রূত 1:1 - Chakma Bible

¹ শাজন্‌গুরিয়্যেগুনোর শাজন আমলত ইস্রায়েলীয়গুনোর দেজত্‌ একপল্লা ভাদঅ‌ রাত্ দেগা দিলো। সেক্কে যিহূদা দেজর বৈৎলেহম আদামর এক্কো মান্‌জ্যে তা মোক্কো আর দ্বিবে পূঅরে নেযেইনে কয়েকদিনোত্তে মোয়াব দেজত্‌ বজত্তি গুরিবাত্তে গেলঅ‌।

রূত 1:1 Iomraidhean Croise

পত্থম 12:10

কনান দেজত্‌ ভাদঅ রাত্‌ দেগা দিলো। সে ভাদঅ রাত্তো এদক্‌ বেশ্ অলদে, অব্রামে কয়েকদিনোত্তে মিসর দেজত্‌ বজত্তি গুরিবাত্তে গেলঅ।

পত্থম 26:1

অব্রাহাম সময়বো ধোক্ক্যেন এবেরায়ো দেজত্‌ এক্কান্‌ ভাদঅ রাত্‌ দেগা দিলো। সেনত্তে ইস্‌হাকে গরার শঅর পলেষ্টীয়গুনোর রাজা অবীমেলকর ইধু গেলঅ।

পত্থম 43:1

কনান দেজর্‌ ভাদ-রাদ অবস্থা আরঅ বেশ্‌ ওই উদিলো।

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

১ রাজাবলী 18:2

সেনত্তে এলিয় আহাবরে দেগা দিবাত্তে গেলঅ। সেক্কে শমরিয়াত্‌ অমকদ ভাদরাত্‌ চলের্‌।

১ বংশধর 2:51

শল্‌ম বানেয়্যেদে বৈৎলেহম আদামান আর হারেফ বানেয়্যেদে বৈৎ-গাদের আদামান।

১ বংশধর 2:54

শল্‌ম বংশর মানুচ্চুন অলাক্‌ বৈৎলেহম মানুচ্চুন, নটোফাতীয়োগুন, অট্রোৎ-বৈৎ-যোয়াবর মানুচ্চুন, মনহতীয়গুনোর অদ্দেক্‌ মানুচ্‌, সরায়ীয়োগুন আর যাবেষত্‌ বজত্তিগুরিয়্যে লিগিয়্যেগুন, অত্তাৎ তিরিয়াথীয়োগুন, শিমিয়থীয়োগুন আর সূখাথীয়োগুন। ইগুনে এলাক্‌ কীনীয় যিগুনে রেখবীয়গুনোর পূরোণিমানুচ্‌ হম্মতর বংশর মানুচ্‌।

গীতসংহিতা 105:16

সে পরেন্দি তে তারার দেজত্ ভাদ রাত্ ডাগি আনিলো আর তারার হানা-দানার অভাব গুরি দিলো,

গীতসংহিতা 107:34

আর ফসল জর্মেয়্যে ভূইয়ানিরে গরে নুনো খলা। যিগুনে সিদু বজত্তি গরন তারার পাজিগানির কারনে তে ইয়েনি গরে।

যিরমিয় 14:1

খরান পৌইদ্যেনে লগেপ্রভু যিরমিয়রে কলঅ,

যিহিষ্কেল 14:13

ও মান্‌‌জ্য পুয়োবো, ধুরিচ্, অবিশ্বেজি ওইনে কনঅ দেজ্ মঅ বিরুদ্ধে পাপ গুরিলো আর মুই তা বিরুদ্ধে আঢ্ বাবেইনে তা হানার যোগানানি বন্ধ গুরিলুং আর ভাদরাত্ পাধেইনে তা মানুচ্ আর এ্যামানুনোরে মারে ফেলেলুং।

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

লেবীয় 26:19

মুই তমার্‌ বলর্‌ বাহাদুরি ভাঙি দিম। মুই তমার্‌ মাদা উগুরে আগাচ্চান্‌ লুয়ো ধোক্ক্যেন আর টেঙর্‌ তলে মাটিগান্‌ পিদল ধোক্ক্যেন দরঅ গুরি দিম।

আমোষ 4:6

“মুই আরঅ কঙর্, পত্তি শঅরত্ মুই তমারে খালি পেদে রাগেলুং আর পত্তি আদামত্ রুটির অভাব দিলুং; তো তুমি মইদু ফিরি ন-এলা।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

দ্বি’লম্বর বিররণ 28:38

তুমি বোউত্ লাগেবা মাত্তর্‌ কাবিবাদে কম, কিত্যে পুগ্-যুগ্‌কুনে ফলুন খেই ফেলেবাক।

বিচের গুরিয়্যেগুন 12:8

যিপ্তহর পরেন্দি ইস্রায়েলীয়গুনোর শাজন্‌গুরিয়্যে অলঅ বৈৎলেহম আদামর ইব্‌সন।

বিচের গুরিয়্যেগুন 17:7

সে সময়োত্‌ যিহূদা চাগালাত্‌ বৈৎলেহমর এক্কো লেবীয় গাবুজ্যে যিহূদা-গুট্টির মানুচ্চুনো সমারে বজত্তি গুরিদো।

বিচের গুরিয়্যেগুন 17:8

তে অন্য কিত্তেন্দি থেবার জাগা তোগেবাত্তে বৈৎলেহমান ছাড়িনে নিগিলি এলঅ। যেবার পদথ্‌ তে ইফ্রয়িমর মুড়ো-মুড়ি চাগালাত্‌ মীখার ঘরত্‌ গেলঅ।