ্চুন্‌ অবাক্‌ মঅ‌ মানুচ্‌ আর তঅ‌ গোজেনে অবঅ মর্ গোজেন্‌।

রূত 1:16 Iomraidhean Croise

২ শমূয়েল 15:21

মাত্তর্‌ ইত্তয় রাজারে কলঅ, “জেদা লগেপ্রভুর নাঙে কঙর্ আর মঅ গিরোজ্‌ মহারাজার্‌ নাঙে কঙর্, মঅ গিরোজ্‌ মহারাজে যিয়েনত্‌ থেবঅ সিয়েনত্‌ তঅ চাগর্‌ মুইয়ো থেম্‌, সেক্কে মুই বাঁজি থাং বা মুরি যাং।”

গীতসংহিতা 45:10

ও মিলেবো, শুন, মনান্ দে, কান পাদ। তঅ মানুচ্চুনোরে তুই ভুলি যাহ্, ভুলি যাহ্ তঅ বাবর্ ঘর কধানি।

গম্ উপদেজ্ 17:17

দাংগুবো নিত্য কোচ্‌পায়, আর ভেইবো থাইদে দুঘোত্ বল্ দিবাত্তে।

যিশাইয় 14:1

লগেপ্রভু যাকোব উগুরে মেয়্যে গুরিবো; তে আরঅ ইস্রায়েলরে বেঈ লবঅ আর তারার্ নিজো দেজত্ বোজেই দিবো। বিদেশিগুনে তারা সমারে মিজেবাক্ আর তারা যাকোব বংশগুনো সমারে এগত্তর্ অবাক্।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

হোশেয় 13:4

লগেপ্রভু কত্তে, মিসরত্তুন্ তরে নিগিলেই আনিবার সময়ত্তুন্ ধুরি মুয়ই তর্ গোজেন লগেপ্রভু। মুই বাদে তর্ আর কনঅ গোজেন নেই; মুই বাদে তর্ আর কনঅ উদ্ধোর্ গুরিয়্যে নেই।

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

মথি লেখ্যে গম্ হবর্ 8:19

এক্কো ধর্ম-মাষ্টরে সেক্কে যীশু ইধু এইনে কলঅ, “প্রভু, তুই যিদু যেবে মুইয়ো তঅ সমারে সিদু যেম্।”

যোহন 13:37

পিতরে তারে কলঅ, “প্রভু, কিত্ত্যে ইক্কিনে আমি তঅ সমারে যেই ন-পারিবোং? তত্ত্যে মুই মঅ পরাণান্-অ দিম্।”

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

যিহোশূয় 24:18

এ দেজর্‌ আদাম্মে ইমোরীয়গুনোরে আর অন্য বেক্‌ জাদ্‌তুনোরে লগেপ্রভু আমা মুজুঙোত্তুন্‌ ধাবেই দিয়্যে। আমিয়ো লগেপ্রভুরে সেবা গুরিবোং, কিত্যেই তেয়ই আমার গোজেন।”

ফগদাং পেইয়্যে 14:4

ইগুনে সেই মানুচ্চুন্, যিগুনে মিলেগুনো সমারে পর্‌‌পাগোল্যে ওইনে নিজোরে অসিজি ন-গরন্। যিয়েনত্ ভেড়া-ছবো যায় তারা তা পিজে পিজে যান্। গোজেন আর ভেড়া-ছবো ইধু পত্তম ফল ইজেবে উৎসর্ব গুরিবাত্যে মানুচ্চুনো ভিদিরেত্তুন্ তারারে কিনি নেযা ওইয়্যে।

রূত 1:15

সেক্কে নয়মী কলঅ‌, “চাহ্, তঅ জাল্লো তা নিজো মানুচ্চুনো ইদু আর তা দেবেদাগুনো ইদু ফিরি যার্‌। তুইয়ো তা লগে যাহ্‌।”

রূত 1:17

তুই যিয়েনত্‌ মুরিবে মুইয়ো সিয়েনত্‌ মুরিম্‌ আর সিয়েনত্‌ যেনে মর্‌ গোর্‌ অয়। এক মরণ বাদে আর অন্য কিজুয়ে যুনি আমারে ফারক্‌ গরে সালে লগেপ্রভু যেনে মরে সাজা দে আর সিয়েন জদবদে দে।”

রূত 2:6

যে মানুচ্চো কামানি দেগাশুনো গুরিদো তে জোবত্‌ কলদে, “মোয়াব্‌ দেজত্তুন নয়মীর লগে যে মোয়াবীয় মিলেবো এচ্ছ্যে ইবে তে।

রূত 4:15

পূঅবো যেনে তরে পোত্‌পোত্যে গুরি তুলে আর তর্‌ বুড়ো বয়জত্‌ তর্‌ দেগাশুনো গরে, কিত্যে তর্‌ পূদবোবো, যে তরে কোচ্‌পায় আর যে তইদু সাত্তো পূঅত্তুনঅ বেশ্‌, তা পেদত্‌ পূঅবোর জর্ম ওইয়্যে।”